కరోనా కారణంగా ఎన్ని వందలు, వేల కోట్ల నష్టం సినీ పరిశ్రమ కి ఉంటుందో అంచనా వేయడం కష్టంగా ఉంది. రెండు నెలల్లో అంతా మామూలైపోతుందని అనుకున్న సినీ వర్గాలు ఇపుడు ఆలోచనలో పడ్డాయి. ఇంకో మూడు నెలలు అయినా కూడా థియేటర్లు తెరుచుకునే పరిస్థితి లేదు.
ఈ క్రమంలో అగ్ర నిర్మాత అల్లు అరవింద్ ప్రస్తుత సినీ పరిశ్రమ గురించి కొన్ని హెచ్చరికలు చేయడం జరిగింది. దసరాకు పరిస్థితులు మారతాయి సినిమాల సందడి మొదలవుతుంది అనుకుంటే..భ్రమే అని అరవింద్ తేల్చేశారు. ఆయన అంచనా ప్రకారం డిసెంబరు-జనవరి నాటికి కానీ సినిమా థియేటర్లు మామూలు స్థితికి రావని చెబుతున్నారు ఒకవేళ కరోనాకు మందు వచ్చినా కూడా.. ప్రేక్షకులు థియేటర్ల వద్ద గుంపులుగా కలవడానికి పూర్వం లా ధైర్యం చేయక పోవచ్చని అన్నారు .
థియేటర్లు, షాపింగ్ మాల్స్ వంటి వాటికి సాధారణ పరిస్థితులు రావడానికి రెండున్నరేళ్ల సమయం పడుతుందని అరవింద్ అంచనా వేశారు ..చివరగా చిన్న సినిమాల గురించి చెబుతూ వాటికి గడ్డు కాలం తప్పదని.. ఓటీటీ ఫ్లాట్ ఫామ్స్ సినిమాలకు అయినంత ఖర్చును ఇచ్చి కొనుగోలు చేయవని చెప్పారు.విడుదలకు ఎదురు చూసే చిత్రాలు వడ్డీల్ని తట్టుకుని నిలబడే పరిస్థితి లేదన్నారు.
Web Title: Allu aravind predicted on corona
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
