Real Estate : రియల్ ఎస్టేట్ రంగంలో 2024లో జెండా ఎగరేసిన భారత్.. ఎన్ని వేల కోట్లు పెట్టుబడి పెట్టిందో తెలుసా ?

Real Estate : 2024 సంవత్సరం భారతీయ రియల్ ఎస్టేట్ రంగానికి చాలా ప్రత్యేకంగా నిలిచింది. ముఖ్యంగా రెసిడెన్షియల్ మార్కెట్‌లో ఇన్వెస్టర్లు భారీగా పెట్టుబడులు పెట్టారు. కొలియర్స్ ఇండియా నివేదిక ప్రకారం.. రెసిడెన్షియల్ ప్రాపర్టీలకు పెరుగుతున్న డిమాండ్, ప్రభుత్వ మద్దతు విధానాలు పెట్టుబడిదారుల విశ్వాసాన్ని మరింత పెంచాయి. 2024 సంవత్సరంలో రియల్ ఎస్టేట్ రంగంలో ప్రైవేట్ ఈక్విటీ (PE) పెట్టుబడి 4.15 బిలియన్ అమెరికన్ డాలర్ల(సుమారు 35వేలకోట్లు)కు చేరుకుంది. ఇది ప్రతి సంవత్సరం కంటే 32 శాతం ఎక్కువ.

ఈ రంగంలో మొత్తం సంస్థాగత పెట్టుబడి 8.9 బిలియన్ డాలర్లకు చేరుకుంది. 2007లో 8.4 బిలియన్ డాలర్ల రికార్డును అధిగమించింది. గత సంవత్సరం నివాస రంగంలో అత్యధిక పెట్టుబడులు జరిగాయి. ఈ రంగంలో 45శాతం పెట్టుబడి పెట్టారు. దీంతో పాటు దేశీయ ఇన్వెస్టర్లు కూడా ఆసక్తి చూపారు. దేశీయ ఇన్వెస్టర్లు మొత్తం 37శాతం సహకారం అందించారు. ఇలాంటి పరిస్థితుల్లో ఈ ఏడాది అంటే 2025లో రియల్ ఎస్టేట్ రంగంలో పెట్టుబడుల రికార్డులన్నీ బద్దలై ఈ రంగం సరికొత్త రికార్డును సాధిస్తుందని అంచనా.

2024లో భారతీయ రెసిడెన్షియల్ మార్కెట్‌లో సంస్థాగత పెట్టుబడి 46శాతం పెరిగి 1.15 బిలియన్ డాలర్లకు చేరుకుంటుందని అంచనా. ఈ సంఖ్య 2023లో 788.9 మిలియన్ డాలర్ల కంటే ఎక్కువ. సింపుల్ గా చెప్పాలంటే.. పెట్టుబడిదారులు ఇప్పుడు భారతీయ రియల్ ఎస్టేట్‌ను బలమైన, సురక్షితమైన మార్కెట్‌గా చూస్తున్నారు. ఈ రంగంలో పెట్టుబడులు పెట్టేందుకు ఇన్వెస్టర్లు ఆసక్తి చూపుతున్నారు.

ఇళ్లలోనే కాకుండా పారిశ్రామిక, ఆఫీసు వంటి రంగాల్లోనూ పెట్టుబడులు పెరిగాయి. 2024లో 2.5 బిలియన్ డాలర్ల పెట్టుబడి ఉంది, ఇది 2023లో 877.6 మిలియన్ డాలర్ల కంటే చాలా రెట్లు ఎక్కువ. భారత్‌లో తమ వ్యాపారాన్ని వేగంగా విస్తరించేందుకు కంపెనీలు సిద్ధంగా ఉన్నాయని ఇది తెలియజేస్తోంది.

మొత్తం పెట్టుబడిలో రికార్డు
భారతీయ రియల్ ఎస్టేట్‌లో మొత్తం సంస్థాగత పెట్టుబడి 2024లో 6.5 బిలియన్ డాలర్లకు చేరుతుందని అంచనా వేయబడింది, ఇది 2023లో 5.4 బిలియన్ డాలర్ల నుండి 22శాతంపెరిగింది. 2020 తర్వాత ఇదే అత్యధికం.

ప్రభుత్వ విధానాల ప్రభావం
ఈ విజయంలో ప్రభుత్వ విధానాలు కీలక పాత్ర పోషించాయని గోల్డెన్ గ్రోత్ ఫండ్ సీఈవో అంకుర్ జలాన్ అన్నారు. గత కొన్ని సంవత్సరాలుగా రియల్ ఎస్టేట్ కోసం డిమాండ్ అన్ని స్థాయిలలో పెరిగింది. ఇది దేశీయ, విదేశీ పెట్టుబడిదారులను అమితంగా ఆకర్షిస్తుంది.