oppo find x10 : ప్రీమియం స్మార్ట్ఫోన్ రంగాన్ని ఏలేందుకు ఒప్పో (Oppo) మరో సంచలనానికి తెరలేపింది. తన నెక్స్ట్ జెనరేషన్ ఫ్లాగ్షిప్ సిరీస్ ‘Oppo Find X10’ కెమెరా వివరాలను అధికారికంగా సూచిస్తూ టెక్ ప్రియుల్లో భారీ అంచనాలను పెంచేసింది. ఈ సిరీస్లోని టాప్ ఎండ్ మోడల్ అయిన Find X10 Pro Max లో ఏకంగా మూడు 200 మెగాపిక్సెల్ (200MP) కెమెరాలను అందించబోతుండటం గమనార్హం. ఒకే ఫోన్లో మూడు 200MP కెమెరాలను తీసుకురావడం స్మార్ట్ఫోన్ చరిత్రలోనే ఇది తొలిసారి కానుంది.
ఈ సిరీస్లో Find X10 మరియు Find X10 Pro Max మోడళ్లను ఈ ఏడాది సెప్టెంబర్లోనే విడుదల చేసే అవకాశం ఉందని ఒప్పో ప్రొడక్ట్ మేనేజర్ జౌ షిజీ (Zhou Shijie) వీబో (Weibo) ద్వారా వెల్లడించారు. స్టాండర్డ్ Find X10 మోడల్లో సైతం డ్యూయల్ 200MP కెమెరా సెటప్ ఉండనుంది.
హ్యాసెల్బ్లాడ్ టెక్నాలజీతో ‘అల్ట్రా హెచ్డీ’ విప్లవం
కెమెరా నాణ్యతను తదుపరి స్థాయికి తీసుకెళ్లేందుకు ఒప్పో ప్రముఖ కెమెరా బ్రాండ్ Hasselblad తో ఒప్పందాన్ని కొనసాగిస్తోంది. ఈ కాంబినేషన్లో కొత్తగా “Hasselblad Ultra HD Original Camera” సిస్టమ్ను పరిచయం చేస్తున్నారు. ప్రసుతం ఫోన్ల కెమెరాల్లో ఏఐ (AI) ప్రాసెసింగ్ వల్ల వచ్చే కృత్రిమ రూపాన్ని (Fake Textures) తగ్గించి, సహజమైన కాంతి, లైటింగ్, ఒరిజినల్ టెక్స్చర్లను ఉన్నది ఉన్నట్లుగా క్యాప్చర్ చేయడమే ఈ టెక్నాలజీ ముఖ్య ఉద్దేశం.
24-ఛానల్ కలర్ సిస్టమ్ & లూమో ఇంజిన్
Danxia Colour System (2nd Gen): ఈ కెమెరా సిస్టమ్ 24 ఛానళ్ల కలర్ శాంప్లింగ్ మరియు 15EV డైనమిక్ అక్యూరసీతో పనిచేస్తుంది. ఇది పరిసరాల్లోని లైటింగ్ను ఖచ్చితంగా అసెస్ చేస్తుంది.
LUMO Imaging Engine: కెమెరా సెన్సార్లు సేకరించిన సమాచారాన్ని ప్రాసెస్ చేసి, కళ్లకు కనిపించే రంగులనే ఫొటోల్లో రీ-క్రియేట్ చేయడానికి ఒప్పో సొంత ‘లూమో ఇమేజింగ్ ఇంజిన్’ ఉపయోగపడుతుంది.
డిజైన్ , లుక్స్
కంపెనీ విడుదల చేసిన అధికారిక టీజర్లో వెనుక వైపు చతురస్రాకారంలో (Square-shaped) ఉన్న కెమెరా మాడ్యూల్ స్పష్టంగా కనిపిస్తోంది. ఇది గతంలో లీకైన రెండర్లను పోలి ఉంది. కొత్త వేరియంట్లు గతంలో వచ్చిన Find X9 Ultra లోని ప్రసిద్ధ ‘Tundra Umber’ ఫినిషింగ్ శైలిని కలిగి ఉండవచ్చని తెలుస్తోంది.
మూడు 200MP కెమెరాలు, హ్యాసెల్బ్లాడ్ కలర్ ప్రాసెసింగ్, లూమో ఇమేజింగ్ ఇంజిన్తో వస్తున్న ఒప్పో Find X10 సిరీస్ మొబైల్ ఫొటోగ్రఫీ రంగంలో కొత్త ప్రమాణాలను నెలకొల్పబోతోంది. ఈ ఫోన్ల సెన్సార్ పరిమాణాలు, పూర్తి స్పెసిఫికేషన్లు మరియు ధరల వివరాలు సెప్టెంబర్ లాంచ్ ఈవెంట్లో అధికారికంగా తెలియనున్నాయి.
