Vivo X500 : స్మార్ట్ఫోన్ మార్కెట్లో వివో తన తదుపరి ఫ్లాగ్షిప్ సిరీస్ Vivo X500ను తీసుకొచ్చేందుకు సిద్ధమవుతోంది. ఈ సిరీస్లో Vivo X500, Vivo X500 Pro, Vivo X500 Pro Max మోడల్స్ ఉండనున్నాయి. ముందుగా చైనా మార్కెట్లో ఈ ఫోన్లు లాంచ్ కానుండగా.. ఇప్పుడు గ్లోబల్ మార్కెట్ ఎంట్రీకి సంబంధించిన కీలక సంకేతం వెలుగులోకి వచ్చింది.
వివో X500 సిరీస్కు చెందిన మూడు మోడల్స్ మలేషియాలోని Standard and Industrial Research Institute of Malaysia (SIRIM) సర్టిఫికేషన్ వెబ్సైట్లో కనిపించినట్లు సమాచారం. సాధారణంగా ఒక స్మార్ట్ఫోన్ వివిధ దేశాల సర్టిఫికేషన్ డేటాబేస్లలో కనిపించడం.. ఆయా మార్కెట్లలో విడుదలకు కంపెనీ సిద్ధమవుతోందనే సంకేతంగా భావిస్తారు. దీంతో Vivo X500 సిరీస్ త్వరలో ఆసియా మార్కెట్లలోకి అడుగుపెట్టే అవకాశం ఉందనే అంచనాలు పెరుగుతున్నాయి.
మూడు మోడళ్లకు SIRIM సర్టిఫికేషన్
నివేదికల ప్రకారం, Vivo X500 మోడల్ నంబర్ V2619తో SIRIM డేటాబేస్లో నమోదైంది. దీనికి RGQL/46L/0926/S (26-5046) రిఫరెన్స్ నంబర్ ఉన్నట్లు తెలుస్తోంది. ఇక Vivo X500 Pro Max మోడల్ నంబర్ V2610తో, Vivo X500 Pro మోడల్ నంబర్ V2621తో సర్టిఫికేషన్ పొందినట్లు సమాచారం.
Vivo X500ను సెప్టెంబర్ 7న సర్టిఫై చేయగా.. X500 Pro Max, X500 Pro మోడల్స్ సెప్టెంబర్ 10న రిజిస్టర్ అయినట్లు తెలుస్తోంది. అయితే ఈ సర్టిఫికేషన్లలో ఫోన్ల స్పెసిఫికేషన్లను వెల్లడించలేదు.
అదిరిపోయే స్పెసిఫికేషన్లతో X500 Pro Max?
ఇప్పటికే గ్లోబల్ వేరియంట్ Vivo X500 Pro Max Geekbenchలో V2602DA మోడల్ నంబర్తో కనిపించినట్లు సమాచారం. ఈ లిస్టింగ్ ప్రకారం ఫోన్లో MediaTek Dimensity 9600 Pro చిప్సెట్, 16GB RAM, Android 17 ఉండే అవకాశం ఉంది.
మరోవైపు X500 Pro Maxలో 6.85 అంగుళాల BOE 2K డిస్ప్లే ఉండనున్నట్లు వివో టీజ్ చేసింది. ఇందులో BOE Q11 ప్యానెల్ను ఉపయోగించనున్నట్లు తెలుస్తోంది. కెమెరాల విషయానికి వస్తే Zeiss బ్రాండింగ్తో కూడిన రియర్ కెమెరా సెటప్ ఉండనుంది. ముఖ్యంగా 200MP టెలిఫొటో కెమెరా ఈ ఫోన్కు ప్రధాన ఆకర్షణగా నిలిచే అవకాశం ఉంది. అదనంగా ఆప్షనల్ కెమెరా కిట్, టెలికన్వర్టర్ లెన్స్లను కూడా కంపెనీ అందించే అవకాశముంది.
ప్రస్తుతం గ్లోబల్ లాంచ్పై వివో అధికారిక ప్రకటన చేయలేదు. అయితే SIRIM సర్టిఫికేషన్ నేపథ్యంలో Vivo X500 సిరీస్ అంతర్జాతీయ మార్కెట్లోకి అడుగుపెట్టడం దాదాపు ఖాయమేనని టెక్ వర్గాలు భావిస్తున్నాయి.
