Gold Price Today: బంగారం కొనాలనుకునేవారికి కాస్త ఊరట. అని చెప్పవచ్చు. గత కొన్ని రోజులగా గరిష్టస్థాయిలో పెరిగిన బంగారం ధరలు శుక్రవారం స్పల్పంగా పెరిగాయి. బంగారం ధరలు పెరగడమే గానీ తగ్గడం లేదు. దీంతో ఇప్పట్లో బంగారం కొనడం కష్టమేనని వినియోగదారులు ఆందోళన చెందుతున్నారు. అయితే వెండి ధరలు మాత్రం శుభవార్త చెప్పాయి. శుక్రవారం ఒక్కరోజులోనే భారీ స్థాయిలో తగ్గింది. దేశీయంగా బంగారం ధరలు ఎంత పెరిగాయి? ప్రస్తుత ధరలు ఎలా ఉన్నాయి? ఆ వివరాల్లోకి వెళితే..
బులియన్ మార్కెట్ ప్రకారం.. ఏప్రిల్ 12న ఓవరాల్ గా 22 క్యారెట్ల 10 గ్రాముల బంగారం ధర రూ.66,200గా నమోదైంది. 24 క్యారెట్ల పసిడి 10 గ్రాములకు రూ.72,220 గా ఉంది. ఏప్రిల్ 10న 22 క్యారెట్ల 10 గ్రాముల బంగారం రూ.66,100తో విక్రయించారు. 10 గ్రాముల బంగారానికి గురువారంతో పోలిస్తే శుక్రవారం రూ.100 పెరిగింది. దేశంలోని ప్రధాన నగరాల్లో బంగారం ధరలు ఎలా ఉన్నాయో చూద్దాం..
న్యూఢిల్లీలో 22 క్యారెట్ల 10 గ్రాముల బంగారం ధర రూ.66,360 ఉండగా.. 24 క్యారెట్ల గోల్డ్ రూ.72,370 గా నమోదైంది.ఆర్థిక రాజధాని ముంబైలో 22 క్యారెట్ల 10 గ్రాముల బంగారం రూ.66,200 కొనసాగుతోంది. 24 క్యారెట్లు రూ.72,220 పలుకుతోంది. చెన్నైలో 22 క్యారెట్ల బంగారం 10 గ్రాములకు రూ.67,260 పలుకుతోంది. 24 క్యారెట్ల 10 గ్రాములకు రూ.73,370తో విక్రయిస్తున్నారు. బెంగుళూరులో 22 క్యారెట్ల బంగారం 10 గ్రాములకు రూ.66,200 పలుకుతోంది. 24 క్యారెట్ల 10 గ్రాములకు రూ.72,220తో విక్రయిస్తున్నారు. హైదరాబాద్ లో 22 క్యారెట్ల బంగారం 10 గ్రాముల ధర రూ.66,200తో విక్రయిస్తున్నారు. 24 క్యారెట్ల 10 గ్రాములకు రూ.72,220తో విక్రయిస్తున్నారు.
బంగారం ధరలు పెరిగినా వెండి ధరలు తగ్గాయి. శుక్రవారం ఓవరాల్ గా కిలో వెండి రూ.84,900గా నమోదైంది. గురువారం కంటే శుక్రవారం ఢిల్లీ వెండి ధరల ప్రకారం రూ.1500లకు పైగా తగ్గింది. న్యూ ఢిల్లీలో కిలో వెండి రూ.84,900గా ఉంది. ముంబైలో రూ.84,900, చెన్నైలో రూ.88,400, బెంగుళూరులో 84,600, హైదరాబాద్ లో రూ.88,400తో విక్రయిస్తున్నారు.
