Bank New Rules: ఏప్రిల్నెల మరో మూడు రోజుల్లో ముగియనుంది. ఏడాది ప్రతీ నెల కొన్ని మార్పులు జరుగుతాయి. ఈ మే నెలలో కూడా ఆర్థిక నియమాలు మారబోతున్నాయి. కొన్ని బ్యాంకులు మే నెలలో రూల్స్ మార్చబోతున్నాయి.
యస్ బ్యాంక్ రూల్స్
యస్ బ్యాంక్ అధికారిక వెబ్సైట్లో ఉన్న సమాచారం ప్రకారం.. మే 1 నుంచి, వివిధ రకాల పొదుపు ఖాతాల కనీస సగటు నిల్వ మారుతుంది. యస్ బ్యాంక్ ప్రో మాక్స్ మినిమమ్ యావరేజ్ బ్యాలెన్స్ రూ.50 వేలుగా మారుతుంది. దీనిపై గరిష్ట రుసుము రూ.1000గా నిర్ణయించారు. ప్రోప్లస్ పొదుపు ఖాతాలలో కనీస నిల్వ పరిమితిని రూ.25 వేలకు సవరించారు. ఈ ఖాతాకు గరిష్ట రుసుము రూ.750గా పేర్కొంది. బ్యాంక్ అకౌంట్ ప్రోలో కనీస నిల్వ రూ. 10 వేలు, దీనిపై గరిష్ట రుసుము రూ.750గా మారనుంది.
ఐసీఐసీఐ బ్యాంక్ రూల్స్
ఇక ఐసీఐసీఐ బ్యాంకు కూడా కొన్ని నిబంధనలు మారుస్తుంది. బ్యాంక్ చెక్ బుక్, ఐఎంపీఎస్, ఈసీఎస్/ఎన్ఏసీహెచ్ డెబిట్ రిటర్న్స్, స్టాప్ పేమెంట్ చార్జీలు మరిన్నింటితోసహా కొన్ని సేవల సేవింగ్స్ ఖాతా సర్వీస్ ఛార్జీలను సవరించింది. బ్యాంక్ వెబ్సైట్ ప్రకారం ఈ మార్పులు మే 1 నుంచి అమలులోకి వస్తాయి. డెబిట్ కార్డు వార్షిక రుసుము ఇక నుంచి గ్రామీణ ప్రాంతాల్లో రూ.99, పట్టణ ప్రాంతాల్లో రూ.200 వసూలు చేస్తుంది. ఇక చెక్బుక్ విషయానికి వస్తే 25 లీఫ్స్ వరకు ఎలాంటి చార్జి ఉండదు. ఆపైన ఒక్క చెక్ లీఫ్కు రూ.4 చొప్పున చెల్లించాలి. డీడీ క్యాన్సిలేషన్, డూప్లికేట్, రీవ్యాలిడేష¯Œ ను చార్జీలను రూ.100గా బ్యాంక్ సవరించింది.
హెచ్డీఎఫ్సీ స్పెషల్ ఎఫ్డీ స్కీమ్
దేశంలో అతిపెద్ద ప్రైవేటురంగ బ్యాంకు హెచ్డీఎఫ్సీ సీనియర్ సిటిజన్ల కోసం అమలు చేస్తున్న హెచ్డీఎఫ్సీ బ్యాంకు సినియర్ సిటిజన్ కేర్ ఎఫ్డీ గడువును మే 10 వరకు పొడిగించింది. ఈ ఫిక్స్డ్ డిపాజిట్ పథకం కింద, సీనియర్ సిటిజన్లకు 0.75 శాతం అధిక వడ్డీ రేటును బ్యాంక్ అందిస్తోంది. 5 – 10 సంవత్సరాల కాలపరిమితి ఎఫ్డీపై ఇన్వెస్టర్లకు 7.75 శాతం వడ్డీ అందుతుంది. ఈ పథకం కింద సీనియర్ సిటిజన్లకు రూ.5 కోట్ల వరకు డిపాజిట్ చేయడానికి అవకాశం ఉంది.
మే నెలలో సెలవులు ఇవీ..
ఇక వచ్చే మే నెలలో ఆదివారాలు, రెండు, నాలుగో శనివారాలు, వివిధ పండుగలు, ఇతర సందర్భాల కారణంగా దేశవ్యాప్తంగా బ్యాంకులకు 12 రోజులు సెలవులు వచ్చాయి. అయితే ఈ సెలవులు రాష్ట్రాల వారీగా మారతాయి. 12 రోజుల్లో రెండో, నాలుగో శనివారాలు, ఆదివారాలు కూడా ఉన్నాయి.
