CM Jagan Horoscope : రావాలి జగన్.. కావలి జగన్..గత ఎన్నికల ముందు వైసీపీ స్లోగన్ ఇది. ప్రజల్లోకి బలంగా వెళ్లింది. ఓట్లు తెప్పించింది. అయితే నాలుగేళ్ల పాలనతో అంతులేని ప్రజా వ్యతిరేకతను ఎదుర్కొంటున్నారు జగన్. అందుకే విపక్షాలు పోవాలి జగన్ అన్న నినాదాన్ని అందుకున్నాయి. రుషికొండలాంటి చరిత్ర ఆనవాళ్లను చేరిపేస్తున్నందున ప్రకృతి సైతం ప్రకోపంగా మారిందని చెబుతున్నారు. ప్రకృతి మాట అటుంచితే.. నోరులేని పక్షులు సైతం జగన్ పోవాలని బలంగా కోరుకుంటుండడం విశేషం. జోష్యం చెప్పే ఓ చిలుక తన మనసులోని భావాన్ని బయటపెట్టేసరికి జగన్ పేరిట జోష్యం చెప్పించుకున్న వారికి మైండ్ బ్లాక్ అయ్యింది.
సోషల్ మీడియాలో ఓ వీడియో తెగ వైరల్ అవుతోంది. కొందరు యువకులు రోడ్డు పక్కన చిలుక జోష్యం చెప్పే వ్యక్తి దగ్గరకు వెళ్లారు. సీఎం జగన్ తో పాటు రాష్ట్ర భవితపై జోష్యం చెప్పమని అడిగారు. ‘ రామ్మా చిలకమ్మా జగన్ గురించి అడుగుతున్నారు.. కరెక్ట్గా తీయమ్మా’ అని ఆ చిలక యజమాని అడిగాడు. పంజరంలో నుంచి బయటికొచ్చిన ఆ చిలుక నాలుగైదు కార్డులు తీసి పక్కనెట్టి.. చివరిగా ఒక కార్డును యజమానికి ఇస్తుంది. ఆ కార్డు ఓపెన్ చేసి చూడగా.. రాక్షసుడి (అసురుడు) బొమ్మ రావడం చూసి జోష్యం చెప్పే వ్యక్తికి ఏం చెప్పాలో తెలియక కొద్దిసేపు అలానే ఉండిపోయాడు. ఎలాగోలా ధైర్యం కూడదీసుకున్నారు. ఎవరికైనా ఇలాంటి జాతకం వచ్చిందా.. రాలేదు. నోరులేని చిలక కూడా చెప్పిందయ్యా.. జగన్ గురించి.. అలాంటోడు ఆయన. అని జ్యోతిష్యం చెప్పే వ్యక్తి యువకులకు చెప్పడంతో వారు అక్కడ నుంచి వెళ్లిపోయారు.
ఈ వీడియో ప్రస్తుతం వైరల్ అవుతోంది. నెటిజన్లు కామెంట్లు పెడుతున్నారు. జగన్ జాతకం ఇంత దరిద్రంగా ఉందా? అంటూ వ్యాఖ్యానిస్తున్నారు. అయితే గతంలో కూడా ఇటువంటి జాతకాలు, జోష్యాలు బయటకు వచ్చాయి. పొలిటికల్ స్ట్రాటజిస్టులు వచ్చిన తరువాత ఈ తరహా ట్రిక్కులు స్టార్టయ్యాయి. మొన్న ఆ మధ్యన జాతీయ స్థాయిలో జోష్యాలు చెప్పే వ్యక్తితో వచ్చే ఎన్నికల్లో వైసీపీ గెలుస్తుందని జోష్యం చెప్పించుకున్నట్టు వార్తలు వచ్చాయి. సోషల్ మీడియా ఫేమస్ అయ్యేందుకు.. వ్యూయర్ షిప్ పెంచుకునేందుకు కొంతమంది జోష్యాల పేరిట వీడియోలు పెడుతున్నారు. ఇప్పుడు కూడా ఈ చిలక జోష్యం పేరిట పెట్టిన వీడియోలు రాజకీయ ప్రత్యర్థులు పెట్టినవేనని వైసీపీ శ్రేణులు భావిస్తున్నాయి.
Dharma Raj is a Senior Journalist who has good experience in reporting and had worked with top Media Organizations. He Contributes articles on AP Politics.
Read More