TV9 Rajinikanth: మన తెలుగు మీడియా కేఏ పాల్ ను జోకర్ ను చేసింది. అంతకుముందు ఓ ముఖ్యమంత్రి తన అల్లుడి కోసం కేఏ పాల్ స్థాయిని తగ్గించడానికి ఎన్నో రకాల కుట్రలు చేశాడు. అందులో విజయవంతం అయ్యాడు కూడా. అప్పటినుంచి కే ఏ పాల్ దారి తప్పారు. తనకున్న స్థాయిని కోల్పోవడం మొదలుపెట్టారు. ఆయన వెనుక జరిగిన కుట్రలు.. ఆయన పరపతిని ఇక్కడ తగ్గించాయి. కానీ అమెరికాలో మాత్రం కేఏ పాల్ స్థాయి తగ్గలేదు. పైగా ఆయన రేంజ్ మరింత పెరిగింది.
తాజాగా టీవీ9 మేనేజింగ్ ఎడిటర్ రజనీకాంత్ అమెరికా వెళ్లారు. ఆయన ఎందుకు వెళ్లారు అనేది ఇప్పటికి క్లారిటీ లేదు. వాస్తవానికి అమెరికాలో తెలుగు వల్ల సభలు లేదా సమావేశాలు జరగడం లేదు. ఒకవేళ దాన్ని కవర్ చేయాలి అనుకుంటే వీడియో ఫుటేజీ ఇస్తే సరిపోతుంది. ఒకవేళ మేనేజ్మెంట్ కు ఆబ్లిగేషన్ ఉండి ఉంటే అక్కడికి తన ప్రతినిధిని ఒకరిని పంపించాల్సి ఉంటుంది. కానీ ఏకంగా మేనేజింగ్ ఎడిటర్ అక్కడికి వెళ్లడం.. అమెరికాలో తిరగడం.. వైట్ హౌస్ ప్రాంతంలో కనిపించడం నిజంగానే ఆశ్చర్యం. టీవీ9 మనదేశంలో పెద్దపెద్ద న్యూస్ నెట్వర్క్ సంస్థల్లో ఒకటి. ఈ సంస్థకు జాతీయస్థాయి చానల్స్ ఉన్నాయి. ఒకవేళ అమెరికా కు వెళ్లి ఏదైనా న్యూస్ కవర్ చేయాలి అనుకుంటే జాతీయస్థాయి చానల్స్ వెళ్లే అవకాశం ఉంది. కాని వాటిని కాదని రజనీకాంత్ అక్కడికి వెళ్లడం చర్చనీయాంశంగా మారింది.
వాస్తవానికి అమెరికాలో ఉన్న పరిస్థితులను కవర్ చేయాలి.. ముఖ్యంగా వైట్ హౌస్ పరిసర ప్రాంతంలో ఉన్న వ్యవహారాలను కవర్ చేయాలి అనుకుంటే కచ్చితంగా అత్యున్నత స్థాయిలో అనుమతులు రావాలి. ఆ అనుమతులు రావడం అంత ఈజీ కాదు. ఇప్పుడున్న పరిస్థితుల్లో వైట్ హౌస్ వర్గాలు అనుమతులు ఇవ్వడం అంత సులభం కాదు. కాని దానిని సులభం చేసేశాడు కేఏ పాల్. అమెరికా వైట్ హౌస్ వర్గాలతో మాట్లాడి రజనీకాంత్ కు ఆ అవకాశం కల్పించాడు. అందువల్లే రజనీకాంత్ అమెరికా అధ్యక్షుడు ట్రంప్ నివాసముండే ఓవల్ ఆఫీస్ నుంచి లైవ్ మాట్లాడాడు. అక్కడ ప్రతి అంశాన్ని పూస గుచ్చినట్టు చెప్పాడు. బంకర్ నుంచి మొదలుపెడితే ట్రంప్ బెడ్ రూమ్ వరకు.. ప్రతి దృశ్యాన్ని లైవ్ లో చూపించాడు. దీనినిబట్టి కేఏపాల్ రేంజ్ ఏమిటో రజినీకాంత్ కు అర్థమై ఉంటుంది. ఇటీవల రజనీకాంత్ అమెరికా వెళ్ళిన విషయంపై.. కేఏ పాల్ ను కలిసిన విషయంపై ఒక కథనం రాశాం. కాకపోతే వారిద్దరి కలయిక క్యాజువల్ మీటింగ్ లాగానే ఉంటుంది అనుకున్నాం. కానీ తెర వెనుక ఇంత స్టోరీ నడుస్తోంది అంటే మామూలు విషయం కాదు. దీని అందరికీ కర్త , కర్మ ఎవరో తెలియదు గానీ క్రియ మాత్రం కేఏ పాల్.
