Kartarpur Corridor: ఈ ప్రదేశం సిక్కు మతంలో పవిత్ర స్థలం. ఇక్కడ గురునానక్దేవ్ జీ తన జీవితపు చివరి రోజులు గడిపారు. అందువల్ల దీని ప్రాముఖ్యత సిక్కు మతం అత్యంత పవిత్రమైన ప్రదేశాలలో ఒకటి. ప్రతి సంవత్సరం భారతదేశంతో సహా ప్రపంచం నలుమూలల నుండి లక్షలాది మంది సిక్కులు ఇక్కడకు వచ్చి పూజలు చేస్తారు. పాకిస్తాన్లో సిక్కు మతానికి సంబంధించిన రెండు ప్రధాన ప్రదేశాలు ఉన్నాయి. ఒకటి నంకనా సాహిబ్, మరొకటి కర్తార్పూర్. నంకనా సాహిబ్ లాహోర్ నుండి 75 కిలోమీటర్ల దూరంలో ఉంది. కర్తార్పూర్ సాహిబ్ కూడా లాహోర్ నుండి 117 కిలోమీటర్ల దూరంలో ఉంది. భారతదేశం నుండి పాకిస్తాన్ వెళ్ళే భక్తులందరూ మొదట కర్తార్పూర్ వెళ్లి, ఆపై నన్కానా సాహిబ్ని దర్శించుకుంటారు. పాకిస్థాన్లోని కర్తార్పూర్ సాహిబ్ను సందర్శించడానికి వీసా అవసరమా కాదా అనేది ఈ కథనంలో తెలుసుకుందాం.
కర్తార్పూర్ సాహిబ్
కర్తార్పూర్ సాహిబ్ పాకిస్తాన్లోని లాహోర్ నుండి 117 కిలోమీటర్ల దూరంలో ఉన్న నరోవల్ జిల్లాలో ఉంది. ఇది భారత సరిహద్దు నుండి కేవలం 4 కిలోమీటర్ల దూరంలో ఉంది. కర్తార్పూర్ కారిడార్ నిర్మించడానికి ముందు, ఇక్కడికి చేరుకోవడానికి చాలా దూరం ప్రయాణించాల్సి వచ్చింది. అప్పుడు వీసా అవసరం ఉండేది. ఈ వీసా విధానంలో ప్రజలు చాలా ఇబ్బందులు ఎదుర్కోవాల్సి వచ్చింది.
కర్తార్పూర్ కారిడార్ నిర్మాణం తర్వాత ఇక్కడికి వెళ్లేందుకు వీసా అవసరం లేదు. భారతదేశం, పాకిస్తాన్ ప్రభుత్వాల మధ్య ఒక ఒప్పందం కుదిరింది. ఇది ఇప్పుడు ఐదేళ్లపాటు పొడిగించబడింది. దీనికి సంబంధించిన కారిడార్ ఒప్పందం 24 అక్టోబర్ 2019న మొదటిసారిగా సంతకం చేయబడింది. దీని ద్వారా ఇక్కడికి వెళ్లే భక్తులు ఎలాంటి ఆటంకాలు లేకుండా తమ ప్రయాణాన్ని సాగిస్తారు. కర్తార్పూర్ కారిడార్ వీసా ఉచితం, కానీ ఇక్కడికి వెళ్లడానికి యాత్రికులకి 20 అమెరికా డాలర్ల సర్వీస్ ఫీజును పాకిస్తాన్ విధించింది.. దాన్ని తీసివేయమని చాలా అభ్యర్థనలు వచ్చాయి కానీ దానిని పాకిస్తాన్ తొలగించలేదు. అయితే, దీనికి రుజువుగా పాస్పోర్ట్ను తీసుకెళ్లడం అవసరం. దాన్ని తొలగిస్తామని ఇమ్రాన్ ఖాన్ హామీ ఇచ్చినా అది ఇంకా కొనసాగుతోంది.
ఇక్కడికి వెళ్లే ముందు ఇలా చేయాలి
కర్తార్పూర్కు వెళ్లాలనుకుంటే, ముందుగా దాని కోసం నమోదు చేసుకోండి. దీని కోసం మీరు https://prakashpurb550.mha.gov.in వెబ్సైట్కి వెళ్లాలి. ఈ ఫారమ్ను పూరించి, పత్రాలను అప్లోడ్ చేసిన తర్వాత, మీకు SMS/MAIL ద్వారా ఎలక్ట్రానిక్ ట్రావెల్ ఆథరైజేషన్ ఇవ్వబడుతుంది. ఇది అత్యంత ముఖ్యమైనది.
రోజూ సందర్శనకు రానున్న ఎంతో మంది భక్తులు
ఈ కారిడార్ను 9 నవంబర్ 2019న భారతదేశం, పాకిస్తాన్ ప్రధానులు ప్రారంభించారు. ఇది కరోనా కారణంగా మధ్యలో ఆపివేయబడింది. ఇది 17 నవంబర్ 2021న మరోసారి ప్రారంభించబడింది. నివేదిక ప్రకారం, గత 3 సంవత్సరాల 4 నెలల్లో ఈ కారిడార్ ద్వారా ఇప్పటివరకు 3,44,000 మంది భక్తులు దర్శనం చేసుకున్నారు. అదే సమయంలో, అధికారిక సమాచారం ప్రకారం.. కర్తార్పూర్ సాహిబ్ గురుద్వారాను సందర్శించడానికి ప్రతిరోజూ 400 మంది భక్తులు వస్తారు. ప్రతి రోజు 5000 మంది భక్తులను సందర్శించడానికి అనుమతించాలని భారతదేశం కోరింది. అయితే ప్రత్యేక రోజుల్లో దాని సంఖ్య 10,000 ఉంటుంది కానీ ఈ సంఖ్య ఇంకా చాలా తక్కువగా ఉంది.
