Telangana Ration Card EKYC: తెలంగాణలో కాంగ్రెస్ అధికారంలోకి వచ్చిన తర్వాత అర్హులందరికీ తెల్ల రేషన్కార్డులు జారీ చేస్తోంది. ఇప్పటికే సుమారు 2 లక్షల కొత్త కార్డులు ఇచ్చింది. ఇది నిరంతర ప్రక్రియ అని తెలిపింది. అయితే బోగస్ కార్డుల ఏరివేత.. రేషన్ తీసుకోనివారి కార్డుల రద్దుకు ప్రభుత్వం ఈకేవైసీ విధానం తీసుకువచ్చింది. ఏడాదిన్నరగా అమలవుతోంది. కానీ తాజాగా ఈకేవైసీ లేకపోతే సన్నబియ్యం పంపిణీ చేయరన్న ప్రచారం జరుగుతోంది. ఈ నేపథ్యంలో దీనిపై ప్రభుత్వం స్పష్టత ఇచ్చింది.
తెలంగాణలో రేషన్ కార్డులకు ఈకేవైసీ చేయించుకోకపోతే ఈ నెల 31లోపు సన్నబియ్యం పంపిణీ ఆగిపోతుందనే ఊహాగానాలు వ్యాప్తి చెందాయి. దీనిపై పౌరసరఫరాల శాఖ కమిషనర్ రవీంద్ర స్పందించారు. ఈకేవైసీ అవసరమే అయినా, దానికి ఎటువంటి తీర్మాన గడువు లేదని స్పష్టం చేశారు. రేషన్ దుకాణాల్లో బియ్యం పంపిణీ అంతా సజావుగానే జరుగుతుందని హామీ ఇచ్చారు.
వేలిముద్రలు, ఐరిస్ తప్పనిసరి..
కార్డులో పేరు ఉన్న అందరూ రేషన్ దుకాణాల్లో కనీసం ఒకసారి వేలిముద్రలు, ఐరిస్ స్కానింగ్ పూర్తి చేయాలని సూచించారు. ఈ చిన్న చర్య భవిష్యత్తులో పంపిణీ సమయంలో ఎటువంటి అడ్డంకులు రాకుండా చూస్తుందని తెలిపారు. ఈకేవైసీ పూర్తి చేసుకోవడం ద్వారా ప్రయత్నాలు కొనసాగుతున్నాయని, కానీ పంపిణీపై ఎలాంటి ప్రభావం ఉండదని నిర్ధారించారు.
