ఎంసెట్‌ రిజల్ట్స్‌ ఇలా తెలుసుకోండి..క్వాలిఫై కావాలంటే?

తెలంగాణ ఎంసెట్‌ రిజల్ట్స్‌ కాసేపట్లో విడుదల కానున్నాయి. మధ్యాహ్నం 3 గంటలకు ఎంసెట్ ఫలితాలు విడుదల చేస్తామని తెలంగాణ రాష్ట్ర ఉన్నత విద్యాశాఖ మండలి చైర్మన్ పాపిరెడ్డి చెప్పారు. ఈ ఏడాది తెలంగాణ ఎంసెట్‌ పరీక్ష కోసం 1.43 లక్షల మంది విద్యార్థులు దరఖాస్తు చేసుకోగా 1.30 లక్షల మంది హాజరయ్యారు.

Also Read: రైలు ప్రయాణికులకు రైల్వే శాఖ భారీ షాక్..?

అయితే.. కరోనా పరిస్థితుల దృష్ట్యా చాలా మంది విద్యార్థులు ఎగ్జామ్‌కు హాజరుకాలేకపోయారు. వీరి కోసం ప్రభుత్వం ప్రత్యేకంగా మరోసారి పరీక్ష నిర్వహిస్తోంది. ఆగస్టు 17 నుంచి సెప్టెంబర్ 14 మధ్య కరోనా వైరస్ సోకి పరీక్ష రాయలేకపోయిన విద్యార్థులకు మరో అవకాశం ప్రభుత్వం కల్పిస్తుందని తెలంగాణ రాష్ట్ర ఉన్నత విద్యాశాఖ మండలి నోటిఫికేషన్‌లో పేర్కొంది. ఈ రోజు విడుదల చేయనున్న ఫలితాలను ఆన్‌లైన్‌లో పొందుపరుచనున్నట్లు పాపిరెడ్డి చెప్పారు.

విద్యార్థులు TSCHE అధికారిక వెబ్‌సైట్‌లో ఫలితాలు తెలుసుకోవచ్చని పాపిరెడ్డి స్పష్టం చేశారు. ఫలితాలు ఎలా తెలుసుకోవాలి.. ఆ సైట్‌ ఎలా ఓపెన్‌ చేయాలో తెలుసుకుందాం.
TSEAMCET 2020 అధికారిక వెబ్‌సైట్‌కు వెళ్లాలి.
TSEAMCET 2020 నోటిఫికేషన్ పై క్లిక్ చేయాలి. నేరుగా రిజల్ట్ లాగిన్ పేజ్‌ ఓపెన్‌ అవుతుంది.

ఇది ఫలితాలను ప్రకటించిన తర్వాత మాత్రమే యాక్టివ్ అవుతుంది.
విద్యార్థి యొక్క రిజిస్ట్రేషన్ నెంబర్, పుట్టిన రోజులను ఎంటర్ చేయాలి. సబ్మిట్ బటన్ పై క్లిక్ చేయగానే రిజల్ట్ వస్తుంది.
ఆపై భవిష్యత్ అవసరాల కోసం డౌన్‌లోడ్ చేసుకోవాల్సి ఉంటుంది.తెలంగాణ ఎంసెట్ ఎగ్జామ్‌లో క్వాలిఫై కావాలంటే కనీసం 25శాతం మార్కులు సాధించాల్సి ఉంటుంది. అయితే ఫైనల్ ర్యాంక్ మాత్రం 75 శాతం+25 శాతం మార్కులను పరిగణలోకి తీసుకుంటారు. అంటే 75 శాతం మార్కులు ఎంసెట్‌ పరీక్షకు కేటాయిస్తుండగా 25 శాతం మార్కులు ఇంటర్మీడియట్ పరీక్షలో వచ్చిన మార్కులను పరిగణలోకి తీసుకుంటున్నారు.