Elon Musk Net Worth: ఈ ప్రపంచంలో బడా కార్పొరేట్ వ్యక్తులు చాలా మంది ఉన్నారు. వ్యాపారం ద్వారా.. వివిధ ఉత్పత్తుల ద్వారా వారు ఆ స్థాయిలో డబ్బు సంపాదించారు. ఒకప్పుడు ప్రపంచంలోనే అతి సంపన్నమైన వ్యక్తిగా బిల్గేట్స్ ఉండేవారు. ఆ తర్వాత ఆయన స్థానాన్ని క్రమక్రమంగా టెస్లా అధినేత మస్క్ ఆక్రమించడం మొదలుపెట్టారు. ఇప్పుడు బిల్ గేట్స్ కనీసం ఆలోచించలేని విధంగా మస్క్ డబ్బు సంపాదించారు.
టెస్లా కంపెనీ ద్వారా మస్క్ ప్రపంచ కార్ల తయారీలో సరికొత్త శకానికి నాంది పలికారు. ఎలక్ట్రానిక్ వెహికల్స్ రంగంలో తిరుగులేని సంస్థగా తన కంపెనీని నిర్మించారు. ప్రపంచ ఆటోమొబైల్ రాజధానిగా జర్మనీ ఉంటుంది.. కానీ జర్మనీ కంపెనీలకు కూడా అంతుచిక్కని టెక్నాలజీతో టెస్లా కార్లను రూపొందించారు మస్క్.. టెస్లా మాత్రమే కాదు ట్విట్టర్, స్పేస్ ఎక్స్.. ఇంకా రకరకాల వ్యాపారాలలో మస్క్ అడుగుపెట్టారు. అన్ని రంగాలలో కూడా ఆయనకు అంచనాలకు మించిన లాభాలు వస్తున్నాయి. అందువల్లే ప్రపంచ కుబేరుడిగా కొనసాగుతున్నారు మస్క్.
మస్క్ ఏం చేసినా సరే సంచలనం గానే ఉంటుంది. చివరికి తన వేతనం విషయంలో కూడా మస్క్ ఎప్పటికప్పుడు రికార్డులు బద్దలు కొడుతూనే ఉంటారు. 2025 ఆర్థిక సంవత్సరానికి సంబంధించి ఆయన ఏకంగా 158 బిలియన్ డాలర్లు తీసుకుంటున్నట్టు టెస్లా వేతన ప్యాకేజీని ప్రకటించింది. రెగ్యులేటరీ ఫైరింగ్ లో కంపెనీ ఈ విషయాన్ని బయటపెట్టింది. అయితే ఇంత స్థాయిలో డబ్బు మస్క్ ఖాతాలో పడుతుందా.. అసలు పడదు.
కంపెనీ పనితీరు ఆధారంగా వచ్చే పారితోషికం విలువ దాదాపు 132 బిలియన్ డాలర్లుగా ఉంటుంది. ఒకవేళ పనితీరు విషయంలో కంపెనీ అనుకున్న లక్ష్యాలు మొత్తం పూర్తయితే ఈ నగదు మొత్తం మస్క్ కు దక్కుతుంది. ప్యాకేజీలో భాగంగా మిగతా 26 బిలియన్ డాలర్లు టెస్లా బోర్డు ఆమోదించిన మద్యం తన అవార్డు రూపంలో వస్తుంది. గత ఏడాది కూడా మస్క్ కు టెస్లా కంపెనీ ఏకంగా ట్రిలియన్ డాలర్ల ప్యాకేజీని ఇచ్చేసింది. అయితే ఆ ప్యాకేజీ పూర్తిగా ఈక్విటీ అవార్డుల గ్రాంట్ ల రూపంలో ఇస్తామని టెస్లా వెల్లడించింది.. ప్రస్తుతం టెస్లా స్టాక్ విలువ స్థిరంగా కొనసాగుతోంది. ఈ సంవత్సరంలో టెస్లా స్టాక్ విలువ పెరిగితే.. నిర్వహణపరంగా కంపెనీ అంచనా వేసిన లాభాలు గనుక వస్తే.. కచ్చితంగా ఆ నగదు మొత్తం మస్క్ ఖాతాలో పడుతుంది. మార్కెట్లో ఉన్న ఒత్తిడి.. అంతర్జాతీయ పరిస్థితుల వల్ల గత ఏడాది టెస్లా మార్కెట్ విలువ అంతగా పెరగలేదు. అంచనా వేసుకున్న లక్ష్యాలను సైతం టెస్లా రీచ్ కాలేదు. దీంతో మస్క్ కు ఒక్క డాలర్ కూడా రాలేదు.
