Elon Musk Net Worth: మనలాంటి వాళ్ళు డబ్బులు సంపాదించాలంటే చాలా కష్టపడాలి. ఒకవేళ ప్రభుత్వ లేదా ప్రైవేటు ఉద్యోగం గనుక ఉంటే ఒకటో తేదీ వచ్చేవరకు ఎదురు చూడాలి. ఒకటో తారీకు ఇలా వస్తుందో లేదో.. డబ్బులు ఇలా పడతాయో లేదో.. వెంటనే ఖాళీ అయిపోతుంటాయి. ఆ తర్వాత ఖర్చులకు రుణం తీసుకోవాలి.. లేదా బదులు తీసుకోవాలి. అవకాశం ఉంటే సర్దుబాటు చేయాలి.
ఈ స్థాయిలో ఆర్థిక ఇబ్బందులు ఎదుర్కొంటు జీవితాన్ని కొనసాగిస్తూ ఉండాలి. ఖరీదైన ఇంట్లో ఉండలేక.. ఖరీదైన కారు కొనుగోలు చేయలేక.. డొక్కు బండి నడపలేక.. మనల్ని మనమే తిట్టుకుంటూ బతుకు బండిని సాగించాలి. కానీ కొందరికి అలా కాదు.. డబ్బు వద్దన్నా సరే వస్తూనే ఉంటుంది. అతడు సినిమాలో చెప్పినట్టుగా డబ్బు వీళ్లకు చెట్లకు కాస్తుంది.
ఇలా డబ్బుకు చెట్లకు కాసే జాబితాలో ఎలాన్ మస్క్ ప్రథమ స్థానంలో ఉంటాడు. నిజమే మరి.. ఎందుకంటే అతడి సంపాదన ఆ స్థాయిలో ఉంది మరి. టెస్లా కంపెనీ పేరుతో కార్లను తయారు చేస్తున్న ఇతడు.. ప్రపంచంలోనే అతిపెద్ద ధనవంతుడు. తాజాగా ఇక్కడి గురించి బ్లూమ్ బర్గ్ ఇండెక్స్ ఒక నివేదిక విడుదల చేసింది. వ్యక్తిగత సంపాదన దాదాపు 72,600 కోట్ల డాలర్లు.. త్వరలోనే ఇతడు సంపాదన ట్రిలియన్ డాలర్లుగా మారిపోతుంది. ఈ ప్రకారం చూసుకుంటే అతడు చేతిలో 96 లక్షల కోట్లు ఉంటాయి.
మస్క్ కు సంబంధించిన అంతరిక్ష రాకెట్ల తయారీ కంపెనీ స్పేస్ ఎక్స్.. ఈ నెలలో తొలి పబ్లిక్ ఆఫర్ కు వెళ్తోంది. ఈ క్రమంలో అతడు 55.5 6 కోట్ల చేర్లను ఒక్కొక్కటి 135 డాలర్ల చొప్పున వికరించబోతున్నాడు. పబ్లిక్ ఇష్యూ ద్వారా స్పేస్ ఎక్స్ దాదాపు 7.20 లక్షల కోట్లను సమీకరిస్తుంది. ఇది ప్రపంచంలోనే అత్యంత ఖరీదైన ఐపిఓ. ఈ పబ్లిక్ ఇష్యూ ద్వారా స్పేస్ ఎక్స్ మార్కెట్ విలువ దాదాపు 170 లక్షల కోట్లకు చేరుకుంటుంది. ఈ కంపెనీలో మస్క్ దాదాపు 82.4% ఓటింగ్ హక్కులను కలిగివున్నాడు. అందువల్లే అతడి వ్యక్తిగత సంపాదన 96 లక్షల కోట్లు దాటే అవకాశం ఉంది.. మస్క్ టెస్లా, ఎక్స్ వంటి కంపెనీలకు యజమానిగా వ్యవహరిస్తున్నారు. ఈయనకు స్పేస్ ఎక్స్ కంపెనీ కూడా ఉంది. శాటిలైట్ ఇంటర్నెట్ సదుపాయాన్ని కూడా ఈ కంపెనీ కల్పిస్తోంది.
అంతరిక్షంలో ఇప్పటివరకు అమెజాన్ వ్యవస్థాపకుడు బెజోస్ మాత్రమే మస్క్ కు పోటీ దారుడిగా ఉన్నాడు. అతడు కూడా ఇటీవల ఆర్థికంగా ఇబ్బంది పడుతున్నాడు. కానీ మస్క్ మాత్రం దూకుడు మీద ఉన్నాడు. ఈ స్థాయిలో పెట్టుబడులు సమీకరించి.. తన కంపెనీని మరో స్థాయికి తీసుకెళ్తున్నాడు. అందువల్లే అతడికి ఎదురనేది లేకుండా పోతుంది. భవిష్యత్తు కాలంలో అంతరిక్ష ప్రయోగాలు చేసేందుకు మస్క్ సిద్ధమవుతున్నాడు. చెల్లింపు ఆధారిత సేవలను ప్రవేశపెడతానని ఇప్పటికే అతడు సంకేతాలు ఇచ్చాడు.
