Rishabh Pant Oxygen Therapy: రిషబ్ పంత్ గురించి ప్రత్యేకంగా చెప్పాల్సిన అవసరం లేదు. టీమిండియాలో అత్యంత ప్రమాదకరమైన ఆటగాడిగా అతడు రూపాంతరం చెందాడు. ఫార్మాట్ తో సంబంధం లేకుండా పరుగులు తీయడంలో అతడు నేర్పరి. అందువల్లే అతడికి విపరీతమైన అభిమానుల సపోర్టు ఉంటుంది.
రిషబ్ పంత్ సరిగా మూడు సంవత్సరాల క్రితం గాయపడ్డాడు. ఆ సమయంలో చాలా రోజులపాటు ఆసుపత్రి పాలయ్యాడు. ఆ తర్వాత కోలుకున్నాడు. మైదానంలో అడుగు పెట్టాడు. ఐపీఎల్ లో ఢిల్లీ జట్టుకు నాయకత్వం వహించాడు. సూపర్ ఇన్నింగ్స్ ఆడి అదరగొట్టాడు. ఆ తర్వాత గత ఏడాది లక్నో జట్టుకు సారధిగా మారిపోయాడు. ఐపీఎల్ లో అత్యంత ధర పలికిన ఆటగాళ్లలో ఒకడిగా నిలిచాడు. రిషబ్ పంత్ వేగంగా ఆడే ఆటగాళ్లలో ఒకడు. దూకుడుగా బ్యాటింగ్ చేసే ప్లేయర్లలో ఒకడు. అందువల్లే అతడు ఆడుతుంటే అభిమానులు మాత్రమే కాదు.. తోటి ప్లేయర్లు కూడా ఎంజాయ్ చేస్తుంటారు.
రిషబ్ పంత్ గత ఏడాది ఇంగ్లాండ్ టోర్నీలో గాయపడ్డాడు. చాలా రోజులపాటు ఆస్పత్రి పాలయ్యాడు. ఆ తర్వాత మళ్లీ మైదానంలోకి వచ్చాడు. తన స్థాయిలో బ్యాటింగ్ చేశాడు. అయితే ఈసారి కూడా గాయపడ్డాడు. ప్రస్తుతం రిషబ్ పంత్ చికిత్స పొందుతున్నాడు. ఈ క్రమంలోనే అతడు తన ఇంట్లో అత్యంత ఆధునికమైన యంత్రాన్ని ఏర్పాటు చేసుకున్నాడు.
ఆ యంత్రం అత్యంత నాణ్యమైన ఆమ్లజని (ఆక్సిజన్) తయారుచేస్తుంది. ఈ ఛాంబర్ లో కూర్చుంటే స్వచ్ఛమైన ఆక్సిజన్ లభిస్తుంది. శరీరంలో కణాల పెరుగుదలకు.. కణాల ఉత్పత్తికి దోహదం చేస్తుంది. శరీరంలో ఉన్న వ్యర్ధాలను మొత్తం తొలగించే ప్రయత్నం చేస్తుంది. స్వచ్ఛమైన గాలి లభించడం వల్ల దేహం కూడా బాగుంటుంది. రోగ నిరోధక శక్తి పెరుగుతుంది. ఏవైనా గాయాలు లేదా ఇతర రుగ్మతలు శరీరం మీద దాడి చేయకుండా తోడ్పడుతుంది. ఇటీవల కాలంలో రిషబ్ పంత్ తీవ్రంగా గాయాల బారిన పడుతున్న నేపథ్యంలో.. వాటి నుంచి రక్షణ పొందడానికి అతడు ఈ స్థాయిలో ఆక్సిజన్ తయారీ యంత్రాన్ని కొనుగోలు చేసినట్టు తెలుస్తోంది. అయితే దీని ధర ఎంతయింది అనే విషయం మాత్రం ఇంతవరకు బయటకి తెలియ రాలేదు. టీమిండియాలో విరాట్ కోహ్లీకి కూడా ఇటువంటి ఆక్సిజన్ యంత్రం ఉందని తెలుస్తోంది.
Rishabh Pant is using Hyperbaric Oxygen Therapy (HBOT) chamber to recover faster. It provides pure oxygen at high pressure, which increases oxygen in the body, helps cells heal, and speeds up recovery.pic.twitter.com/l6Ufp4c95O
— HARSHIT (@I_am_Harshit_17) February 11, 2026
