Rohith Sharma : రోహిత్ శర్మకు దూకూడైన బ్యాటర్ అనే పేరు ఉంది. మైదానంలోనూ ఆవేశంగా ఉంటాడనే అపవాదు కూడా ఉంది. అయిప్పటికీ వాటిని రోహిత్ పట్టించుకోడు. జట్టు కోసం మాత్రమే ఆడతాడు. జట్టును గెలిపించాలని మాత్రమే దూకుడైన బ్యాటింగ్ ను కొనసాగిస్తాడు. అందువల్లే అతడికి ప్రత్యేకమైన ఫ్యాన్ బేస్ ఉంది. ఐపీఎల్ లో ముంబై జట్టు యాజమాన్యం నుంచి పక్కకు తప్పించగానే.. దేశం మొత్తం ఆగ్రహం వ్యక్తం అయింది. సోషల్ మీడియాలో రోహిత్ పేరు మారుమోగిపోయింది. ఇక ఇటీవల టీం ఇండియాకు టి20 వరల్డ్ కప్ అందించడంలో రోహిత్ శర్మ కీలక పాత్ర పోషించాడు. దాదాపు 17 ఏళ్ల తర్వాత టీమిండియా టి20 వరల్డ్ కప్ సాధించడంతో రోహిత్ నామస్మరణతో దేశం దద్దరిల్లిపోయింది.. అయితే రోహిత్ ఒక అభిమాని కోసం చేసిన పని ఇప్పుడు సామాజిక మాధ్యమాల్లో చర్చకు దారి తీస్తోంది. దానికి సంబంధించిన వీడియో ఓ వ్యక్తి తన ఫోన్ లో తీసి సోషల్ మీడియాలో పోస్ట్ చేశాడు. అది కాస్త విస్తృతం అయిపోయింది.
ఇంతకీ ఏం జరిగిందంటే..
టీమిండియా కెప్టెన్ (టి20 లు కాదు) రోహిత్ శర్మ తనకు ఇష్టమైన లాంబోర్గిని కారులో చక్కర్లు కొడుతున్నాడు. ముంబై వీధులలో సందడి చేస్తున్నాడు. పైగా ఇప్పుడు బంగ్లాదేశ్ జట్టుతో టీమిండియా టి20 సిరీస్ ఆడుతోంది. టి20 లకు రోహిత్ వీడ్కోలు పలకడంతో అదటికి విశ్రాంతి లభించింది. దీంతో రోహిత్ సరదాగా గడుపుతున్నాడు. తన విలాసవంతమైన లాంబోర్గిని కారులో విహరిస్తున్నాడు. ఈ సందర్భంగా ఓ మహిళ అభిమాని కోసం కారు ఆపి.. ఆమెతో కరచాలనం చేశాడు. కారులో కూర్చొని అతడు ఫోటోలకు ఫోజ్ ఇచ్చాడు. ఆమెకు జన్మదిన శుభాకాంక్షలు తెలియజేశాడు. దీనికి సంబంధించిన వీడియో ప్రస్తుతం సామాజిక మాధ్యమాలలో తెగ చక్కర్లు కొడుతోంది. ” రోహిత్ శర్మకు విపరీతమైన ఫ్యాన్ బేస్ ఉంటుంది. అందువల్లే అతడిని అభిమానులు విపరీతంగా ఆరాధిస్తారు. అతడి ఆట తీరు బాగుంటుంది. దూకుడుకు సిసలైన ప్రతీకగా నిలుస్తుంది. అందువల్లే అతని చాలామంది అభిమానిస్తుంటారు. అటువంటి అభిమాని కోసం అతడు కారు ఆపి శుభాకాంక్షలు తెలియజేశాడు. అది అతడి గొప్పతనాన్ని తెలియజేస్తుంది. గతంలో తనను చూసేందుకు ఓ అభిమాని మైదానంలోకి రాగా.. రోహిత్ భయపడ్డాడు. ఆ తర్వాత తేరుకొని గట్టిగా ఆలింగనం చేసుకున్నాడు. సెక్యూరిటీ సిబ్బంది అతడిని కొట్టడానికి ప్రయత్నిస్తే. రోహిత్ వారించాడు. ఇప్పుడు ఏకంగా తన కారును ఆపి తన అభిమానికి శుభాకాంక్షలు తెలియజేశాడు. రోహిత్ హిట్ మాన్ మాత్రమే కాదు, కామన్ మ్యాన్ కూడా అని” సోషల్ మీడియాలో నెటిజన్లు వ్యాఖ్యానిస్తున్నారు.
Captain Rohit Sharma spotted in Mumbai streets today. Then he met a cute fangirl whose birthday it was and Rohit wished her happy birthday.❤️
Look at her happiness what a wonderful birthday for her.❤️ Thank you boss @ImRo45 ♂️ pic.twitter.com/OBWzQWFfSk
— ⁴⁵ (@rushiii_12) October 8, 2024
