Rashi Phalalu: జ్యోతిష్య శాస్త్రం ప్రకారం.. జనవరి 5 శుక్రవారం ద్వాదశ రాశులపై చిత్రా నక్షత్ర ప్రభావం ఉంటుంది. ఈ నేపథ్యంలో సింహరాశి వారు జాగ్రత్తగా ఉండాలని జ్యోతిష్య శాస్త్రం చెబుతోంది. మరో రాశివారికి పట్టిందల్లా బంగారంలా ఉంటుంది. అలాగే ఈరోజు 12 రాశి ఫలాలు ఏ విధంగా ఉన్నాయో చూద్దాం.
మేషరాశి:
కార్యాలయాల్లో పనిచేసే ఉద్యోగులకు కష్టాలు తప్పవు. ఆరోగ్యంపై ప్రత్యేక శ్రద్ధ వహించాలి. ప్రతి పనిలో చాలా ఉత్సాహంగా పనిచేస్తారు. ప్రయాణాలు చేసేవారు ఆలోచించి ముందుకు అడుగు వేయాలి.
వృషభం:
ఈ రాశివారు జీవిత భాగస్వామితో ఆనందంగా గడుపుతారు. భవిష్యత్ గురించి లక్ష్యాలను నిర్ణయిస్తారు. శత్రువులు మీ సహనాన్నిపరీక్షించవచ్చు. స్నేహితులతో జాగ్రత్తగా ఉండాలి.
మిథునం:
ఆర్థికపరమైన విషయాల్లో బంధువులు మోసం చేసే అవకాశం ఉంది. వారితో జాగ్రత్తగా ఉండాలి. పెళ్లయిన కొత్త దంపతుల మధ్య వివాదాలు ఉండే అవకాశం. వ్యాపారులు పెట్టుబడుల విషయంలో సీనియర్ల సలహాలు తీసుకోవాలి.
కర్కాటకం:
ఖర్చులు పెరుగుతాయి. జీవిత భాగస్వామి కోసం సమయాన్ని వెచ్చించాలి. లేకుంటే ప్రేమ తగ్గిపోతుంది. వ్యాపారులకు ఆశించిన లాభాలు రాకపోవచ్చు. ఉద్యోగులు మాత్రం ఉల్లాసంగా ఉంటారు.
సింహ:
ఆరోగ్య సమస్యలు వెంటాడవచ్చు. రాజకీయాల్లో ఉండేవారికి అద్భుత అవకాశాలు ఉండొచ్చు. ఉద్యోగులు శుభవార్తలు వింటారు. ఒక సమస్య కోసం వైద్యులను సంప్రదిస్తారు.
కన్య:
రాజకీయాల్లో కొనసాగేవారు శత్రువులతో జాగ్రత్తగా ఉండాలి. పెండింగ్ బకాయిలు వసూలవుతాయి. ఓ వర్క్ కోసం టూర్ ప్లాన్ వేస్తారు. మొత్తంగా సంతోషంగా గడుపుతారు.
తుల:
వివాహంకు సంబంధించి నిర్ణయాలు తీసుకుంటారు. వ్యాపారులు శ్రద్ధ వహించిన ఆశించిన ఫలితాలు పొందలేరు. ఇంట్లో ఆధ్యాత్మిక కార్యక్రమాలు నిర్వహిస్తారు.
వృశ్చికం:
మీరు మంచిగా మాట్లాడినా ఇతరులు తప్పుగా అర్థం చేసుకుంటారు. అందువల్ల తక్కువ మాట్లాడడానికి ప్రయత్నించండి. ఆరోగ్య సమస్యలపై నిర్లక్ష్యం చేయొద్దు.
ధనస్సు:
ఇతరులకు ఇచ్చిన వాగ్గానాలను నెరవేరుస్తారు. విద్యార్థులకు అనుకూల సమయం. ప్రత్యర్థులు మీ పనులకు ఆటంకం కలిగించవచ్చు. అందువల్ల ప్రతి ఒక్కరితో జాగ్రత్తగా ఉండాలి.
మకర:
వ్యాపారులకు ఆకస్మిక లాభాలు.. అవివాహితులకు సంబంధాలు వస్తాయి. వీరికి ఈరోజు పట్టిందల్ల బంగారం అన్నట్లుగా జీవితం కొనసాగుతుంది. ఆరోగ్యంపై శ్రద్ధ వహించాలి. మొత్తంగా ఈ రాశివారికి ఈరోజు ఉల్లాసవంతమైన వాతావరణం ఉంటుంది.
కుంభం:
ఇన్నాళ్లు వ్యక్తిగత సమస్యలతో బాధపడేవారు ఉపశమనం పొందుతారు. ఆస్తికి సంబంధించిన సమస్యలు పరిష్కారం అవుతాయి. కార్యాలయాల్లో ఉద్యోగులకు సానుకూల వాతావరణం ఉంటుంది.
మీనం:
పిల్లల ఆరోగ్యం గురించి ఆందోళన చెందుతారు. వ్యాపారులు సరైన ప్రణాళికలతో వ్యాపారాన్ని విస్తరిస్తారు. ఉద్యోగులకు మిశ్రమ ఫలితాలు ఉంటాయి.
