SI Krishna Prasad: పోలీస్ శాఖ లో ఎక్కువ మంది గ్రామీణ నేపథ్యం నుంచి వచ్చిన వారే. పోలీస్ ఎంపికలో కూడా గ్రామీణ నేపథ్యం ఎంతగానో అక్కరకు వస్తుంది. ముఖ్యంగా పోలీస్ నియామకాల్లో గ్రామీణ ప్రాంత విద్యార్థులు ఎక్కువగా ఎంపిక అవుతుంటారు. చాలామంది ఉన్నత స్థానాలకు వెళ్లిన తమ మూలాలను మాత్రం మరిచిపోరు. తాము చిన్ననాడు చేసే విన్యాసాలను కూడా వారు మారవ రు. ఓ పోలీస్ ఎస్ఐ అయితే ఎదురుగా సాము గరిడీలు కనిపించడంతో ఉండలేకపోయారు. అక్కడే ఉన్న కర్ర సాము కళాకారుల నుంచి కర్రను తీసుకొని.. అద్భుత విన్యాసాలతో ఆకట్టుకున్నారు. ప్రస్తుతం ఆ ఎస్ఐ చేసిన కర్ర సాము సోషల్ మీడియాలో వైరల్ అవుతోంది. ఇందుకు సంబంధించిన వివరాలు ఇలా ఉన్నాయి.
* అమ్మవారి పండుగలో..
శ్రీకాకుళం జిల్లా బెల్లు పట్టియాలో అమ్మవారి పండుగలు ఘనంగా జరుగుతున్నాయి. పెద్ద గ్రామం కావడంతో.. పరిసర గ్రామాల నుంచి పెద్ద ఎత్తున ప్రజలు తరలివస్తున్నారు. ఈ క్రమంలో ఎటువంటి అవాంఛనీయ ఘటనలు జరగకుండా ఉండేందుకు పోలీసులు బందోబస్తు నిర్వహిస్తున్నారు. ఈ క్రమంలో ఎస్సై కృష్ణ ప్రసాద్ నేతృత్వంలో సిబ్బంది బందోబస్తు చేపడుతున్నారు. మూడు రోజులపాటు అమ్మవారి పండుగ వేడుకలు జరిగాయి. మరో ఆరు రోజులపాటు కొనసాగనున్నాయి. పండుగలో భాగంగా కర్ర సాము విన్యాసాన్ని ఏర్పాటు చేశారు. అయితే అక్కడే ఉన్న ఎస్సై కృష్ణ ప్రసాద్ ఉండలేకపోయారు. తాను చిన్నప్పుడు చేసిన కర్ర సాము విన్యాసం ఆయనకు గుర్తు వచ్చింది. వెంటనే కర్రను తీసుకుని విన్యాసం చేయడం ప్రారంభించారు. అక్కడ ఉన్న వారిని అది ఎంతగానో ఆకట్టుకుంది. ప్రతి ఒక్కరూ ఎస్సై కృష్ణ ప్రసాద్ ను అభినందించారు. ప్రస్తుతం ఈ వీడియో సోషల్ మీడియాలో వైరల్ అవుతోంది.
* పోలీసులకు కత్తి మీద సాము..
శ్రీకాకుళం జిల్లా వ్యాప్తంగా గ్రామ దేవత పండుగలు జరుగుతున్నాయి. ప్రతి గ్రామంలో మూడు నుంచి తొమ్మిది రోజులపాటు ఈ వేడుకలు నిర్వహించడం ఆనవాయితీగా వస్తోంది. గ్రామ ఐక్యతకు చిహ్నంగా.. సంప్రదాయాల మేళవింపుగా గ్రామ దేవతల పండుగలు జరుపుకుంటారు. అయితే ఈ గ్రామ దేవత పండుగలకు పోలీస్ బందోబస్తు నిర్వహించడం కష్టతరంగా మారుతోంది. అయితే సనాతన సంప్రదాయాలను గుర్తుకు తెస్తూ ఈ అమ్మవారి పండుగలు కొనసాగుతున్నాయి. నిత్యం బందోబస్తులో బిజీగా ఉండే ఇటువంటి పోలీస్ అధికారులు.. ఆటవిడుపుగా విన్యాసాలు చేయడం ఆకట్టుకుంటోంది.
లడ్డాక్ లో మోడీ సరికొత్త పాచిక.. ఓవైసీ నుంచి కమ్యూనిస్టుల దాకా గడబిడ.. ఇంతకీ ఏం జరిగింది
Modi Ladakh Plan: దేశమంతా పొదుపు గురించి చర్చ జరుగుతోంది. అంతర్జాతీయంగా మధ్య ఆసియా యుద్ధం గురించి విశ్లేషణ సాగుతోంది. కానీ మన దేశానికి వచ్చేసరికి ఒక కీలక విషయం చోటు చేసుకుంది. దీనిపై ప్రధాన మీడియా సంస్థలు పెద్దగా పట్టించుకోలేదు.. ఒకవేళ తెలిసినా కొన్ని మీడియా సంస్థలు తక్కువ ప్రయారిటీ ఇచ్చాయి.. కానీ అక్కడ జరుగుతున్నది.. జరగబోయేది కొంతమందికి మాత్రమే తెలుసు. దీంతో రియాక్ట్ అయ్యారు. కానీ అప్పటికే జరగాల్సిన నష్టం జరిగిపోయింది. ఎందుకంటే నరేంద్ర మోడీ వేసిన స్కెచ్ అలాంటిది.
ఆర్టికల్ 370 రద్దు చేసిన తర్వాత జమ్మూ కాశ్మీర్, లడ్డాక్ వేరువేరు అయ్యాయి. లడ్డాక్ ప్రాంతంలో రెండు జిల్లాలు మాత్రమే ఉండేవి. ఒక జిల్లాలో ముస్లింలు.. మరో జిల్లాలో బుద్ధులు ఉండేవారు. ఈ రెండు జిల్లాలలో చాలావరకు గ్రామాలు దూరం గా ఉంటాయి. ఫలితంగా పరిపాలన అనేది సక్రమంగా సాగడం లేదు. పైగా ఇక్కడ ప్రేరేపిత హింస ఇష్టానుసారంగా సాగిపోతూ ఉంటుంది. గతంలో లడ్డాక్ ప్రాంతంలో వాంగ్ చుక్ పాల్పడిన హింస జమ్ము కాశ్మీర్లో అలజడి కారణమైంది. అతని ప్రేరేపిత పార్టీలు ఉన్నాయి. పైగా లడ్డాక్ ప్రాంతంలో చైనాకు సరిహద్దులో చాలా గ్రామాలు ఉన్నాయి. ఇవన్నీ భారతదేశానికి భద్రతకు సంబంధించి అత్యంత సున్నితమైన ప్రాంతాలు.
ఈ ప్రాంతాలలో అభయారణ్యాలు చాలా ఉన్నాయి. పైగా లడ్డాక్ ప్రాంతంలో కొన్ని సంచార తెగలు ఈ ప్రాంతాలలో పశువులను మేపుతుంటారు. ఆరు నెలలపాటు అ పశువులను అక్కడ మేపి.. వాటి ద్వారా ఉన్ని సేకరిస్తారు.. ఈ ప్రాంతాలు అత్యంత సున్నితం. అయితే ఇక్కడ అభివృద్ధి ఆశించిన స్థాయిలో లేదు. చాలా గ్రామాలకు సరైన రోడ్డు సదుపాయాలు లేవు. దీనిని గుర్తించిన నరేంద్ర మోడీ ప్రభుత్వం పరిపాలన సౌలభ్యం కోసం.. ఈ ప్రాంతాలను ఏడు జిల్లాలుగా మార్చింది. అన్ని జిల్లాలలో అభివృద్ధి కేంద్రాలను ఏర్పాటు చేసింది. దీనిద్వారా ఇక్కడ శాంతిభద్రతల పరిరక్షణ.. అభివృద్ధి కార్యకలాపాలు చేపట్టేందుకు ఆస్కారం ఏర్పడుతుందని కేంద్రం భావించింది.
కేంద్రం తీసుకున్న నిర్ణయాన్ని ఎంఐఎం అధినేత ఓవైసీ ఖండించారు. కొంతమంది కమ్యూనిస్టులు కూడా తప్పు పట్టారు. ముస్లిం జనాభా ప్రాబల్యానికి ప్రమాదం ఏర్పడుతుందని ఓవైసీ ఆరోపిస్తున్నారు. కానీ అక్కడ మతపరమైన వివాదాలు చెలరేగి ఇబ్బందికరమైన వాతావరణం ఏర్పడుతున్న నేపథ్యంలోనే కేంద్రం ఈ నిర్ణయం తీసుకుంది. పైగా లడ్డాక్ ప్రాంతంలో ఒకే ఒక పార్లమెంట్ స్థానం ఉంది. ఇక్కడ అసెంబ్లీ స్థానాలు లేవు.
ఒకవేళ ఎన్నికల కోణంలో బీజేపీ అలా చేసింది అనుకుంటే.. అక్కడ ఎటువంటి శాసనసభ స్థానాలు లేవు. ఓవైసీ, కమ్యూనిస్టులు ఇలా గోల చేస్తున్నారంటే.. అక్కడ మన దేశానికి ఏదో మంచి జరుగుతుందని అర్థం. అందువల్లే ఆ స్థాయిలో ఆ పార్టీలు ఆందోళనలు చేస్తున్నాయని బిజెపి నేతలు అంటున్నారు.. ఆర్టికల్ 370 సమయంలో కూడా ఇలానే వ్యాఖ్యానించారని.. ఇప్పుడు జమ్ము కాశ్మీర్లో పరిస్థితులు.. అభివృద్ధి అద్భుతంగా సాగుతున్న నేపథ్యంలో కుహనా మేధావులు కళ్ళు మూసుకున్నారని బిజెపి నాయకులు అంటున్నారు.
నరేంద్ర మోడీ వేసిన పాచిక వల్ల మతోన్మాద పార్టీల ఎత్తుగడలు చిత్తు అయ్యాయని బిజెపి కార్యకర్తలు పేర్కొంటున్నారు.. ఈ ప్రాంతాలను ఏడు జిల్లాలుగా విస్తరించడం వల్ల అభివృద్ధి సాధ్యమవుతుంది. శాంతి భద్రతల పరిరక్షణ సులభం అవుతుంది. అందువల్లే మతోన్మాద గొడవలు. ఇతర కుట్రలకు ఆస్కారం ఉండదని ఓవైసీ బాధపడుతున్నారని.. అందువల్ల కేంద్రం మీద విమర్శలు చేస్తున్నారని బిజెపి నాయకులంటున్నారు..