Pawan Kalyan viral video : కొన్ని సంఘటనలు మన హృదయాన్ని కలిచివేసే విధంగా ఉంటాయి. ముఖ్యంగా ఏమి తెలియని పసిబిడ్డలు , జీవితం లో ఎన్నో చూడాల్సిన పసిబిడ్డలు , మన కళ్ళ ముందే అంతు చిక్కని ఆరోగ్య సమస్యలతో చనిపోతున్న సందర్భాలు చూసి , మన హృదయాలు విచారంతో నిండిపోయిన ఘటనలు గతం లో మనం ఎన్నో చూశాం. ఇప్పుడు లేటెస్ట్ గా అలాంటి బాధాకరమైన ఘటన వరంగల్ లో చోటు చేసుకుంది. పూర్తి వివరాల్లోకి వెళ్తే తెలంగాణ ప్రాంతం లోని వరంగల్ కి చెందిన నిరంజన్ అనే కుర్రాడు , గుర్తు తెలియని వ్యాధి తో తీవ్రమైన బాధ పడుతున్నాడు. ఇతని చివరి కోరిక , ప్రముఖ సినీ నటుడు , ఆంధ్ర ప్రదేశ్ రాష్ట్ర ఉప ముఖ్యమంత్రి పవన్ కళ్యాణ్ ని కలవడం. రీసెంట్ గానే ఈ చిన్నారి ని రాధా మనోహర్ దాస్ స్వామిజి కలిసాడు.
ఈ చిన్నారి కి ధైర్యం చెప్తూ ‘పోకిరి సినిమా చూశావా ?, ఎప్పుడొచ్చాము అనేది ముఖ్యం కాదు అన్నయ్య , బుల్లెట్ దిగిందా లేదా?, అదే విధంగా ఎన్నాళ్ళు బ్రతికాము అనేది కాదు , ఏమి చేశాము అనేదే ముఖ్యం’ అంటూ ఆ చిన్నారి కి ధైర్యం చెప్పడం చాలా బాగా అనిపించింది. అదే విధంగా పవన్ కళ్యాణ్ ని కలవడం ఆ చిన్నారి కోరిక అనే విషయం తెలుసుకున్న దాస్ మాట్లాడుతూ ‘పవన్ కళ్యాణ్ ని కలవాలా?, కలుస్తాడు , కానీ ఇక్కడ కాదు , నువ్వు హైదరాబాద్ కి రావాల్సి ఉంటుంది, ఇతను నిన్ను తీసుకొస్తాడు , నా ఇన్ స్టాగ్రామ్ లో కూడా షేర్ చేశాను , పాతిక వేలమంది చూశారు ‘ అంటూ చెప్పుకొచ్చాడు. గతంలో పవన్ కళ్యాణ్ ఇలాంటి ఎన్నో సందర్భాల్లో చిన్నారుల కోరికలను తీర్చాడు. రాబోయే రోజుల్లో ఈ విషయం పవన్ కళ్యాణ్ వరకు చేరితే ఆయన కచ్చితంగా ఈ చిన్నారిని కలుస్తాడని , ఆ చిన్నారిని హైదరాబాద్ కి రప్పించుకోవడం కాదు , స్వయంగా పవన్ కళ్యాణ్ ఆ చిన్నారి ఇంటికి వస్తాడని అంటున్నారు అభిమానులు. నెటిజెన్స్ చేత కంటతడి పెట్టిస్తున్న ఈ వీడియో ని మీరు కూడా చూసేయండి.
A young boy from Warangal battling a life-threatening illness has one final wish to meet @PawanKalyan Garu
Hoping his wish comes true ❤️@JSPShatagniTeam pic.twitter.com/1GD3fgsOB6
— Supreme PawanKalyan FC™ (@SupremePSPK) June 14, 2026
