TVK Vijay PM Modi Meeting: రాజకీయాలలో ఏదైనా జరుగుతుంది. ఏమైనా జరుగుతుంది. అవసరాలు మాత్రమే ఉంటాయి కాబట్టి దానికోసం రాజకీయ పార్టీలు అటు గోడ ఇటు దునుకుతాయి. ఇటు గోడను అటు దునుకుతాయి.. ఓట్లు వేసిన జనం మాత్రం పిచ్చి వాళ్ళవుతారు.
తమిళనాడులో ఇటీవల జరిగిన ఎన్నికల్లో టీవీ కే అత్యధిక స్థానాలు గెలిచిన పార్టీగా ఆవిర్భవించింది. అలాగని అధికారం దక్కించుకునేంత స్థాయిలో అక్కడి ప్రజలు మెజారిటీ ఇవ్వలేదు. దీంతో ఇతర పార్టీల సపోర్ట్ తీసుకుని విజయ్ ప్రభుత్వాన్ని ఏర్పాటు చేశారు.. ప్రస్తుతం తమిళనాడు రాష్ట్రంలో విజయ్ ప్రభుత్వానికి సంబంధించిన పరిపాలన సాఫీగా సాగిపోతోంది. మధ్యమధ్యలో డిఎంకె నేత స్టాలిన్ ప్రభుత్వం కూలిపోతుందని చెబుతున్నప్పటికీ అది అంత ఈజీ కాదు. ఎందుకంటే విజయ్ ఆల్రెడీ గ్రౌండ్ లెవెల్ లో ప్రభుత్వానికి కావలసిన మెజారిటీ మొత్తాన్ని సమీకరించుకున్నారు. ఎవరికి ఏం చేయాలో అది చేశారు. పుష్ప లెవల్లో సోఫాలు కూడా ఇచ్చారు.
ఇటీవల విజయ్ ప్రధానమంత్రి నరేంద్ర మోడీని కలిశారు.. వారిద్దరు చాలాసేపు మాట్లాడుకున్నారు. ఆ తర్వాత విజయ్ కేంద్ర హోంశాఖ మంత్రి అమిత్ షాను కలవాలి. అపాయింట్మెంట్ కూడా ఓకే అయింది. ప్రధానమంత్రిని కలిసిన తర్వాత విజయ్ హోం శాఖ మంత్రి వద్దకు వెళ్లడానికి ప్రయత్నాలు మొదలుపెట్టారు. అప్పటికి ఆయన కాన్వాయ్ కూడా అమిత్ షా నివాసం వైపు వెళ్ళింది. విజయ్ కాన్వాయ్ అలా బయలుదేరిందో లేదో.. వెంటనే అమిత్ షా కార్యాలయం నుంచి ఫోనొచ్చింది. సార్ అందుబాటులో లేరు.. మీరు తర్వాత రండి అని ఆ ఫోన్లో వ్యక్తి చెప్పారు.
విజయ్ కి ఏం అర్థం కాలేదు.. ఎందుకిలా జరిగిందో కూడా బోధ పడలేదు. సరే బిజీగా ఉంటారని అనుకొని విజయ్ ఆయనను కలవకుండానే తిరుగు ప్రయాణమయ్యారు. అయితే దీని వెనుక డీఎంకే నేత స్టాలిన్ స్కెచ్ ఉంది. తమిళనాడులో కాంగ్రెస్ పార్టీ హ్యాండ్ ఇవ్వడంతో డీఎంకే ఆగ్రహంగా ఉంది.. ఇండియా కూటమికి దూరంగా ఉంది.. అంతేకాదు తమిళనాడులో బిజెపికి దగ్గరగా వెళ్తోంది. ఇప్పటికే అమిత్ షా తో స్టాలిన్ ఫోన్లో మాట్లాడినట్టు తెలుస్తోంది. ఆయన సూచనల మేరకే అమిత్ షా విజయ్ కి అపాయింట్మెంట్ రద్దు చేసినట్టు తెలుస్తోంది. మరోవైపు డిఎంకె నేతలపై ఉన్న ఈడీ కేసుల విచారణ కూడా ఆగిపోయింది.. ఇటీవల కాలంలో స్టాలిన్ పదేపదే విజయ్ ప్రభుత్వం కూలిపోతుందని చెబుతున్నారు.. ఈ లెక్కన విజయ్ కి ఇబ్బందికర పరిస్థితులు ఏమైనా సృష్టించబోతున్నారా.. విజయ్ ప్రభుత్వాన్ని కూలదోసి.. డీఎంకే అధికారంలోకి వస్తుందా.. తమిళనాడు మీడియాలో ఇప్పుడు ఇవే వార్తలు సర్కులేట్ అవుతున్నాయి.
