ప్రేయసి గొంతు కోసిన ఉన్మాది..!

ప్రేమ పేరుతో మైనర్ బాలిక గొంతు కోశాడు ఒక యువకుడు. గత కొంతకాలంగా ప్రేమ పేరుతో బాలికను వేధిస్తున్నాడు. ఈ రోజు ఏకంగా ఆమె ఇంట్లోకి వచ్చి హత్యా యత్నానికి పాల్పడ్డాడు. సంఘటనకు సంబంధించిన వివరాల్లోకి వెళితే అనంతపురం జిల్లా పెద్ద వడుగూరు మండలం గుత్తి అనంతపురం గ్రామంలో సుభద్ర అనే బాలిక తల్లిదండ్రులతో కలిసి ఉంటుంది. సుభద్ర పదవ తరగతి చదువుతుంది. అదే గ్రామంలో నివాసముంటున్న రామాంజనేయులు అనే యువకుడు కొంత కాలంగా ప్రేమ పేరుతో బాలికను వేధిస్తున్నాడు. బాలిక తల్లిదండ్రులు, బంధువులు హెచ్చరించినా యువకుడు తన వైఖరి మార్చుకోలేదు. ఈ రోజు ఇంట్లో ఎవరూ లేని సమయంలో సుభద్ర గొంతును బ్లెడ్ తో కోసి దాడికి పాల్పడ్డాడు. పోలీసులు కేసు నమోదు చేసి దర్యాప్తు చేస్తున్నారు. సుభద్రను ఆసుపత్రికి తరలించి చికిత్స చేయిస్తున్నారు.

బ్రాండ్ విశాఖ: జగన్ కు లాభమా? నష్టమా?

మరో ఘటనలో కంభం పట్టణంలోని కందులాపురం సెంటర్లో శుక్రవారం జక్కికాశీశ్వరరావు( 28) అనే యువకుడి హత్య సంచలనం సృష్టించింది. కంభం మండలం పొరుమామిల్ల పల్లి గ్రామానికి చెందిన కాశీశ్వరరావు బైకుపై వెళ్తుండగా అదే గ్రామానికి చెందిన జక్కి కరుణాకర్ సాయంత్రం 4.30 గంటల సమయం లో తన కారుతో ఢీ కొట్టి హత్య చేసి పోలీసులకు లొంగిపోయాడు. తన చెల్లెలిని వేధిస్తున్న కాశీశ్వరరావును కరుణాకర్ పలుమార్లు హెచ్చరించినా వినకపోవడం తో ఈ సంఘటన కు పాల్పడినట్లు తెలుస్తోంది. కంభం ఎస్సై కె.మాధవ రావు కేసు నమోదు చేసి దర్యాప్తు చేస్తున్నారు.