మిల్కీ బ్యూటీ తమన్నా ఇటీవల సీనీరంగంలో 15ఏళ్ల కెరీర్ పూర్తి చేసుకుంటుంది. అందం, అభినయం, డాన్స్ తో తమన్నా ప్రేక్షకులను ఆకట్టుకుంది. మంచు మనోజ్ నటించిన ‘శ్రీ’ మూవీతో తమన్నా తెలుగువారికి పరిచమైంది. ఆ తర్వాత శేఖర్ కమ్ముల దర్శకత్వంలో వచ్చిన ‘హ్యాపీ డేస్’ మూవీతో స్టార్ హీరోయిన్ గా మారింది. ఇప్పటికే అందరు అగ్రహీరోల సరసన నటించి మెప్పించింది. ఇటీవల మెగాస్టార్ చిరంజీవి నటించిన ‘సైరా’లో తమన్నా అద్భుతమైన నటన కనబరిచింది. తమన్నా నటనకు ఫ్యాన్స్ ఫిదా అయ్యారు.
తాజాగా మిల్కీ బ్యూటీ ‘సీటీమార్’లో నటిస్తుంది. సంపత్ నంది దర్శకత్వంలో గోపిచంద్ కు జోడీగా ఎంపికైంది. గతంలో సంపత్ నంది దర్శకత్వంలో తమన్నా ‘రచ్చ’, ‘బెంగాల్ టైగర్’ మూవీల్లో నటించింది. ‘సీటీమార్’ ప్రస్తుతం సినిమా శరవేగంగా షూటింగ్ జరుపుకుంటుంది. స్పోర్ట్స్ బ్యాక్డ్రాప్గా ‘సీటీమార్’ తెరకెక్కుతుంది.
ఈ మూవీలో గోపీచంద్ ఆంధ్ర కబడ్డీ జట్టు కెప్టెన్గా, తమన్నా తెలంగాణ కబడ్డీ జట్టు కోచ్గా కనిపించనుందని సమాచారం. తమన్నా తెలంగాణ అమ్మాయిగా కనపడటానికి చాలా కష్టపడుతుందని తెలుస్తోంది. దర్శకుడు సంపత్ నంది సాయంతో తెలంగాణ యాస నేర్చుకుందట. అదేవిధంగా ఫిట్గా ఉండేందుకు యోగా, ఎక్సర్సైజ్లు చేస్తూ కబడ్డీ ట్రైనింగ్ తీసుకుందట. తెలంగాణలో యాసలో తమన్నా అభిమానులకు అలరించేందుకు సిద్ధమవుతుంది. వేసవిలో ‘సీటీమార్’ చిత్రాన్ని విడుదల చేసేందుకు చిత్రబృందం సన్నహాలు చేస్తుంది.