Pawan Kalyan’s ‘Bro’ : పవర్ స్టార్ పవన్ కళ్యాణ్ హీరో గా నటిస్తున్న లేటెస్ట్ చిత్రం ‘బ్రో – ది అవతార్’ కి సంబంధించిన ఫస్ట్ లుక్ మోషన్ పోస్టర్ రీసెంట్ గానే విడుదలై మంచి రెస్పాన్స్ ని దక్కించుకున్న సంగతి తెలిసిందే. అల్ట్రా స్టైలిష్ లుక్ లో ఉన్న పవన్ కళ్యాణ్ ని చూసి ఫ్యాన్స్ ఎంతగానో మురిసిపోయారు. ఇలాంటి పవన్ కళ్యాణ్ ని కదా మేము ఇన్ని రోజులు కోరుకున్నది అంటూ పొగడ్తలతో ముంచి ఎత్తుతున్నారు.
ఈ చిత్రంలో పవన్ కళ్యాణ్ మేనల్లుడు సాయి ధరమ్ తేజ్ కూడా నటిస్తున్న సంగతి అందరికీ తెలిసిందే. ఆయన పార్ట్ కి సంబంధించిన షూటింగ్ ని ప్రస్తుతం హైదరాబాద్ లో తెరకెక్కిస్తున్నాడు డైరెక్టర్ సముద్ర ఖని. ఈ చిత్రానికి ఆయన దర్శకత్వం వహించగా, త్రివిక్రమ్ శ్రీనివాస్ మాటలు , స్క్రీన్ ప్లే అందించాడు.
ఇది ఇలా ఉండగా రేపు సాయంత్రం 4 గంటల 14 నిమిషాలకు సాయి ధరమ్ తేజ్ కి సంబంధించిన ఫస్ట్ లుక్ పోస్టర్ ని విడుదల చెయ్యబోతున్నారు. దీనికి సంబంధించిన అధికారిక ప్రకటన కాసేపటి క్రితమే అయ్యింది. ఇందులో సాయి ధరమ్ తేజ్ పాత్ర పేరు ‘మార్కండేయ’ కాగా పవన్ కళ్యాణ్ పాత్ర పేరు ‘టైం’. సాయి ధరమ్ తేజ్ ని ఇందులో అందరూ స్టైలిష్ గా ‘మార్క్’ అని పిలుస్తూ ఉంటారు.
జులై 28 వ తారీఖున విడుదల అవ్వబోతున్న ఈ సినిమా గురించి కొన్ని ఆసక్తికరమైన విషయాలు తెలిసాయి. ఇందులో పవన్ కళ్యాణ్ తన వింటేజ్ కామెడీ టైమింగ్ మొత్తాన్ని బయటకి తీసాడని, ఆయన స్టైలింగ్ మరియు స్వాగ్ కూడా పాత సినిమాలను తలపిస్తుందని కొన్ని విశ్వసనీయ వర్గాల ద్వారా తెలిసింది.ఇందులో పవన్ కళ్యాణ్ దేవుడిగా నటిస్తున్న సంగతి అందరికీ తెలిసిందే.
