EAGLE Trailer Review : జయాపజయాలతో సంబంధం లేకుండా వరుస చిత్రాలు చేస్తున్నాడు మాస్ మహారాజ్ రవితేజ. 2023లో రవితేజ నటించిన వాల్తేరు వీరయ్య, టైగర్ నాగేశ్వరరావు చిత్రాలు విడుదలయ్యాయి. టైగర్ నాగేశ్వరరావు చిత్రంలో ఎక్స్టెండెడ్ గెస్ట్ రోల్ చేశాడు. వాల్తేరు వీరయ్య విజయంలో రవితేజ పాత్ర కీలకమైంది. సంక్రాంతి కానుకగా విడుదలైన వాల్తేరు వీరయ్య బ్లాక్ బస్టర్ కొట్టింది. దసరా బరిలో టైగర్ నాగేశ్వరరావు దిగాడు. వాస్తవ సంఘటనల ఆధారంగా తెరకెక్కిన టైగర్ నాగేశ్వరరావు ఆశించిన ఫలితం ఇవ్వలేదు.
టైగర్ నాగేశ్వరరావు పాన్ ఇండియా మూవీగా విడుదలైన విషయం తెలిసిందే. కాగా 2024 సంక్రాంతికి మరో చిత్రం సిద్ధం చేశాడు. ఈగిల్ గా రవితేజ అలరించనున్నాడు. విడుదలకు సమయం దగ్గరపడుతుండగా ప్రమోషన్స్ షురూ చేశారు. చడీ చప్పుడు లేకుండా ఈగిల్ టీజర్ విడుదల చేశారు. ఈ చిత్రానికి భారీ మొత్తంలో ఖర్చు చేశారనిపిస్తుంది. విజువల్స్ రిచ్ గా ఉన్నాయి.
ఫారిన్ మాఫియా, గన్స్, వైలెన్స్ ఓ రేంజ్ లో ఉన్నాయి. రవితేజ మరోసారి నెగిటివ్ షేడ్స్ ఉన్న పాత్ర చేశాడని అర్థం అవుతుంది. ‘ఈ దేవుడు మంచోడు కాదు మొండోడు’ అనే డైలాగ్ రవితేజ క్యారెక్టర్ ఏమిటో క్లారిటీ ఇస్తుంది. రవితేజ లుక్ బాగుంది. ఆయన పాత్ర ఏంటనే సస్పెన్సు రేకెత్తిస్తుంది. అనుపమ పరమేశ్వరన్, కావ్య థాపర్ హీరోయిన్స్ గా నటించారు.
నవదీప్, అవసరాల శ్రీనివాస్, మధుబాల, అజయ్ ఘోష్ కీలక రోల్స్ చేశారు. ఈగిల్ చిత్రానికి కార్తీక్ ఘట్టమనేని దర్శకుడు. టీ జీ విశ్వప్రసాద్ నిర్మాతగా ఉన్నారు. దావ్ జండ్ సంగీతం అందిస్తున్నారు. జనవరి 13న వరల్డ్ వైడ్ విడుదల చేస్తున్నారు. ఈగిల్ సంక్రాంతి రేసు నుండి తప్పుకుంటుందని ప్రచారం జరిగింది. లేదు రేసులో మేము ఉన్నామని ఈగిల్ నిర్మాతలు జోరుగా ప్రొమోషన్స్ చేస్తున్నారు.
