Rashmika Vijay wedding: ఇన్ని రోజులు సోషల్ మీడియా, మెయిన్ ఎలక్ట్రానిక్ మీడియాలో జరిగిన ప్రచారాలకు ఎట్టకేలకు తెరదించబోతున్నారు విజయ్ దేవరకొండ(Vijay Devarakonda), రష్మిక(Rashmika Mandanna) జంట. వీళ్లిద్దరు ప్రేమించుకుంటున్నారని, పెళ్లి కూడా చేసుకోబోతున్నారని, గత కొంతకాలంగా హైదరాబాద్ లో ఒక ఇంట్లో ఉంటున్నారని సోషల్ మీడియాలో ఎన్నో రకాల వార్తలు వచ్చాయి. దీనిని ఈ జంట ఏనాడు ఖండించలేదు, సమయం వచ్చినప్పుడు మాట్లాడుతాం అని చెప్పి తప్పించుకునేవాళ్ళు. అయితే ఇక నుండి ఆ అవసరం ఉండేలా అనిపించడం లేదు. ఎందుకంటే సోషల్ మీడియా లో వచ్చిన వార్తలు ప్రకారం గానే ఈ జంట వివాహం, ఈ నెల 26న రాజస్థాన్ లోని ఉదయపూర్ కోటలో జరగబోతుంది. ఇరు కుటుంబాలకు సంబంధించిన బంధుమిత్రులు ఈ వివావా వేడుకలో పాల్గొనబోతున్నారు. సినీ ఇండస్ట్రీ నుండి కానీ, రాజకీయ రంగం నుండి కానీ ప్రముఖులు ఈ పెళ్ళికి వచ్చే అవకాశాలు చాలా తక్కువ.
వాళ్ళందరి కోసం హైదరాబాద్ లో ప్రత్యేకంగా వెడ్డింగ్ రిసెప్షన్ ని ఏర్పాటు చేసినట్టు తెలుస్తుంది. ఈ రిసెప్షన్ కి సినిమా ఇండస్ట్రీ కి చెందిన ప్రతీ ఒక్కరు హాజరు కాబోతున్నారు. ఇకపోతే రాజకీయంగా కూడా విజయ్ దేవరకొండ కి మంచి సర్కిల్ ఉన్న సంగతి తెలిసిందే. తెలంగాణాలో అటు BRS పార్టీ తో ఆయనకు ఎప్పటి నుండో సన్నిహిత్య సంబంధాలు ఉన్నాయి, అదే విధంగా కాంగ్రెస్ పార్టీ తో కూడా సాన్నిహిత్య సంబంధాలు ఉన్నాయి. వీళ్ళలో ప్రముఖులందరూ ఈ వెడ్డింగ్ రిసెప్షన్ కి రాబోతున్నారు. చాలా గ్రాండ్ గా ఈ ఈవెంట్ ని ఏర్పాటు చేయడానికి చూస్తున్నారు. పెళ్ళికి వేడుకకు మీడియా కి ఎలాంటి ఆహ్వానం అందే అవకాశాలు లేవు కానీ, వెడ్డింగ్ రిసెప్షన్ కి మాత్రం మీడియా కి ఆహ్వానం అందే అవకాశాలు ఉన్నాయి. త్వరలోనే పూర్తి వివరాలు అధికారికంగా తెలియనున్నాయి.
ఇకపోతే విజయ్ దేవరకొండ, రష్మిక మందాన తొలిసారి ‘గీత గోవిందం’ మూవీ షూటింగ్ సమయంలోనే కలిశారు. ఈ సినిమా షూటింగ్ జరుగుతున్న రోజుల్లో ఇద్దరి మధ్య మంచి స్నేహం ఏర్పడడం, ఆ స్నేహం కాస్త ప్రేమగా మారడం వంటివి జరిగాయి. వీళ్లిద్దరు కలిసి ‘గీత గోవిందం’ తర్వాత ‘డియర్ కామ్రేడ్’ అనే చిత్రం లో నటించారు. ఈ సినిమా కమర్షియల్ గా డిజాస్టర్ ఫ్లాప్ అయ్యింది. ఇప్పుడు వీళ్లిద్దరు కలిసి చాలా కాలం తర్వాత ‘రణబలి’ అనే చిత్రం చేస్తున్నారు. రాహుల్ సంక్రుత్యాన్ దర్శకత్వం లో తెరకెక్కుతున్న ఈ సినిమాకు సంబంధించిన టీజర్ ని రీసెంట్ గానే విడుదల చేయగా, మంచి రెస్పాన్స్ ని సొంతం చేసుకుంది. కెరీర్ పరంగా రష్మిక మందాన వరుస బ్లాక్ బస్టర్స్ తో పీక్ రేంజ్ లో ఉంటే, విజయ్ దేవరకొండ మాత్రం వరుస డిజాస్టర్ ఫ్లాప్ సినిమాలతో చాలా దయనీయమైన స్థితిలో ఉన్నాడు. కనీసం ఈ సినిమాతో అయినా కంబ్యాక్ ఇస్తాడో లేడో చూడాలి.
