Ram Charan long break after Peddi: గ్లోబల్ స్టార్ రామ్ చరణ్ రీసెంట్ గానే ‘పెద్ది’ చిత్రం తో భారీ బ్లాక్ బస్టర్ హిట్ ని తన ఖాతాలో వేసుకున్న సంగతి తెలిసిందే. మొదటి ఆట నుండే బ్లాక్ బస్టర్ హిట్ టాక్ ని సొంతం చేసుకొని , ఓపెనింగ్స్ దగ్గర నుండి లాంగ్ రన్ వరకు , అభిమానులను, అండీస్ ని, ట్రేడ్ ని సర్ప్రైజ్ కి గురి చేసే నంబర్స్ ని రాబడుతూ ప్రపంచవ్యాప్తంగా దాదాపుగా 330 కోట్ల రూపాయిల గ్రాస్ వసూళ్లను రాబట్టి సెన్సేషన్ సృష్టించింది. ఓవర్సీస్ మరియు నార్త్ ఇండియా లో అనుకున్నంత ఫలితం రాలేదు. రెండు ప్రాంతాల్లోనూ ఘోరమైన డిజాస్టర్ ఫ్లాప్ గా నిల్చింది ఈ చిత్రం. అయితే ఈ సినిమా తర్వాత రామ్ చరణ్ సుకుమార్ తో ఒక సినిమా చేయబోతున్న సంగతి అందరికీ తెలిసిందే.
కానీ ఇప్పట్లో ఈ చిత్రం సెట్స్ మీదకు వెళ్లే అవకాశాలు కనిపించడం లేదు. సుకుమార్ ఇంకా స్టోరీ ని ఫైనలైజ్ చేసే పనిలో ఉన్నాడు. మరోపక్క రామ్ చరణ్ కూడా విశ్రాంతి తీసుకోవాలని అనుకుంటున్నాడు. ఎందుకంటే ‘పెద్ది’ చిత్రం కోసం ఆయన ఎంతో కష్టపడ్డాడు , కాళ్ళు విరిగాయి , చేతులు విరిగాయి, చివరికి కంటికి కూడా దెబ్బ తగిలింది. శరీరం మొత్తం దెబ్బలతో నిండిపోయి ఉండడం తో కొంతకాలం విశ్రాంతి తీసుకోవాలని నిర్ణయం తీసుకున్నాడు. కాబట్టి ఈ ఏడాది లో రామ్ చరణ్ కొత్త సినిమా సెట్స్ మీదకు వెళ్లడం దాదాపుగా అసాధ్యమే. వచ్చే ఏడాది సమ్మర్ లో కానీ , సెకండ్ హాఫ్ లో కానీ షూటింగ్ మొదలయ్యే అవకాశం ఉంది. కాబట్టి ఎప్పటి లాగానే , ఈసారి కూడా రామ్ చరణ్ కొత్త సినిమా కోసం అభిమానులు కనీసం రెండు నుండి మూడేళ్లు నిరీక్షించక తప్పదు. ఇదొక్కటే రామ్ చరణ్ విషయం లో అభిమానులకు నచ్చదు.
సినిమాలు బాగా ఆలస్యం గా చేస్తాడు , ఆయన ఇచ్చే గ్యాప్ కారణంగా, కావాల్సినంత ఫ్యాన్ ఫాలోయింగ్ క్రియేట్ అవ్వడం లేదు అనేది మెగా అభిమానుల వాదన. ‘పెద్ది’ తర్వాత ఏడాదికి కనీసం రెండు సినిమాలైనా అందిస్తాడేమో అని అంతా అనుకున్నారు. కానీ అది సాధ్యం అయ్యేలా కనిపించడం లేదు. మరోవైపు రామ్ చరణ్ భవిష్యత్తులో రాజమౌళి తో మరో సినిమా చేయబోతున్నాడు అనే టాక్ వినిపిస్తోంది. రాజమౌళి సినిమా అంటే ఇన్నేళ్ల సమయం పడుతుందో అందరికీ తెలిసిందే. ఇదంతా చూస్తుంటే , రామ్ చరణ్ తన కెరీర్ ముగించేసరికి కనీసం 30 సినిమాలు అయినా చేస్తాడా లేదా అని ఆయన అభిమానులు కామెంట్ చేస్తున్నారు.
