Pawan Kalyan OG 2: పవన్ కళ్యాణ్ అభిమానులకు ‘ఓజీ’ అనేది కేవలం ఒక చిత్రం కాదు , ఎమోషన్. వరుసగా రీమక్స్ చేస్తూ, పాన్ ఇండియన్ హీరోల జాబితాలో పవన్ కళ్యాణ్ లేడు , ఆయన స్థాయికి తగ్గ సినిమాలు చేయడం లేదని అభిమానులు బాధపడుతున్న సమయం లో విడుదలైన ఈ చిత్రం , బాక్స్ ఆఫీస్ వద్ద సృష్టించిన సెన్సేషన్ సాధారమైనది కాదు. విడుదలకు ముందు జెన్ జీ యూత్ మొత్తాన్ని ఒక ఊపు ఊపింది. ఎక్కడ చూసిన దీని గురించే చర్చ, అప్పట్లో జానీ సినిమాకు ఎలాంటి హైప్ ఉండేదో , ఈ సినిమాకు కూడా అదే రేంజ్ హైప్ ఏర్పడింది. అలాంటి హైప్ తో విడుదలైన ఈ సినిమాకు మొదటి రోజు తెలుగు రాష్ట్రాల్లో #RRR తో సమానమైన ఓపెనింగ్ వచ్చింది. ఓవర్సీస్ లో అయితే ఏకంగా 5 మిలియన్ డాలర్ల ఓపెనింగ్ వచ్చింది.
అందులో ఒక్క నార్త్ అమెరికా నుండే ఈ చిత్రానికి 3 మిలియన్ డాలర్ల గ్రాస్ కేవలం ప్రీమియర్ షోస్ నుండి వచ్చాయి. అయితే ప్రీమియర్ షోస్ నుండి ఈ చిత్రానికి డివైడ్ టాక్ రావడం తో , కాస్త పొటెన్షియల్ తగ్గినా విషయం వాస్తవమే కానీ , సినిమాకు ఉన్న క్రేజ్ కారణంగా కేవలం తెలుగు వెర్షన్ నుండి 321 కోట్ల రూపాయిల గ్రాస్ వసూళ్లు వచ్చాయి, తెలుగు రాష్ట్రాల నుండి 200 కోట్ల రూపాయిల గ్రాస్ వసూళ్లు నమోదు అయ్యాయి. అయితే ఈ చిత్రానికి సీక్వెల్ ఉంటుందా లేదా అనే సందేహం అభిమానుల్లో ఉండేది. స్వయంగా పవన్ కళ్యాణ్ సీక్వెల్ ఉంటుందని ప్రకటించినప్పటికీ , ఉప ముఖ్యమంత్రి గా క్షణం తీరిక లేకుండా గడుపుతున్న ఆయన షెడ్యూల్స్ ని చూసి , ఈ సినిమా ఉంటుందో లేదో అనే అనుమానం అభిమానుల్లో కలిగింది.
అంతే కాకుండా రెండు రోజుల క్రితం పవన్ కళ్యాణ్ సినిమాలకు శాశ్వతంగా రిటైర్మెంట్ ఇవ్వబోతున్నాడు అనే టాక్ కూడా అభిమానులను తీవ్రంగా కలిచివేసింది. సరిగ్గా ఇలాంటి సమయం లోనే కాసేపటి క్రితమే ఈ చిత్రానికి సంబంధించిన సెన్సేషనల్ అప్డేట్ ఒకటి పవన్ కళ్యాణ్ క్రియేటివ్ వర్క్స్ హ్యాండిల్ నుండి వచ్చింది. ‘ఇచ్చిన మాట ప్రకారం పవన్ కళ్యాణ్ ఓజీ 2 చేస్తున్నాడు. సుజిత్ ప్రస్తుతం ఫారిన్ లో ఉన్నాడు , ఇండియా కి తిరిగి రాగానే ఇక ఓజీ 2 గురించి మాట్లాడుకుందాం’ అంటూ ఒక ట్వీట్ పడింది. అంతే ఇక, సోషల్ మీడియా మొత్తం ఊగిపోయింది , అరగంట లోపే 1 మిలియన్ కి పైగా వ్యూస్ వచ్చాయి. దీనిని బట్టీ ఈ సినిమాకు ఎలాంటి క్రేజ్ ఉంది అనేది అర్థం చేసుకోవచ్చు. ఈ ఏడాది డిసెంబర్ నెల నుండి ఈ చిత్రం సెట్స్ మీదకు వెళ్లే అవకాశం ఉంది.
As promised, he will. The timing, he will let us know. Once @Sujeethsign returns from abroad, we will discuss.#OG2
— Pawan Kalyan Creative Works (@PKCWoffl) June 11, 2026
