Bloody Romeo Shooting: పవన్ కళ్యాణ్ అభిమానులు ‘ఓజీ 2’ చిత్రం పై కోటి ఆశలే పెట్టుకున్నారు. ఎందుకంటే ఈ చిత్రమే పవన్ కళ్యాణ్ చివరి చిత్రం అవ్వొచ్చు, ఆ తర్వాత ఆయన తన సమయాన్ని మొత్తం పాలనపై కేటాయించడానికి సిద్ధమయ్యాడని ఇండస్ట్రీ వర్గాల్లో వినిపిస్తున్న టాక్. రీసెంట్ గానే ‘ఓజీ 2’ కి సంబంధించి అధికారిక ప్రకటన కూడా జరిగింది. అభిమానులు ఈ ప్రకటన ని ఒక పండుగ లాగా సెలబ్రేట్ చేసుకున్నారు. సుజిత్ కూడా ‘ఓజీ 2’ కి సంబంధించిన ప్రీ ప్రొడక్షన్ పనులు మొదలు పెట్టాడు. అందుకు సంబంధించిన ఫోటోలు కూడా సోషల్ మీడియా లో బాగా వైరల్ అయ్యాయి. ఈ ఏడాది నవంబర్ నెల నుండి ఈ చిత్రం సెట్స్ మీదకు వెళ్తుందని టాక్ కూడా గట్టిగా నడిచింది. అయితే లేటెస్ట్ గా అందుతున్న సమాచారం ఏమిటంటే , డైరెక్టర్ సుజిత్ నాని తో ‘బ్లడీ రోమియో’ ని ప్రారంభించడానికి సన్నాహాలు చేస్తున్నాడు.
ఈ ఏడాది అక్టోబర్ నుండి ఈ సినిమాకు సంబంధించిన రెగ్యులర్ షూటింగ్ ని మొదలు పెడతారట. మొదటి షెడ్యూల్ ని హైదరాబాద్ లో చేస్తారట. ఆ తర్వాత ఒక భారీ షెడ్యూల్ ని లండన్ లో చేస్తారట. ఆ షెడ్యూల్ తో ఈ ఏడాది చివరి లోపు షూటింగ్ కార్యక్రమాలను పూర్తి చెయ్యాలని చూస్తున్నాడట డైరెక్టర్ సుజిత్. మరి ‘ఓజీ 2’ పరిస్థితి ఏంటి?, ఇప్పట్లో ఈ సినిమా మొదలయ్యే అవకాశాలే లేదా అనే అనుమానాలు అభిమానుల్లో మొదలయ్యాయి. అయితే ‘ఓజీ 2’ షూటింగ్ ఈ ఏడాది లో ఉండదని , వచ్చే ఏడాది సెకండ్ హాఫ్ నుండి ఈ సినిమాకు సంబంధించిన షూటింగ్ మొదలు అవుతుందని అంటున్నారు. పవన్ కళ్యాణ్ కి సుజిత్ ఈ విషయం ముందుగానే చెప్పాడట. పవన్ అందుకు గ్రీన్ సిగ్నల్ కూడా ఇచ్చినట్టు సమాచారం.
ఎలాగో తనకు రెండు భుజాలకు సర్జరీ చేయించుకోవాల్సిన అవసరం ఉంది , కుడి భుజానికి రీసెంట్ గానే సర్జరీ జరిగింది , మూడు నెలల తర్వాత ఎడమ చేతికి కూడా సర్జరీ జరగనుంది. ఈ రెండు భుజాలకు సర్జరీ జరిగి , పూర్తిగా పవన్ కళ్యాణ్ కోలుకోవడానికి 6 నెలలకు పైగానే సమయం పడుతుందట, ఈ గ్యాప్ లో నీకు ఉన్న కమిట్మెంట్ ని పూర్తి చేసుకోమని సుజిత్ కి పవన్ కళ్యాణ్ చెప్పాడట. ఆయన అనుమతి తోనే ఇప్పుడు అక్టోబర్ నెల లో సుజిత్ ‘బ్లడీ రోమియో’ షూటింగ్ కి షిఫ్ట్ అవుతున్నాడు. ఈ సినిమా షూటింగ్ పూర్తి అయ్యాక వెంటనే ‘ఓజీ 2’ షూటింగ్ పనులను మొదలు పెడుతాడట సుజిత్.
