Pawan Kalyan: పవన్ కళ్యాణ్ అభిమానులు ‘ఓజీ 2’ అప్డేట్స్ కోసం ఎంత ఆతృతగా ఎదురు చూస్తున్నారో ప్రత్యేకించి చెప్పక్కర్లేదు. ఇప్పటికే ఈ సినిమాకు సంబంధించిన అధికారిక ప్రకటన ఒక స్పెషల్ వీడియో తో జరిగింది. ఇక సెప్టెంబర్ 2 న పవన్ కళ్యాణ్ పుట్టినరోజు సందర్భంగా ఈ చిత్రం కాన్సెప్ట్ ని తెలుపుతూ ఒక యానిమేషన్ వీడియో ని కూడా విడుదల చేయబోతున్నారు. ఇలా ‘ఓజీ 2’ కి సంబంధించి సోషల్ మీడియా లో ప్రతీ రోజు ఎదో ఒక అప్డేట్ వస్తూనే ఉంది. ఇదంతా బాగానే ఉంది కానీ , పవన్ కళ్యాణ్ సురేందర్ రెడ్డి కాంబినేషన్ లో తెరకెక్కబోయే సినిమా పరిస్థితి ఏంటి ?. ఈ చిత్రం కోసం డైరెక్టర్ సురేందర్ రెడ్డి , వక్కంతం వంశీ చాలా పెద్ద హోమ్ వర్క్ చేశారు.
పవన్ కళ్యాణ్ కి స్క్రిప్ట్ న్యారేషన్ కూడా ఇచ్చారు సురేందర్ రెడ్డి. కానీ సెకండ్ హాఫ్ పవన్ కళ్యాణ్ కి పెద్దగా నచ్చకపోవడం తో కొన్ని మార్పులు , చేర్పులు చేయాల్సిందిగా సూచించారు. డైరెక్టర్ సురేందర్ రెడ్డి పవన్ సూచనలు మేరకు ఈ స్క్రిప్ట్ పై రీ వర్క్ కూడా మొదలు పెట్టారు. అందుకోసం ఆయన తన టీం తో కలిసి అమరావతి లో ఒక ఆఫీస్ ని తీసుకొని , రేయింబవళ్లు స్క్రిప్ట్ వర్క్ పై పని చేశారు. కానీ ఇంతలోపే ‘ఓజీ 2’ గురించి ప్రకటన రావడంతో , ఇక సురేంద్ర రెడ్డి తో సినిమా లేనట్టే అని ఫ్యాన్స్ చాలా మంది ఫిక్స్ అయిపోయారు. ఇక నేడు సురేందర్ రెడ్డి తన టీం తో ఏర్పాటు చేసుకున్న ఆఫీస్ ని కూడా అమరావతి లో ఖాళీ చేశారు. దీంతో ఈ సినిమా ప్రస్తుతానికి లేనట్టే అనే క్లారిటీ అందరికీ వచ్చేసింది.
అయితే ఈ సినిమా తాత్కాలికంగా హోల్డ్ లో పడిందా , లేదా భవిష్యత్తులో ఉంటుందా అనే దానిపై క్లారిటీ రావాలి. ప్రస్తుతం పవన్ కళ్యాణ్ ఫోకస్ మొత్తం ‘ఓజీ 2’ మీదనే ఉంది. రెగ్యులర్ గా ఆయన డైరెక్టర్ సుజిత్ , సంగీత దర్శకుడు తమన్ తో ఈ సినిమా పై చర్చలు జరుపుతూనే ఉన్నారు. ఈ ఏడాది నవంబర్ నుండి షూటింగ్ కార్యక్రమాలను మొదలు పెట్టేందుకు అన్ని విధాలుగా పవన్ కళ్యాణ్ సిద్ధం అవుతున్నారు. కాబట్టి సురేంద్ర రెడ్డి ప్రాజెక్ట్ ఉంటుందా లేదా అనే దానిపై క్లారిటీ రావాలంటే కొన్ని రోజులు ఎదురు చూడక తప్పదు. సెప్టెంబర్ 2 న ఏదైనా ఈ సినిమా నుండి అప్డేట్ వస్తే ఉన్నట్టు , లేదంటే ఆగిపోయినట్టే అనుకోవచ్చు.
