Manchu Vishnu: వాళ్ళు ఇలా హింసిస్తారు.. చిరంజీవి ఫ్యామిలీ పై మంచు విష్ణు సంచలన కామెంట్స్.. టాలీవుడ్ లో పెను దుమారం

Manchu Vishnu: చిరంజీవి-మోహన్ బాబు ఫ్యామిలీ మధ్య మనస్పర్థలు చాలా కాలంగా ఉన్నాయి. వజ్రోత్సవ వేడుకల్లో చిరంజీవికి లెజెండరీ అవార్డు ప్రకటించారు. తనకు ఇవ్వకుండా చిరంజీవికి లెజెండరీ అవార్డు ఇవ్వడాన్ని మోహన్ బాబు తప్పుబట్టారు. నేను ఏ విధంగా తక్కువ అని వేదిక మీద బహిరంగంగా మాట్లాడారు. మోహన్ బాబు వ్యాఖ్యలకు హర్ట్ అయిన చిరంజీవి ఓపెన్ అయ్యారు. వేదిక పై ఆయన కూడా పరుష వ్యాఖ్యలు చేశాడు. ఈ వ్యవహారం వజ్రోత్సవ వేడుకలకు మచ్చగా మిగిలిపోయింది.

ఇటీవల ఏఎన్నార్ అవార్డు అందుకున్న చిరంజీవి అప్పటి వివాదాన్ని పరోక్షంగా తెరపైకి తేవడం కొసమెరుపు. 2021లో జరిగిన మూవీ ఆర్టిస్ట్స్ అసోసియేషన్ ఎన్నికలు మరోసారి మెగా-మంచు కుటుంబాల మధ్య మనస్పర్థలకు కారణం అయ్యాయి. అధ్యక్ష బరిలో దిగిన ప్రకాష్ రాజ్ కి మెగా ఫ్యామిలీ సపోర్ట్ ఇచ్చింది. అధ్యక్ష ఎన్నికల్లో గెలిచిన మంచు విష్ణు చిరంజీవి మీద ఆరోపణలు చేశాడు. చిరంజీవి అంకుల్ నన్ను పోటీ నుండి తప్పుకోమన్నాడని మీడియా ఎదుట కామెంట్స్ చేశాడు.

అనంతరం మోహన్ బాబు, మంచు విష్ణు నటించిన చిత్రాలపై మెగా ఫ్యామిలీ నెగిటివ్ ప్రచారం చేయిస్తుందనే వాదన తెరపైకి తెచ్చారు. మా ఫ్యామిలీని ట్రోల్ చేయడానికి, మా చిత్రాలను దెబ్బ తీయడానికి ఏకంగా ఆఫీస్ ఓపెన్ చేశారు. అక్కడ నుండే ఈ ట్రోలింగ్ జరుగుతుంది అంటూ మంచు విష్ణు ఆరోపణలు చేశాడు. మంచు విష్ణు సైబర్ క్రైమ్ లో ఫిర్యాదు చేశారు.

ఇదిలా ఉంటే తాజాగా ఎన్టీఆర్ ఫ్యాన్ ఒకరు మంచు విష్ణు గతంలో మాట్లాడిన వీడియో షేర్ చేశారు. మెగా మాఫియా ఇతర హీరోలను తొక్కేస్తారు. వారిని వేధింపులకు గురి చేస్తారు. మెగా మాఫియా వేధింపుల గురించి మంచు విష్ణు గతంలో ఇలా అన్నారని, వీడియో షేర్ చేశాడు. ఆ వీడియోలో మంచు విష్ణు.. అభిమానులకు మా ఫోన్ నెంబర్స్ ఇచ్చి బూతులు తిట్టిస్తారు. రాజశేఖర్, జీవిత తన ఇద్దరు కూతుళ్లతో వెళుతుంటే కారు పై దాడి చేయించారని ఆరోపణలు చేశారు. ఈ వీడియో ఇప్పుడు దుమారం రేపుతోంది.

అయితే ఇది పాత వీడియో. ఇటీవల మంచు విష్ణు పవన్ కళ్యాణ్ కి మద్దతుగా మాట్లాడారు. తిరుమల లడ్డు వివాదంలో పవన్ కళ్యాణ్ చేసిన కామెంట్స్ పై ప్రకాష్ రాజ్ అసహనం వ్యక్తం చేశాడు. కాగా పవన్ కళ్యాణ్ కి మద్దతుగా మంచు విష్ణు ప్రకాష్ రాజ్ కి కౌంటర్లు వేశాడు. ఘాటైన సమాధానం ఇచ్చాడు.