Kangana: నిత్యం వివాదాల్లో హాట్టాపిక్గా మారి బాలీవుడ్ ఫైర్బ్రాండ్గా పేరు తెచ్చుకున్న హీరోయిన్ కంగనా రనౌత్. తాజాగా, సిక్కులపై ఆమె చేసిన వ్యాఖ్యలు నెట్టింట దుమారం రేపాయి. ఈ క్రమంలోనే ఆమెపై పలు చోట్ల పోలీసు కేసులు కూడా నమోదయ్యాయి. కాగా, మొన్న వ్యవసాయ చట్టాల ఉపసంహరణ విషయంలోనూ తనదైన రీతిలో స్పందించి.. వివాదాలను కొనితెచ్చుకుంది కంగన. ఈ క్రమంలోనే రైతులనుద్దేశించి ఆమె చేసిన వ్యాఖ్యలు వివాదాలకు దారి తీశాయి.
ఈ అంశంపైనా ఢిల్లీ సిక్ గురుద్వారా మేనేజ్మెంట్ కమిటీ కంగనాపై ఫిర్యాదు చేశారు. ఈ మేరకు పోలీసులు సోమవారం ఆమెసౌ ఎఫ్ఐఆర్ నమోదు చేశారు. రైతు ఉద్యమాన్ని ఉద్దేశపూర్వకంగానే ‘ఖలిస్తాన్’ఉద్యమం అని, సిక్కులను అవమానించిందని ఫిర్యాదులో పేర్కొన్నారు.
Also Read: ప్చ్.. కంగనా వాళ్లకు కూడా చూపించేసింది !
తాజాగా ఈ విషయంపైనా స్పందించి.. సోషల్మీడియాలో కంగన పెట్టిన పోస్ట్ సంచలనంగా మారింది.
చేతిలో వైన్గ్లాస్ పట్టుకుని.. తన ఫొటోను ఇన్స్టా స్టోరీలో పోస్ట్ చేస్తూ.. ఇంకో ఎఫ్ఐర్. ఇలా నన్ను అరెస్ట్ చేయడానికి వాళ్లు మా ఇంటి దగ్గరకు వస్తే.. నా మూడ్ ఇదే.. అని ఆ ఫొటోకు క్యాప్షన్ ఇచ్చింది. మరోవైపు, రైతుల విషయంలో కంగనా చేసిన వ్యాఖ్యలకు క్షమాపణలు చెప్పాలని పలువురు డిమాండ్ చేస్తున్నారు. ఈ క్రమంలోనే అలాంటి వారికి తనదైన శైలిలో వ్యంగంగా సమాధానమిచ్చింది కంగన.
కంగనకు ఈ వివాదాలు కొత్తేం కాదు, గతంలోనే పలు రాజకీయ, సామాజిక, సినీ పరిశ్రమకు సంబంధించిన అంశాలపై తనదైన శైలిలో రియాక్ట్ అవుతూ.. వివాదాల్లో నిలిచింది. మరి ఈ వివాదం ఎక్కడి వరకు దారి తీస్తుందో తెలియాల్సి ఉంది.
Also Read: మోదీ వ్యవసాయ చట్టాల నిర్ణయంపై కంగన అలా.. తాప్సీ ఇలా!
