Jana Nayagan Movie: సంక్రాంతి కానుకగా జనవరి 9 న విడుదల అవ్వాల్సిన తమిళ హీరో విజయ్(Thalapathy Vijay) ‘జన నాయగన్ ‘(Jana Nayagan Movie) చిత్రం , సెన్సార్ సభ్యులు సర్టిఫికెట్ ఇవ్వడానికి నిరాకరించడంతో ఇన్ని రోజులు విడుదలకు నోచుకోని సంగతి మన అందరికీ తెలిసిందే. ఇప్పటికీ కూడా ఈ చిత్రానికి సెన్సార్ సర్టిఫికేట్ రాలేదు. మేకర్స్ ముందుగా కోర్టులో సెన్సార్ బోర్డు తో పోరాడారు , కోర్టు కూడా సెన్సార్ బోర్డు సభ్యులను సమర్థిస్తూ తీర్పు ఇవ్వడంతో , సెన్సార్ సభ్యులు సూచించిన మార్పులు చేర్పులు చేసి , లేటెస్ట్ ఎడిటెడ్ వెర్షన్ ని సెన్సార్ కి సబ్మిట్ చేశారు. అయినప్పటికీ సెన్సార్ అవ్వలేదు, ఈ గ్యాప్ లో ఈ చిత్రం సోషల్ మీడియా లో HD క్వాలిటీ లో లీక్ అయ్యింది. నిర్మాతకు ఈ ఘటన కంటి మీద కునుకు లేకుండా చేసింది.
ఇలా ఇన్ని నెగెటివ్ మధ్య ఈ చిత్రాన్ని ఈ నెలలోనే విడుదల చేయబోతున్నారు అనే టాక్ ఉంది. కానీ అంతకంటే ముందు మేకర్స్ ఈ చిత్రానికి సంబంధించిన నాన్ థియేట్రికల్ రైట్స్ ని అమ్మే పనిలో ఉన్నారు. ముందుగా ఈ చిత్రానికి సంబంధించిన ఓటీటీ రైట్స్ ని అమెజాన్ ప్రైమ్ సంస్థ దాదాపుగా 90 కోట్ల రూపాయిల ఫ్యాన్సీ ప్రైజ్ తో కొనుగోలు చేసింది. సినిమా హిట్ అయితే 90 కోట్లు , లేదంటే కేవలం 50 కోట్లు మాత్రమే నిర్మాతకు చేరుతుంది, ఈ విధంగా ఒప్పందం చేసుకున్నారు. కానీ సినిమా ఎప్పుడు విడుదల అవుతుందో తెలియని పరిస్థితి ఏర్పడడంతో అమెజాన్ ప్రైమ్ తప్పుకుంది. దీంతో ఇప్పుడు ఈ చిత్రాన్ని జీ 5 సంస్థ కొనుగోలు చేసినట్టు తెలుస్తోంది. అది కూడా కేవలం 50 కోట్ల రూపాయలకు మాత్రమే. ఈ 50 కోట్ల రూపాయిలు కూడా థియేటర్ లో విడుదలై సూపర్ హిట్ అయితేనే ఇస్తారట, లేదంటే కేవలం 30 కోట్ల రూపాయిలు మాత్రమే ఇస్తారట.
ఈ డీల్ పై ప్రస్తుతం KVN సంస్థ జీ 5 సంస్థ తో చర్చలు జరుపుతున్నట్టు తెలుస్తోంది. ఇదంతా పక్కన పెడితే రేపు తమిళనాడు ఎన్నికల ఫలితాలు రాబోతున్నాయి. ఈ ఎన్నికల్లో విజయ్ TVK పార్టీ పోటీ చేసిన సంగతి తెలిసిందే. అనేక సర్వేలు ఆయనకు డబుల్ డిజిట్ ఓటు షేర్ , సింగల్ డిజిట్ సీట్లు వస్తాయని అంచనా వేయగా, ఒక్క సర్వే మాత్రం విజయ్ ప్రభుత్వాన్ని స్థాపించబోతున్నాడని రిపోర్ట్ ఇచ్చింది. ఇదే కనుక రేపు జరిగితే ‘జన నాయగన్ ‘ చిత్రానికి పాజిటివ్ పబ్లిసిటీ మామూలు రేంజ్ లో రాదనే చెప్పాలి. ఈ ఊపులో విడుదల చేస్తే బాక్స్ ఆఫీస్ వద్ద సునామీ ని తలపించే వసూళ్లు నమోదు అవుతాయి. ఒకవేళ అలా కాకుండా, రేపటి ఎన్నికల ఫలితాలు TVK కి నెగెటివ్ గా వస్తే ‘జన నాయగన్ ‘ పై కాస్త ప్రభావం పడే అవకాశం ఉంది. మరి ఏమి జరగబోతుందో చూడాలి.
