Hero Arjun: ఇటీవల లైంగిక వేధింపుల కేసులో ఆరోపణలు ఎదుర్కొన్న స్టార్ హీరో అర్జున్ సర్జాకు క్లీన్ చిట్ లభించింది. మూడేళ్ల క్రితం నమోదైన ఈ కేసులో ఒక్క సాక్ష్యం కూడా లేకపోవడంతో అర్జున్పై మోపిన అభియోగాల్లో ఎలాంటి వాస్తవం లేదని తేలింది. ఇదే విషయాన్ని బెంగళూరు పోలీసులు మెజిస్ట్రేట్కు నివేదిక సమర్పించారు. కాగా, మూడేళ్ల క్రితం శ్రుతి హరిహరన్ అనే హీరోయిన్.. అర్జున్పై మీటూ ఆరోపణలు చేసిన సంగతి తెలిసిందే.
సినిమా షూటింగ్లో రిహార్సల్స్ సాకుతో అర్జున్ తనను కౌగిలించుకున్నాడని.. తనతో అసభ్యంగా ప్రవర్తించాడని శ్రుతి తీవ్ర ఆరోపణలు చేయడం అప్పట్లే సెన్షేషన్ క్రియేట్ చేశాయి. దీనిపై కేసు నమోదు చేసుకున్న కర్ణాటక పోలీససులు దాదాపు మూడేళ్ల విచారణ అనంతరం.. అర్జున్కు క్లీన్షీట్ ఇచ్చారు. విచారణలో ఎలాంటి ఆధారాలు లభించనందువల్లే.. అతనిపై ఉన్న అభియోగాలను కొట్టిపడేసినట్లు తమ నివేదికలో పోలీసులు రూపొందించారు.
నాలుగేళ్ల క్రితం భారత్లో తనుశ్రీ దత్త మొదలుపెట్టిన మీటూ ఉద్యమంలో భాగంగా అనేక మంది మహిళలు సెలబ్రిటీలపై అభియోగాలు మోపారు. అందులో భాగంగా పలువురు అరెస్టు కూడా అయ్యారు. అయితే, మరికొంత మంది ఈ ఉద్యమాన్ని వ్యక్తిగతం ప్రయోజనాలకు ఉపయోగించుకుంటున్నట్లు తేలింది. ఈ క్రమంలోనే అర్జున్పైనా కేసు నమోదైంది.