Balakrishna Wedding- NTR: తెలుగు చలన చిత్ర పరిశ్రమ కి నటన అంటే ఏంటో నేర్పించిన మహానుభావుడు నందమూరి తారకరామారావు. పురాణ పాత్రలకు ప్రాణం పోసి, రాముడు అంటే ఇలా ఉంటాడా, కృష్ణుడు అంటే ఇలా ఉంటాడా అని కోట్లాది మంది తెలుగు ప్రజలు ఆయన చేసిన పాత్రల ఫోటోలను ఇళ్లల్లో పెట్టుకొని పూజించే స్థాయికి ఎదిగిన కారణజన్ముడు ఆయన. ఆ తర్వాత కొన్నాళ్ళకు తెలుగు దేశం పార్టీ ని స్థాపించి,9 నెలల్లోనే 270 కి పైగా అసెంబ్లీ స్థానాలను గెలిచి ముఖ్యమంత్రి పీఠాన్ని అధీష్టించి ఎన్నో సేవలు అందించాడు.
తెలుగువాడి ఆత్మగౌరవాన్ని వెలుగెత్తి చాటాడు.అంత గొప్ప మనిషి గురించి మనకి తెలియనిదంటూ ఏదీ లేదు,ఆయన జీవితం ఒక తెరిచిన పుస్తకం లాంటిది. ఇటీవలే ఎన్టీఆర్ శత దినోత్సవ వేడుకలు అంగరంగ వైభవం గా జరిగిన సందర్భంగా ఎన్టీఆర్ గురించి ఎవరికీ తెలియని ఒక ఆసక్తికరమైన విషయాన్నీ మీ ముందు ఉంచబోతున్నాము.
ఎన్టీఆర్ కి 8 మంది కుమారులు మరియు నలుగురు కుమార్తెలు ఉన్నారు, అందరిలోకి చిన్నవాడు నందమూరి బాలకృష్ణ. ఈయనని ఎన్టీఆర్ ఎంతో అల్లారు ముద్దుగా పెంచాడు, అంత ప్రేమగా పెంచుకున్న చిన్న కుమారుడి పెళ్ళికి ఎన్టీఆర్ రాలేదు అనే విషయం ఎవరికైనా తెలుసా..?, నిజంగానే ఆయన సమక్షం లో ఈ పెళ్లి జరగలేదు.ఎన్టీఆర్ కి మరియు బాలయ్య కి ఏమైనా మనస్పర్థలు ఏర్పడ్డాయి ఏమో అని మీరు అనుకోవచ్చు, కానీ అసలు విషయం ఏమిటంటే ఎన్టీఆర్ చైతన్య రథం యాత్రలో ఉన్న సమయం లోనే బాలయ్య పెళ్లి కుదిరింది.
యాత్ర మధ్యలో ఆపి వస్తే ఒకరోజు అనవసరం గా వృధా అవుతుంది, కార్యకర్తల ఏర్పాట్లు మొత్తం వేస్ట్ అవుతాయి అనే ఉద్దేశ్యం తోనే ఎన్టీఆర్ బాలయ్య పెళ్ళికి రాలేదట. ఇది ఎన్టీఆర్ మహానాయకుడు సినిమాలో కూడా చూపిస్తారు. దీనిని బట్టీ అర్థం చేసుకోవచ్చు ఎన్టీఆర్ ప్రజాక్షేత్రం లో ఉన్నప్పుడు సొంత కుటుంబాన్ని కూడా పట్టించుకోడు, కేవలం ప్రజలే ఆయనకీ ముఖ్యం అనే విషయం.
