Dacoit vs LIK box office collections: నేడు బాక్స్ ఆఫీస్ వద్ద యూత్ ఆడియన్స్ లో మంచి క్రేజ్ ని సంపాదించుకున్న ‘డెకాయిట్’, ‘LIK’ చిత్రాలు ప్రేక్షకుల ముందుకు వచ్చాయి. ఈ రెండు సినిమాలకు ఆడియన్స్ నుండి డివైడ్ టాక్ వచ్చింది , కానీ ‘డెకాయిట్'(Dacoit Movie) చిత్రానికి మాత్రం ‘LIK’ తో పోలిస్తే కాస్త ఎక్కువ పాజిటివ్ టాక్ వచ్చింది. ఓపెనింగ్స్ కూడా ‘LIK ‘ కంటే ‘డెకాయిట్’ కి బాగున్నాయని అంటున్నారు. ముఖ్యంగా సిటీస్ లో ఈ చిత్రానికి జరిగిన అడ్వాన్స్ బుకింగ్స్ మామూలు రేంజ్ లో లేవు. ఒక్క హైదరాబాద్ లోనే మ్యాట్నీ షోస్ 150 కి పైగా ఫుల్స్ పడ్డాయి అంటే సాధారణమైన విషయం కాదు. మరో వైపు ‘LIK ‘ చిత్రానికి కూడా మంచి ఓపెనింగ్స్ నమోదు అవుతున్నాయి. కానీ అది కేవలం తమిళం లో మాత్రమే, తెలుగు లో మాత్రం ఈ చిత్రానికి డిజాస్టర్ ఓపెనింగ్ దక్కింది.
ప్రదీప్ రంగనాథన్ కి తమిళనాడు తో పాటుగా , తెలుగు రాష్ట్రాల్లో కూడా మంచి క్రేజ్ ఉంది. ఆయన గత చిత్రం ‘డ్యూడ్’ కి డివైడ్ టాక్ వచ్చినప్పటికీ కూడా తెలుగు రాష్ట్రాల్లోనే అదిరిపోయే రేంజ్ ఓపెనింగ్స్ నమోదు అయ్యాయి. కానీ ‘LIK ‘ కి అందులో పావు శాతం ఓపెనింగ్ కూడా వెచ్చేలా కనిపించడం లేదు. కారణం ఈ చిత్రం అనేక సార్లు వాయిదా పడడంతో, జనాల్లో ఆసక్తి పోయింది. అయినప్పటికీ ప్రదీప్ రంగనాథన్ అంటే యూత్ ఆడియన్స్ లో ఒక బ్రాండ్ కావడంతో , ఈ చిత్రానికి తమిళ వెర్షన్ వరకు మంచి ఓపెనింగ్ వసూళ్లు మామోడు అవుతున్నాయి. బుక్ మై షో యాప్ లో ‘డెకాయిట్’ చిత్రానికి గంటకు 11 వేల టికెట్స్ అమ్ముడుపోతుండగా, ‘LIK’ చిత్రానికి గంటకు 9 వేల టికెట్స్ అమ్ముడుపోతున్నాయి. ఈ టికెట్ సేల్స్ ఆధారంగా ఈ చిత్రానికి మొదటి రోజు ఎంత ఓపెనింగ్ వసూళ్లు నమోదు అవుతాయో చూద్దాం.
ప్రస్తుతం ఉన్న ట్రెండ్ ప్రకారం చూస్తే ప్రదీప్ రంగనాథన్ ‘LIK’ చిత్రానికి 8 నుండి 10 కోట్ల రూపాయిల రేంజ్ లో గ్రాస్ వసూళ్లు నమోదు అయ్యే అవకాశాలు ఉన్నాయట. ప్రదీప్ గత చిత్రం తో పోలిస్తే చాలా తక్కువ ఓపెనింగ్ అని చెప్పొచ్చు. ఇక ‘డెకాయిట్’ విషయానికి వస్తే , ఈ చిత్రానికి వరల్డ్ వైడ్ గా 10 నుండి 12 కోట్ల రూపాయలకు పైగా గ్రాస్ వసూళ్లు వచ్చే అవకాశాలు ఉన్నాయట. ఆఫ్ లైన్ టికెట్ సేల్స్ ని బట్టీ ఈ లెక్క ఇంకా పెరిగే అవకాశాలు కూడా ఉండొచ్చు. ఓవరాల్ గా ఈ రెండు సినిమాల్లో అడివి శేష్ ‘డెకాయిట్’ చిత్రం ఓపెనింగ్స్ లో పై చెయ్యి సాధించింది. మరి లాంగ్ రన్ లో ఏ సినిమా పై చెయ్యి సాధిస్తుందో చూడాలి.
