Anil Ravipudi: అనిల్ రావిపూడి సినిమాల టైటిల్స్ చాలా కొత్తగానూ, విచిత్రం గానూ ఉంటాయి. కానీ ఆ టైటిల్స్ జనాల్లోకి బాగా రీచ్ అవుతూ ఉంటాయి. అదే ఆయన మ్యాజిక్. ఆయన గత రెండు చిత్రాలు ‘సంక్రాంతికి వస్తున్నాం’, ‘మన శంకర వరప్రసాద్ గారు’. ఈ రెండు సినిమాల టైటిల్స్ ని ప్రకటించినప్పుడు , అనిల్ రావిపూడి కి బుర్ర ఏమైనా చెడిపోయిందా?, ఇవేమి టైటిల్స్ అంటూ మండిపడ్డారు ఫ్యాన్స్. కానీ ఈ రెండు చిత్రాలు చెరో 300 కోట్ల గ్రాస్ వసూళ్లను రాబట్టి , ఇండస్ట్రీ హిట్స్ గా నిలిచాయి. ఆ సెంటిమెంట్ అనిల్ రావిపూడి కి బాగా కలిసొచ్చిందో ఏమో తెలియదు కానీ, ప్రస్తుతం ఆయన వెంకటేష్ , కళ్యాణ్ రామ్ లతో చేస్తున్న చిత్రానికి కూడా అలాంటి టైటిల్ నే ప్రకటించాడు. ‘జనవరి 12 న విడుదల’ అనే టైటిల్ ని ఖరారు చేస్తూ కాసేపటి క్రితమే ఒక వీడియో ని విడుదల చేశారు.
ఈ టైటిల్ కి క్యాప్షన్ ‘బావ బామ్మర్ది సౌజన్యంతో’ అని పెట్టారు. ఇది కూడా అనిల్ రావిపూడి తనదైన స్టైల్ లో , చాలా ఫన్నీ పద్దతిలో ప్రకటించాడు. ఈ వీడియో లో వెంకటేష్ , కళ్యాణ్ రామ్ , కృతి శెట్టి, కీర్తి సురేష్ లు అనిల్ రావిపూడి వద్దకు వచ్చి , మన సినిమాకు టైటిల్ ఏంటని అందరూ అడుగుతున్నారు, ఇంతకీ ఏమి ఫిక్స్ చేసావ్ అని అడగ్గా , అనిల్ రావిపూడి ‘జనవరి 12 విడుదల’ అని అంటాడు. అది సరే టైటిల్ ఏంటి? అని వెంకటేష్ మరోసారి అడగ్గా , అనిల్ రావిపూడి మరోసారి ‘జనవరి 12 విడుదల’ అని అంటాడు. ఎన్ని సార్లు అడిగినా అదే చెప్పడం తో , వెంకటేష్ కి కోపం వచ్చి అనిల్ రావిపూడి పీక పట్టుకుంటాడు. ఇక చివరికి టైటిల్ అదే అని అర్థం చేసుకుంటారు.
View this post on Instagram
ఇప్పటి వరకు ఈ సినిమాకు అనిల్ రావిపూడి తీసుకున్న ప్రమోషనల్ స్ట్రాటజీ మొత్తం బ్లాక్ బస్టర్ రెస్పాన్స్ ని సొంతం చేసుకుంది. ప్రతీ ప్రమోషనల్ వీడియో లోనూ తన మార్కుని చూపించాడు అనిల్ రావిపూడి. ఈయన కనీసం ఈ చిత్రం తో అయినా దొరుకుతాడేమో అని అంతా అనుకున్నారు , కానీ పరిస్థితి చూస్తుంటే అలా అనిపించడం లేదు. ఈ సినిమా తో కూడా ఆయన మరో ఇండస్ట్రీ హిట్ ని అందుకునే అవకాశాలు ఉన్నాయని అంటున్నారు విశ్లేషకులు. మరి ఆ రేంజ్ కి వెళ్తుందో లేదో చూడాలి.
