Akhil Lenin Teaser Review: ఇండస్ట్రీ లోకి అడుగుపెట్టి ఇన్ని సంవత్సరాలు పూర్తి అయ్యినప్పటికీ కూడా సరైన కమర్షియల్ సక్సెస్ లేక ఇబ్బంది పడుతున్న హీరో ఎవరైనా ఉన్నారా అంటే అది అక్కినేని అఖిల్ మాత్రమే. భారీ అంచనాల నడుమ ఆయన ఇండస్ట్రీ లోకి గ్రాండ్ రీ ఎంట్రీ ఇచ్చాడు. మొదటి సినిమాతోనే స్టార్ హీరో అయిపోతాడని అప్పట్లో అందరూ అనుకున్నారు. కానీ అప్పటి నుండి ఇప్పటి వరకు ఆయనకు చెప్పుకోదగ్గ హిట్ ఒక్కటి కూడా లేదు. ఆయన గత చిత్రం ‘ఏజెంట్’ కూడా భారీ అంచనాల నడుమ విడుదలై డిజాస్టర్ ఫ్లాప్ గా నిల్చింది . ఈ చిత్రం తర్వాత ఎలా సూపర్ హిట్ కొట్టాలనే కసితో ఆయన చేసిన చిత్రం ‘లెనిన్’. జూన్ 24 న విడుదల అవ్వబోతున్న ఈ సినిమాకు సంబంధించిన టీజర్ ని కాసేపటి క్రితమే విడుదల చేయగా, దీనికి ఫ్యాన్స్ నుండి మంచి రెస్పాన్స్ వచ్చింది.
ఈ టీజర్ లో అక్కినేని అఖిల్ , భాగ్యశ్రీ భొర్సే మధ్య ఉన్న కెమిస్ట్రీ అదిరిపోయింది అనే చెప్పాలి. ఆరంభం లో ఎన్టీఆర్ డైలాగ్ ని అనుకరిస్తూ హీరోయిన్ భాగ్య శ్రీ చేసిన స్టేజి షో కి సంబంధించిన షాట్ చూసేందుకు చాలా బాగా అనిపించింది. ఆ తర్వాత బైక్ మీద వెళ్తూ వీళ్లిద్దరి మధ్య జరిగిన సంభాషణ కూడా ఆకట్టుకుంది. ముఖ్యంగా అఖిల్ యాస లో సహజత్వం ఉండడం గమనించాల్సిన విషయం. ఓవరాల్ గా అఖిల్ వయస్సు కి తగ్గ పాత్ర దొరికిందని , ఈ చిత్రం తో ఆయన కచ్చితంగా భారీ హిట్ కొట్టబోతున్నాడని అర్థం అవుతుంది. లుక్స్ కూడా బాగా ఉండడం తో అభిమానులు సంబరాలు చేసుకుంటున్నారు. ఇక చివర్లో ‘నేను తప్పిపోలేదు అబ్బా.. మీ అందరినీ వెతుక్కుంటూ వచ్చాను’ అని చెప్పిన డైలాగ్ అభిమానులను ఉద్దేశించి చేసినట్టుగా అనిపించింది.
ఎందుకంటే ‘ఏజెంట్’ చిత్రం 2023 వ సంవత్సరం లో విడుదలైంది. దాదాపుగా మూడు సంవత్సరాలపాటు ఆయన వెండితెర కి దూరం అవ్వడం తో ఈ డైలాగ్ ని పెట్టినట్టుగా అనిపిస్తోంది. ఓవరాల్ గా టీజర్ అదిరిపోయింది , అక్కినేని అఖిల్ ఆలస్యంగా హిట్ కొట్టబోతున్నప్పటికీ కూడా కుంభస్థలాన్ని బద్దలు కొట్టే రేంజ్ లో కొట్టబోతున్నాడని, అక్కినేని నాగార్జున కూడా చాలా గట్టి నమ్మకం తో ఈ సినిమా సూపర్ హిట్ అవుతుందని చెప్పడం తో , అభిమానులు కూడా ఈ సినిమా పెద్ద హిట్ అవుతుందనే నమ్మకంతో ఉన్నారని అంటున్నారు ట్రేడ్ ఫ్యాన్స్. ఇకపోతే సోషల్ మీడియా ని ఊపేస్తున్న ఈ టీజర్ ని మీరు కూడా చూసి మీ అభిప్రాయాన్ని కామెంట్స్ రూపం లో తెలియజేయండి.
