Actress Rakshita : మన చిన్నతనం లో బాగా అలరించిన కొంత మంది హీరోయిన్స్ ఇప్పుడు గుర్తు పట్టలేని విధంగా మారిపోయిన లుక్స్ ని చూసి మనం చాలా బాధపడిపోతుంటాము. ఎలా ఉండే హీరోయిన్ ఎలా అయిపోయింది , అసలు ఎందుకు ఇలా తయారైంది అంటూ ఆవేదన వ్యక్తం చేస్తుంటాము. అలాంటి హీరోయిన్స్ లో ఒకరు రక్షిత. ఒకప్పుడు ఈమెకు యూత్ ఆడియన్స్ లో ఎలాంటి క్రేజ్ ఉండేదో ప్రత్యేకించి చెప్పనవసరం లేదు. ఈమె 2002 వ సంవత్సరం లో ‘అప్పు’ అనే కన్నడ చిత్రం ద్వారా వెండితెర అరంగేట్రం చేసింది. ఇది మన టాలీవుడ్ లో సంచలనం సృష్టించిన రవితేజ ‘ఇడియట్’ కి ఒరిజినల్ వెర్షన్. రెండు భాషల్లోనూ ఈ సినిమా సూపర్ హిట్ అవ్వడం తో రక్షిత కన్నడ , తెలుగు ప్రేక్షకుల్లో విపరీతమైన క్రేజ్ , ఫ్యాన్ ఫాలోయింగ్ ఏర్పడింది.
దీంతో అటు కన్నడ లోనూ , ఇటు తెలుగు లోనూ ఈమెకు వరుసగా సినిమాల్లో అవకాశాలు రావడం మొదలైంది. అలా తెలుగు లో ఈమె హీరోయిన్ గా నటించిన ‘పెళ్ళాం ఊరెళితే’, ‘శివమణి’, ‘నిజం’ , ‘అందరివాడు’ వంటి చిత్రాలు ఈమెకు మంచి క్రేజ్ ని తెచ్చిపెట్టాయి. తెలుగు లో ఈమె చాలా తక్కువ సినిమాలు చేసింది కానీ , కన్నడ లో మాత్రం చాలా సినిమాలే చేసింది. 2007 వ సంవత్సరం వరకు చాలా యాక్టీవ్ గా సినిమాలు చేస్తూ వచ్చిన ఈమె, ఆ తర్వాత ప్రేమ్ అనే కన్నడ డైరెక్టర్ ని ప్రేమించి పెళ్ళాడి , నటనకు బ్రేక్ ఇచ్చింది. దాంపత్య జీవితం లోకి వెళ్లిన తర్వాత ఫిట్నెస్ కోల్పోవడం తో ఎవ్వరూ ఊహించనంత లావుగా మారిపోయింది. ఒకప్పుడు ఎంతో హాట్ గా కనిపించే రక్షిత , అకస్మాత్తుగా ఇలా అయిపోయిందేంటి? అంటూ ఆమె అభిమానులు ఆశ్చర్యానికి గురైన సందర్భాలు చాలానే ఉన్నాయి.
ఇదంతా పక్కన పెడితే సినిమాల్లో నటనకు ఈమె బాగా దూరమైంది కానీ , నిర్మాతగా మాత్రం కొనసాగింది. కన్నడ లో ఇప్పటి వరకు ఈమె 3 సినిమాలను నిర్మించింది. ఇకపోతే రక్షిత కి సూర్య అనే కొడుకు ఉన్నాడు. చూస్తూ ఉండగానే ఇతను బాగా ఎదిగిపోయాడు. ఇప్పుడు సినిమాల్లోకి హీరో గా ఎంట్రీ ఇచ్చేయొచ్చు , ఆ రేంజ్ లుక్స్ తో కళకళలాడిపోతున్నాడు. త్వరలోనే ఈయన ఒక కన్నడ సినిమాలో హీరోయిన్ గా నటించబోతున్నట్టు ఇండస్ట్రీ వర్గాల్లో వినిపిస్తున్న టాక్. అతనికి సంబంధించిన ఫోటోని మీకోసం క్రింద అందిస్తున్నాము చూడండి.
