రక్షణ శాఖ పరిధిలోని ఏఎస్సీ సెంటర్ సౌత్ (బెంగళూరు)-2 నిరుద్యోగులకు శుభవార్త చెప్పింది. 100 గ్రూప్-సీ ఉద్యోగ ఖాళీల భర్తీ కొరకు నోటిఫికేషన్ ను విడుదల చేసింది. ఏఎస్సీ సెంటర్ సౌత్ విడుదల చేసిన ఉద్యోగ ఖాళీలలో సివిల్ మోటార్ డ్రైవర్, క్లీనర్ కుక్, ఇతర ఉద్యోగ ఖాళీలు ఉన్నాయి. అర్హత, ఆసక్తి కలిగిన వాళ్లు ఈ ఉద్యోగ ఖాళీల కొరకు దరఖాస్తు చేసుకునే వకాశం ఉంటుంది. రాతపరీక్ష లేకుండా మెరిట్ ఆధారంగా ఈ ఉద్యోగ ఖాళీలకు ఎంపిక ప్రక్రియ జరుగుతుంది.
ఎవరైతే ఈ ఉద్యోగాలకు ఎంపికవుతారో వాళ్లు బెంగళూరులో విధులు నిర్వర్తించాల్సి ఉంటుంది. ఈ ఉద్యోగ ఖాళీలకు దరఖాస్తు చేసుకోవడానికి జులై 12 చివరి తేదీగా ఉంది. https://www.indianarmy.nic.in/ వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకోవాల్సి ఉంది. మొత్తం 100 ఉద్యోగ ఖాళీలలో సివిల్ మోటార్ డ్రైవర్ 42 ఉద్యోగ ఖాళీలు, క్లీనర్ 40 ఉద్యోగ ఖాళీలు, కుక్ 15 ఉద్యోగ ఖాళీలు, సివిలియన్ క్యాటరింగ్ ఇన్స్ట్రక్టర్ 3 ఉద్యోగ ఖాళీలు ఉన్నాయి.
పదో తరగతి ఉత్తీర్ణతతో పాటు డ్రైవర్ పోస్టుకు ఎల్ఎంవీ, హెచ్ఎంవీ లైసెన్స్, క్యాటరింగ్ ఇన్స్ట్రక్టర్ పోస్టుకు క్యాటరింగ్లో డిప్లొమా కచ్చితంగా కలిగి ఉండాలి. ఇతర ఉద్యోగాలకు సంబంధిత రంగంలో అనుభవం ఉన్నవాళ్లు దరఖాస్తు చేసుకోవచ్చు. మెరిట్ ఆధారంగా ఈ ఉద్యోగాలకు ఎంపిక ప్రక్రియ జరుగుతుంది. ఆఫ్లైన్లో దరఖాస్తు చేసుకోవాల్సి ఉండగా నిర్ణీత నమూనాలో ఉన్న దరఖాస్తులను పూర్తిగా నింపి అవసరమైన సర్టిఫికెట్లను జతచేసి సంబంధిత చిరునామాకు పంపించాలి.
ఈ ఉద్యోగాలపై ఆసక్తి ఉన్నవాళ్లు బెంగళూరులోని సివీలియన్ డైరెక్ట్ రిక్రూట్ మెంట్ బోర్డుకు దరఖాస్తులను పంపాల్సి ఉంటుంది.
