Yes Bank: అమ్మకానికి పాపులర్ బ్యాంక్.. మీకు దీంట్లో అకౌంట్ ఉందా ?

Yes Bank: యెస్ బ్యాంక్‌కు మరోసారి కష్టాలు మొదలయ్యేలా ఉన్నాయి. ఎస్బీఐ బ్యాంక్ యెస్ బ్యాంక్‌లోని దాదాపు 13 శాతం వాటాను జపాన్ బ్యాంకుకు విక్రయించాలని నిర్ణయించింది. భారతీయ స్టేట్ బ్యాంక్ యెస్ బ్యాంక్‌లో తన వద్ద ఉన్న 8,889 కోట్ల రూపాయల విలువైన దాదాపు 413 కోట్ల ఈక్విటీ షేర్లను జపాన్ బ్యాంకు SMBCకి విక్రయించాలని నిర్ణయించింది. ఎస్బీఐ తీసుకున్న ఈ నిర్ణయం యెస్ బ్యాంక్‌పై ప్రభావం చూపనుంది.

Also Read: పాక్‌ బంకర్ల పాలిట మృత్యుపాశం.. భారత్‌ ఏటీజీఎం

భారతీయ స్టేట్ బ్యాంక్ మాట్లాడుతూ.. యెస్ బ్యాంక్‌లో తనకున్న 13.19 శాతం వాటాను జపాన్‌కు చెందిన బ్యాంకింగ్ అండ్ ఫైనాన్స్ కంపెనీ సుమిటోమో మిత్సుయ్ బ్యాంకింగ్ కార్పొరేషన్‌కు విక్రయిస్తున్నట్లు తెలిపింది. బ్యాంక్ జపనీస్ ఫైనాన్స్ కార్పొరేషన్‌కు ఒక్కో షేరును 21.50 రూపాయల చొప్పున 8,889 కోట్ల రూపాయల విలువైన షేర్లను విక్రయిస్తోంది. దీని ద్వారా మొత్తం 413 కోట్ల ఈక్విటీ షేర్లు బదిలీ అవుతాయి.

భారతీయ స్టేట్ బ్యాంక్ 2020లో రిజర్వ్ బ్యాంక్ ఆఫ్ ఇండియా సూచన మేరకు యెస్ బ్యాంక్‌లో వాటాలు కొనుగోలు చేసింది. ఇప్పుడు బ్యాంక్ తన వాటాలను జపాన్ బ్యాంకుకు విక్రయించాలని నిర్ణయించింది. జపాన్‌లోని అతిపెద్ద బ్యాంకులలో ఒకటైన SMBC మొత్తం ఆస్తుల విలువ 1.7 ట్రిలియన్ డాలర్లు అంటే 14,52,11,45,00,00,000 కంటే ఎక్కువ. ఇది ఆసియా-పసిఫిక్ ప్రాంతంలోని 15 దేశాలతో సహా 39 దేశాలలో తన సేవలను అందిస్తోంది. యెస్ బ్యాంక్‌లో దీని వాటా వల్ల బ్యాంకుకు ప్రయోజనం చేకూరుతుంది. ఈ వార్త ప్రభావం బ్యాంక్ షేర్లపై కూడా కనిపించింది.

యెస్ బ్యాంక్ షేర్లలో పెరుగుదల
యెస్ బ్యాంక్‌లోని తన వాటాను జపాన్ బ్యాంకుకు విక్రయించాలనే ఎస్బీఐ నిర్ణయం ప్రభావం ఈరోజు కనిపించింది. ఒకవైపు షేర్ మార్కెట్ 880.34 పాయింట్ల నష్టంతో 79,454.47 వద్ద ముగిసింది. మరోవైపు యెస్ బ్యాంక్ షేర్లలో పెరుగుదల కనిపించింది. ఈరోజు యెస్ బ్యాంక్ షేర్లు దాదాపు 10 శాతం పెరిగి 20 రూపాయలకు చేరుకున్నాయి.