New Triumph 350cc bike review: ప్రముఖ బ్రిటన్ కంపెనీ Triumph ఇండియాలో ఆకట్టుకునే బైక్స్ ను రిలీజ్ చేస్తుంది. ఇప్పటికే 300 నుంచి 400 సిసి వరకు బైక్స్ ను మార్కెట్లోకి తీసుకువచ్చింది. అయితే వినియోగదారుల అభిరుచులకు అనుగుణంగా ఎప్పటికప్పుడు కొత్త బైక్స్ తీసుకురావాలని ఆలోచన పెడుతోంది ఇందులో భాగంగా త్వరలో 350 CC బైక్ ను తీసుకురావాలని అనుకుంటుంది. దీనికి సంబంధించిన వివరాలను ఇప్పటికే ఆన్లైన్లో ఉంచడం వల్ల ఈ బైక్ గురించి చాలామంది ఆసక్తిగా సెర్చ్ చేస్తున్నారు. అయితే ఇప్పటికే ఈ కంపెనీ నుంచి 400 సిసి బైక్స్ ఉన్నాయి. కానీ కొన్ని పన్నుల నుంచి మినహాయించుకునేందుకు 350 సిసి బైక్ ను త్వరలో మార్కెట్లోకి తీసుకురానింది. ఈ బైక్ ఎలా ఉందో ఇప్పుడు చూద్దాం..
భారత్లోని ట్రయంప్ కంపెనీ కొత్త బైక్ ను ఇక్కడే తయారు చేస్తుంది. ఈ విషయాన్ని బజాజ్ ఆటో ఎండి, సీఈఓ రాజు బజాజ్ ఈ విషయాన్ని వెల్లడించారు. బజాజ్ కంపెనీ ట్రయంప్ భాగస్వామ్యంతో ఈ బైక్ ని తీసుకురానున్నారు. ప్రస్తుతం భారతదేశంలో ట్రయంప్ కు సంబంధించి 400 సిసి బైక్స్ ఉన్నాయి. అయితే ఇప్పుడు 350 cc బైక్ తీసుకురావడంపై చాలామందికి అయోమయం నెలకొన్నప్పటికీ.. కొన్ని కారణాలవల్ల ఇది తప్ప లేదని అంటున్నారు. 350 సిసి బైక్ ద్వారా స్ట్రోక్ తగ్గించే అవకాశం ఉంది. 400 సిసి బైక్ వలె ఇది ఉన్నప్పటికీ.. 350 సిసి ప్రత్యేకంగా కనిపించే అవకాశం ఉంది ఇందులో ప్రత్యేకమైన ట్యూనింగ్, మెకానికల్ ట్విక్ ఉండే అవకాశం ఉంది. ట్రయంప్ కొత్త మోడల్ కొత్త రేంజిని కలిగి ఉండే అవకాశం ఉంది. ఇందులో 350 speed, scrambler 350 x ఉండనున్నాయి. ఇది పూర్తిగా T4 వంటి మోడల్స్ వలె కనిపిస్తుంది.
Also Read: ఈ కారుకు విపరీతమైన బుకింగ్ ట్రాఫిక్.. డెలివరీ కోసం నెల ఆగాల్సిందే..
ఈ ఏడాదిలోనే ఏప్రిల్ లో ఈ బైక్ మార్కెట్లోకి వచ్చే అవకాశం ఉంది. దీని ధర.2,00,000 లక్షలు ఉండే అవకాశం ఉంది. అయితే ఇప్పటికే 400 CC ఉన్న ఈ కంపెనీ 350 CC బైక్ నీ తేవడానికి ప్రత్యేకమైన కారణం ఉంది. సవరించిన GST 2.0 ప్రకారం 350 సిసి కంటే ఎక్కువ బైక్స్ పై 40 శాతం పన్నులు స్లాబ్ చేయబడ్డాయి. వీటిని లగ్జరీ ఉత్పత్తులతో పోల్చుతున్నారు. భారతదేశం మొత్తం 350 సిసి ఎక్కువ ఉన్నవి రెండు శాతం మాత్రమే వాటాను కలిగి ఉన్నట్లు ఆయా కంపెనీల ప్రతినిధులు తెలుపుతున్నారు.
