Maruti Suzuki E Vitara: దేశంలో అత్యధికంగా విక్రయాలు జరుపుకుంటున్న కార్లలో Maruti Suzuki ముందుంటుంది. అయితే ఇటీవల EVల విక్రయాలు పెరిగిపోతుండడంతో మారుతి సుజుకి కంపెనీ మొదట్లో కొంత ఆందోళన చెందింది. అయితే ఆ తర్వాత దీని నుంచి కూడా EV ని తీసుకురావాలని నిర్ణయించి ఇటీవల మార్కెట్లో E Vitara ను ప్రవేశపెట్టారు. సాధారణంగానే మారుతి సుజికి కార్లకు ప్రత్యేక గుర్తింపు ఉంటుంది. అందులో దీని నుంచి ఎలక్ట్రిక్ కారు మార్కెట్లోకి వచ్చిందని తెలియగానే కొంతమంది వినియోగదారులు ఎగబడి కొంటున్నారు. ఇలా చాలామంది ఈ కారును బుక్ చేసుకోవడంతో వెయిటింగ్ పీరియడ్ పెరిగిపోయింది. ప్రస్తుతం ఈ కారు కొనాలంటే ఎన్ని వారాలు వెయిట్ చేయాలో తెలుసా?
Also Read: జగన్ కోసం రంగంలోకి ఆ ఇద్దరు!
Maruti Suzuki కంపెనీ నుంచి మార్కెట్లోకి వచ్చినా మొట్టమొదటి ఎలక్ట్రిక్ కారు E Vitara. ఈ కారు నేటితరం వారికి అనుగుణంగా ఫీచర్లను ఉంచడంతోపాటు తక్కువ ధరలో అందిస్తోంది. SUV వేరియంట్ లో ఉన్న దీని ఎక్స్టీరియర్ డిజైన్ విషయానికి వస్తే.. ఎల్ఈడి హెడ్ లైట్స్, ఎల్ఈడి DRL వంటివి కారుకు అందాన్ని తీసుకువస్తాయి. అలాగే LED టెయిల్ లాంప్స్ కూడా ప్రీమియం లుక్ ను కలిగి ఉన్నాయి. దీనికి ఉండే 19 అంగుళాల అల్లాయ్ వీల్స్ కారుకు ఫుల్ సపోర్ట్ గా ఉంటాయి. పూర్తిగా ఎలక్ట్రిక్ వేరియంటులో ఉన్న ఇందులో రెండు రకాల బ్యాటరీ ప్యాక్ ఉన్నాయి. వీటిలో ఒకటి 49 kWh కాగా.. మరొకటి 61 kWh తో పనిచేస్తుంది. ఈ రెండు బ్యాటరీల్లో మొదటిది ఒక్కసారి ఛార్జింగ్ చేస్తే 440 కిలోమీటర్ల మైలేజ్ ఇస్తుంది. రెండవది 543 కిలోమీటర్ల వరకు వెళ్లవచ్చు. లాంగ్ డ్రైవ్ చేసే వారికి ఈ మైలేజ్ పూర్తిగా అనుగుణంగా ఉంటుంది. అలాగే గంటకు 150 కిలోమీటర్ల వేగంతో ప్రయాణం చేయడం వల్ల అత్యవసర పరిస్థితుల్లోనూ కూడా ఇది సపోర్టుగా ఉంటుంది.
ఈ కారును పొందాలంటే కనీసం ఒకటిన్నర నెలలు ఆగాల్సిందే. ఎందుకంటే దీనికి డిమాండ్ రోజురోజుకు పెరుగుతుండడంతో బుకింగ్ ఆర్డర్లు పెరిగిపోతున్నాయి. SUV కోరుకునే వారితోపాటు ఎలక్ట్రిక్ వాహనం కావాలని అనుకునేవారు రెండు రకాల వినియోగదారులు దీనిని బుక్ చేసుకుంటున్నారు. అయితే ఈ విటారాను ఎక్కువగా లైక్ చేయడానికి ధర కూడా కారణం అని తెలుస్తుంది. ప్రస్తుతం దీని ధర రూ.15 లక్షల నుంచి రూ.20 లక్షల వరకు విక్రయిస్తున్నారు. అయితే ఇటీవల దీనిని Battery As a Service అనే స్కీం కింద విక్రయిస్తున్నారు. దీని ప్రకారం ముందుగా దీనిని రూ.10.99 లక్షల కే కొనుగోలు చేయవచ్చు. అయితే ప్రతి కిలోమీటర్ కు రూ.3.99 అద్దెను చెల్లించాల్సి ఉంటుంది. ప్రారంభంలో తక్కువ బడ్జెట్ తో కారు కొనాలని అనుకునే వారికి ఇది బాగా ఉపయోగపడుతుంది.
