Renault Triber : 7 సీటర్ కారు కొనాలని చూస్తున్నారా? అయితే, జూన్ నెలలో రెనాల్ట్ ట్రైబర్ (Renault Triber) ను తక్కువ ధరకు కొనుగోలు చేసేందుకు సరైన సమయం. ఈరోజు (జూన్ 6) నుంచి రెనాల్ట్ ఇండియా (Renault India) వారు ‘డిస్కవరీ డేస్ డిస్కౌంట్ స్కీమ్’ (Discovery Days Discount Scheme) ను ప్రారంభించారు. ఇది జూన్ 16 వరకు కొనసాగుతుంది. ఈ ఆఫర్లలో రెనాల్ట్ ట్రైబర్ మాత్రమే కాకుండా, క్వీడ్ (Kwid) , కైగర్ (Kiger) వంటి మోడళ్లను కూడా తక్కువ ధరకే కొనుగోలు చేయవచ్చు.
డిస్కౌంట్లు, వడ్డీ లేని రుణాలు
వినియోగదారులను ఆకట్టుకునేందుకు ఈ పథకం కింద కార్లపై తగ్గింపులు ఇవ్వడమే కాకుండా వడ్డీ లేని రుణాలు (Interest-Free Loan), లోన్ ప్రాసెసింగ్ ఫీజు మీద 50 శాతం తగ్గింపు కూడా ఇస్తున్నారు. ఈ తగ్గింపులు 2024, 2025 మోడల్స్ రెండింటిపైనా లభిస్తున్నాయి. రెనాల్ట్ కంపెనీ కొత్త కారు కొనుగోలు చేయాలనుకునే వారు ఏ కారు మీద ఎంత డిస్కౌంట్ లభిస్తుందో తెలుసుకుందాం.
రెనాల్ట్ ట్రైబర్
2024 మోడల్: ఈ కారుపై రూ.90,000 వరకు తగ్గింపు లభిస్తుంది. ఇందులో రూ.50,000 నగదు తగ్గింపు (Cash Discount), రూ.40,000 వరకు పారు ఎక్ఛేంజ్ డిస్కౌంట్(Exchange Discount) ఉంటాయి.
2025 మోడల్: 2025 మోడల్ కొనుగోలు చేస్తే రూ.40,000 నగదు తగ్గింపు, రూ.40,000 పాత కారు ఎక్సేంజ్ తగ్గింపు, రూ.10,000 కంపెనీ ఉద్యోగుల తగ్గింపు (Corporate Discount) ప్రయోజనం పొందవచ్చు. వాస్తవానికి ట్రైబర్ కారు ధర రూ.6,14,995 (షోరూమ్ ధర) నుంచి రూ. 8,97,995 (షోరూమ్ ధర) వరకు ఉంటుంది.
Also Read : రూ.6 లక్షలకే వచ్చే ఈ 7 సీటర్ కారును కొనేందుకు ఎగబడుతున్నారు.. ఎందుకో తెలుసా?
రెనాల్ట్ క్వీడ్
2024 మోడల్: ఈ మోడల్ కొనుగోలు చేస్తే కంపెనీ రూ.90,000 వరకు తగ్గింపు ఇస్తుంది.
2025 మోడల్: 2025 మోడల్ కారును కొనుగోలు చేస్తే రూ.50,000 వరకు ఆదా చేసుకోవచ్చు. ఇందులో రూ.15,000 నగదు తగ్గింపు, రూ.35,000 పాత కారు ఎక్సేంజ్ బోనస్ లభిస్తాయి. ఈ కారుతో లోన్ స్కీమ్(Loan Scheme) బెనిఫిట్ ఆర్ఎక్స్టీ (RXT) మోడల్తో లభిస్తుంది. ఈ కారు బేస్ మోడల్ ధర రూ.4,69,995 (షోరూమ్ ధర) కాగా, టాప్ మోడల్ ధర రూ.6,44,995 (షోరూమ్ ధర) ఉంటుంది.
రెనాల్ట్ కైగర్
2024 మోడల్: ఈ ఎస్యూవీ (SUV) పై కూడా ట్రైబర్ లాగానే రూ.90,000 వరకు తగ్గింపు ఇస్తున్నారు. గత సంవత్సరం (2024) మోడల్ రూ.50,000 నగదు తగ్గింపు, రూ.40,000 పాత కారు ఎక్సేంజ్ బోనస్ లభిస్తుంది.
2025 మోడల్: 2025 మోడల్ కొనుగోలుపై రూ.40,000 నగదు తగ్గింపు, రూ.10,000 కంపెనీ కార్పోరేట్ డిస్కౌంట్, రూ.40,000 పాత కారు ఎక్సేంజ్ తగ్గింపు బెనిఫిట్ పొందవచ్చు. ఈ ఎస్యూవీ ధర రూ.6,14,995 (షోరూమ్ ధర) నుంచి రూ.11,22,995 (షోరూమ్ ధర) వరకు ఉంటుంది. ఆఫర్లు జూన్ 16 వరకు మాత్రమే అందుబాటులో ఉంటాయి.
