Oppo F35 Series : స్మార్ట్ఫోన్ మార్కెట్లో కొత్త ఫోన్లతో దూసుకెళ్తున్న Oppo.. మరో ఆసక్తికరమైన సిరీస్ను భారత మార్కెట్లోకి తీసుకొచ్చేందుకు సిద్ధమైంది. Oppo F35 సిరీస్ ఇండియా లాంచ్ తేదీని కంపెనీ అధికారికంగా ప్రకటించింది. ఈ సిరీస్లో భాగంగా Oppo F35 5G, Oppo F35 Pro 5G అనే రెండు మోడళ్లను విడుదల చేయనుంది. అక్టోబర్ 5న ఈ కొత్త స్మార్ట్ఫోన్లు భారత మార్కెట్లో అడుగుపెట్టనున్నాయి.
రెండు మోడళ్లలో విభిన్న డిజైన్
Oppo F35 5G, F35 Pro 5G ఫోన్ల డిజైన్లో స్పష్టమైన తేడాలు కనిపిస్తున్నాయి. స్టాండర్డ్ Oppo F35 5G వెనుక భాగంలో హారిజాంటల్ పిల్ ఆకారంలో కెమెరా మాడ్యూల్ను అందించారు. ఇందులో రెండు రియర్ కెమెరాలు, LED ఫ్లాష్ ఉంటాయి. ఫ్లాట్ బ్యాక్ ప్యానెల్తో ఈ ఫోన్ కనిపించనుంది. ప్రస్తుతం కంపెనీ వెల్లడించిన వివరాల ప్రకారం, ఈ మోడల్ కనీసం వైట్ కలర్లో అందుబాటులోకి రానుంది.
మరోవైపు Oppo F35 Pro 5Gలో రెక్టాంగ్యులర్ కెమెరా ఐలాండ్ను అందించారు. ఇది గత మోడల్ డిజైన్ను పోలి ఉంటుంది. ఈ ఫోన్ ఆరెంజ్ కలర్ ఆప్షన్లో కనిపించింది. రెండు ఫోన్లలోనూ పవర్ బటన్, వాల్యూమ్ కంట్రోల్స్ కుడివైపు ఉండగా.. ఎడమ వైపు క్లీనర్ డిజైన్ను కంపెనీ అందించింది.
50MP సెల్ఫీ కెమెరా
Oppo F35 సిరీస్లో కెమెరాలకు కంపెనీ ప్రత్యేక ప్రాధాన్యత ఇచ్చినట్లు తెలుస్తోంది. రెండు ఫోన్లలోనూ ముందు భాగంలో 50 మెగాపిక్సెల్ Ultra-Wide Natural Selfie Camera ఉండనుంది. ఇది 100 డిగ్రీల ఫీల్డ్ ఆఫ్ వ్యూ, NaturalTone 2.0 టెక్నాలజీకి సపోర్ట్ చేయనుంది. దీంతో గ్రూప్ సెల్ఫీలు, వైడ్ యాంగిల్ సెల్ఫీల్లో మరింత విస్తృతమైన ఫ్రేమ్ను పొందవచ్చు.
అదే సమయంలో Oppo F35 Pro 5Gలో 4K వీడియో రికార్డింగ్ సదుపాయం కూడా ఉండనుంది. అయితే వెనుక కెమెరాల పూర్తి వివరాలను కంపెనీ ఇంకా వెల్లడించలేదు.
భారీ బ్యాటరీ.. 80W ఫాస్ట్ ఛార్జింగ్?
లాంచ్కు ముందు వచ్చిన నివేదికల ప్రకారం Oppo F35 5Gలో MediaTek Dimensity 6360 చిప్సెట్ ఉండొచ్చని తెలుస్తోంది. F35 Pro 5Gలో మరింత శక్తివంతమైన MediaTek Dimensity 7360 Max ప్రాసెసర్ను అందించే అవకాశం ఉంది.
అంతేకాకుండా రెండు మోడళ్లలోనూ 8,000mAh బ్యాటరీ, 80W వైర్డ్ ఫాస్ట్ ఛార్జింగ్ సపోర్ట్ ఉండొచ్చని సమాచారం. అయితే ఇవి ప్రస్తుతం అంచనాలు మాత్రమే. కంపెనీ అధికారికంగా అన్ని స్పెసిఫికేషన్లను ఇంకా వెల్లడించలేదు.
ధర ఎంత?
Oppo F35 5G, F35 Pro 5G ధరలను కంపెనీ ప్రస్తుతానికి ప్రకటించలేదు. అలాగే RAM, స్టోరేజ్ వేరియంట్లు, పూర్తి కెమెరా స్పెసిఫికేషన్లు, ఇతర ఫీచర్లపై కూడా స్పష్టత రావాల్సి ఉంది. అక్టోబర్ 5న జరిగే లాంచ్ ఈవెంట్లో వీటి ధరలు, పూర్తి స్పెసిఫికేషన్లు, సేల్ వివరాలు వెల్లడయ్యే అవకాశం ఉంది. భారీ బ్యాటరీ, 80W ఛార్జింగ్, 50MP అల్ట్రా-వైడ్ సెల్ఫీ కెమెరాతో వస్తున్న ఈ సిరీస్.. మిడ్-రేంజ్ 5G స్మార్ట్ఫోన్ విభాగంలో ఎలాంటి స్పందన తెచ్చుకుంటుందో చూడాలి.
