Anant Ambani Second Pre Wedding: ఆసియా కుబేరుడి కొడుకు సెకండ్ ప్రీ వెడ్డింగ్.. ఎంత ఖర్చు పెట్టారో తెలుసా?

Anant Ambani Second Pre Wedding: ఆసియా కుబేరుడిగా కీర్తి దక్కించుకున్న ముకేశ్ అంబానీ చిన్న కుమారుడు అనంత్ అంబానీ, రాధికా మర్చంట్ వివాహానికి ఏర్పాట్లు ముమ్మరంగా సాగుతున్నాయి. పెళ్లి తేదీని కూడా పూజారులు ఇటీవల ప్రకటించారు. జూలై 12న ముంబైలో వీరి వివాహం జరగనుంది. జులై 14న రిసెప్షన్ జరగనుంది. అదే సమయంలో పెళ్లి వేడుకకు ముందు ఇటలీలో భారీ ఎత్తున ప్రీ వెడ్డింగ్ పార్టీని ఏర్పాటు చేశారు. ప్రపంచ వ్యాప్తంగా ఎంతో మంది ప్రముఖులు ఈ పార్టీకి రానున్నారు.

మే 31న కేన్స్ లో అనంత్ అంబానీ-రాధిక మర్చంట్ సెకండ్ ప్రీ వెడ్డింగ్ పార్టీ ఇటలీలోని ఒక భారీ క్రూయిజ్ లో జరిగింది. ఈ వేడుకలో కేటీ పెర్రీ సింగర్ గా మెరిసింది. ఈ సెలబ్రిటీ శుక్రవారం సాయంత్రం ఫ్రాన్స్ లోని కేన్స్ లో మాస్క్ బాల్ లో ప్రదర్శన ఇచ్చేందుకు వెళ్తున్నారు. కాగా.. గుజరాత్ లోని జామ్ నగర్ లో జరిగిన అనంత్-రాధికా మర్చంట్ ఫస్ట్ ప్రీ వెడ్డింగ్ ఈ వెంట్ లో హాలీవుడ్ సింగర్ రిహన్నా పాటలు పాడింది.

అనంత్ అంబానీ-రాధికా మర్చంట్ ప్రీ వెడ్డింగ్ పార్టీ 29 మే, 2024 న ఇటలీలో విలాసవంతమైన క్రూయిజ్ లో విందుతో ప్రారంభమైంది. ఇందులో భాగస్వామ్యం కావాలని ఇండస్ట్రీకి చెందిన పలువురు సెలబ్రిటీలను ఆహ్వానించారు. ఇటలీలోని పోర్టోఫినోలో జూన్ 1, 2024న ఈ ప్రీ వెడ్డింగ్ వేడుక ముగియనుంది.

ఒక దినపత్రిక నివేదిక ప్రకారం, ఈ పార్టీలో పాడినందుకు కాటి పెర్రీకి ‘మిలియన్ డాలర్లు’ చెక్కు లభించింది. బార్సిలోనా, జెనోవాలో స్టాప్ లతో ప్రస్తుతం యూరప్ అంతటా క్రూయిజ్ లలో 800 మంది అతిథులు ఉన్నారని గాయకురాలి ప్రదర్శన గురించి తెలిసిన వర్గాలను ఉటంకిస్తూ నివేదిక పేర్కొంది. 40 మిలియన్ పౌండ్ల విలువ చేసే ఈ పార్టీ శుక్రవారం కేన్స్ లో జరగనుంది. పార్టీ కేవలం 5 గంటలు మాత్రమే ఉంటుంది. కాటి ఇందులో ప్రదర్శన ఇస్తుంది.

మీడియా నివేదికల ప్రకారం అంబానీ కుటుంబం సెలబ్రిటీ ఏజ్ క్రూయీజ్ లో సెకండ్ ప్రీ వెడ్డింగ్ పార్టీని నిర్వహించింది. దీని విలువ 900 మిలియన్ డాలర్లు అంటే సుమారు రూ. 7,500 కోట్లు. ఈ క్రూయిజ్ లోని ఒక్కో సూట్ లో స్పా, జిమ్, స్విమ్మింగ్ పూల్ వంటి అనేక విలాసవంతమైన సౌకర్యాలు ఉన్నాయని, వీటి ఖరీదు సుమారు రూ.60 లక్షలు ఉంటుందని తెలిపారు.