Vladimir Putin : జనాభా పెరగడం లేదని పుతిన్ ఆందోళన .. అందుకోసం ఏం చేయబోతున్నాడంటే ?

Vladimir Putin : రష్యా అధ్యక్షుడు వ్లాదిమిర్ పుతిన్ పలు సంచలన నిర్ణయాలు తీసుకుంటున్నారు. ఉక్రెయిన్‌తో యుద్ధంలో ఆ దేశం చాలా నష్టపోతోంది. అదే సమయంలో దేశ జనాభా కూడా తగ్గిపోతోంది. ఈ పరిస్థితుల్లో ఆ పనిని కార్యాలయంలోనే చేసుకునేలా కొత్త నిబంధన తీసుకొచ్చారు. ఎక్కడ చేయాల్సిన పని అక్కడ చేయడం మంచింది. కానీ రష్యా అధ్యక్షుడు పుతిన్ మాత్రం విచిత్రమైన నిర్ణయాలు తీసుకుంటూనే ఉన్నారు. అందుకోసం ఇటీవల పని ప్రదేశంలో శృంగారం అనే కొత్త రూల్ తీసుకొచ్చాడు. దేశంలో జనాభా తగ్గిపోతుండడంతో ఈ సమస్యను అధిగమించేందుకు ఈ నిబంధన తీసుకొచ్చారు. ఇది చూసి ప్రపంచ దేశాలు విమర్శిస్తున్నాయి. జనాభా పెరగాలంటే ఇలాంటి నిర్ణయం అవసరమా అని ప్రశ్నించారు. భూభాగంలో రష్యా ప్రపంచంలోనే అతిపెద్ద దేశం. రష్యా మొత్తం జనాభా 15 కోట్ల కంటే తక్కువే. కానీ దేశం చాలా పెద్దది. చాలా భాగం మంచుతో కప్పబడి ఉంటుంది. మైనస్ డిగ్రీ ఉష్ణోగ్రత కారణంగా ప్రజలు అక్కడ నివసించడానికి ఇష్టపడరు. అందుకే జనాభా తక్కువ. ఏళ్ల తరబడి జనాభా తగ్గుతూ వస్తోంది. ఇది ఇలాగే కొనసాగితే మానవ వనరుల కొరతతో ఆర్థిక వ్యవస్థ చిన్నాభిన్నమయ్యే ప్రమాదం ఉంది.

ఏం చేసినా రష్యా జనాభా పెరగడం లేదు. అందుకే పని ప్రదేశంలో శృంగారం పాలసీని ప్రభుత్వం తీసుకొచ్చింది. ఇందులో.. ఆఫీసులో పనికి వచ్చేవారు మధ్యమధ్యలో టీ, కాఫీలు తాగడానికి విరామం తీసుకుంటే, శృంగారంలో నిమగ్నమవ్వడానికి కూడా విశ్రాంతి తీసుకోవచ్చు. దీని వల్ల పనులపై ప్రతికూల ప్రభావం పడవచ్చు, లక్ష్యాలు అనుకున్న సమయానికి పూర్తి కాకపోవచ్చు కానీ.. జనాభాను పెంచడమే ప్రధానమని ప్రభుత్వం చెబుతోంది. పెరుగుతున్న జనాభాతో భారతదేశం ఇబ్బంది పడుతుండగా, తగ్గుతున్న జననాల రేటుతో ఇబ్బంది పడుతున్న అనేక దేశాలు తమ దేశంలో జనాభాను పెంచడానికి అనేక విధానాలను రూపొందిస్తున్నాయి. విస్తీర్ణంలో ప్రపంచంలోనే అతిపెద్ద దేశమైన రష్యా కూడా తగ్గుతున్న జననాల రేటుతో పోరాడుతోంది.

రష్యా ప్రభుత్వం ప్రత్యేక మంత్రిత్వ శాఖను ఏర్పాటు చేసే ఆలోచనలో ఉన్నంత స్థాయికి పరిస్థితి చేరుకుంది. దేశంలో తగ్గుతున్న జననాల రేటును ఎదుర్కోవటానికి రష్యా ‘శృంగార మంత్రిత్వ శాఖ’ను రూపొందించే ఆలోచనలో ఉంది. అధ్యక్షుడు వ్లాదిమిర్ పుతిన్‌కు విధేయురాలు అయిన రష్యా పార్లమెంటు కమిటీ అధ్యక్షురాలు అయిన 68 ఏళ్ల నినా ఒస్టానినా అటువంటి మంత్రిత్వ శాఖ కోసం పిలుపునిచ్చిన పిటిషన్‌ను సమీక్షిస్తున్నారు.

ఉక్రెయిన్‌లో యుద్ధం కారణంగా అధ్వాన్నంగా ఉన్న దేశ జనాభా క్షీణతను అరికట్టడానికి పుతిన్ చేసిన పిలుపులకు ప్రతిస్పందించడానికి రష్యా అధికారులు వరుస విధానాలను అనుసరిస్తున్నందున ఈ చొరవ వచ్చింది. దాదాపు మూడేళ్లుగా సాగుతున్న ఈ యుద్ధంలో రష్యా, ఉక్రెయిన్‌లు భారీగా నష్టపోయాయి. డిప్యూటీ మేయర్ అనస్తాసియా రకోవా రష్యా లక్ష్యాలను చేరుకోవడానికి జనన రేటును పెంచాల్సిన అవసరాన్ని నొక్కి చెప్పారు. “ఒక మహిళ సంతానోత్పత్తి స్థాయి, ఆమె గర్భవతి పొందే సామర్థ్యాన్ని కనుగొనడంలో మాకు సహాయపడే ఒక ప్రత్యేక పరీక్ష ఉందని నగరంలోని ప్రతి ఒక్కరికీ తెలుసు” అని రకోవా అన్నారు. అంతే కాకుండా పిల్లలను కనడానికి మహిళలు ప్రాధాన్యత ఇవ్వాలని విజ్ఞప్తి చేశారు. సంతానోత్పత్తిని పెంచడానికి ఒక ప్రత్యేకమైన పరిష్కారం కూడా మిర్రర్ నివేదికలో ప్రస్తావించబడింది. ఇందులో శృంగారాన్ని పెంచుకోవడానికి రాత్రి 10 గంటల నుండి తెల్లవారుజామున 2 గంటల మధ్య ఇంటర్నెట్‌ను స్విచ్ ఆఫ్ చేయాలని.. లైట్లు కూడా వేయాలని సూచించారు.