Natu Natu Song- America: ఆస్కార్ విన్నింగ్ సాంగ్ నాటు నాటు క్రేజ్ ఇప్పట్లో తగ్గే సూచనలు కనిపించడం లేదు. దేశవిదేశాల్లో ఈ సాంగ్ కి యువత స్టెప్స్ వేస్తున్నారు. ఆర్సీ 15 సెట్స్ లో ప్రభుదేవా తన టీమ్ తో ఈ సాంగ్ కి షార్ట్ పెర్ఫార్మన్స్ ఇచ్చారు. అనంతరం రామ్ చరణ్, ప్రేమ్ రక్షిత్ లను అభినందించారు. ఢిల్లీలో జర్మన్ ఎంబసీ స్టాఫ్, అంబాసర్ డాన్స్ చేశారు. జర్మన్ ఎంబసీ బిల్డింగ్ ఎదుట ఈ ఆసక్తికర సంఘటన చోటు చేసుకుంది. నాటు నాటు సాంగ్ కి జర్మన్ అంబాసర్ తన స్టాఫ్ తో చేసిన డాన్స్ వీడియో వైరల్ అయ్యింది.
తాజాగా అమెరికాలో మరొక ఆసక్తికర సంఘటన చోటు చేసుకుంది. టెస్లా కార్స్ వందల సంఖ్యలో పార్క్ చేసి రాత్రివేళ లైట్స్ నాటు నాటు సాంగ్ మ్యూజిక్ కి సింక్ చేశారు. పెద్ద మొత్తంలో కార్ల లైట్స్ నాటు నాటు సాంగ్ ని అనుసరిస్తూ షో చేశారు. ఈ వీడియో ఆర్ ఆర్ ఆర్ అధికారిక ట్విట్టర్ లో పోస్ట్ చేయగా వైరల్ అవుతుంది. వరల్డ్ వైడ్ ఇలాంటి వీడియోలు అనేకం పుట్టుకొస్తున్నాయి. ఆస్కార్ గెలిచిన నేపథ్యంలో ప్రతి ఒక్కరూ ఈ సాంగ్ గురించి చర్చిస్తున్నారు. స్టెప్స్ వేసి సోషల్ మీడియాలో పోస్ట్ చేస్తున్నారు.
మార్చి 12న లాస్ ఏంజెల్స్ లో 95వ ఆస్కార్స్ వేడుక జరిగింది. ఒరిజినల్ సాంగ్ విభాగంలో నామినేటైన నాటు నాటు అవార్డు గెలుచుకుంది. నామినేషన్స్ లో ఉన్న మిగతా నాలుగు సాంగ్స్ ని పక్కకు నెట్టి నాటు నాటు ఆస్కార్ అందుకుంది. ఈ పాటకు కీరవాణి సంగీతం అందించారు. చంద్రబోస్ సాహిత్యం సమకూర్చారు. ఆస్కార్ వేదికపైకి వెళ్లి వీరిద్దరూ అవార్డు అందుకున్నారు. కీరవాణి ఆస్కార్ అవార్డు అంగీకార సందేశం ఇచ్చారు.
దర్శకుడు రాజమౌళి విజువల్ వండర్ ఆర్ ఆర్ ఆర్ ప్రపంచ సినిమా వేదికలపై సత్తా చాటింది. రాజమౌళి న్యూయార్క్ ఫిల్మ్ క్రిటిక్స్ సర్కిల్ అవార్డుకి ఎంపికయ్యారు. రామ్ చరణ్, ఎన్టీఆర్ గ్లోబల్ స్టార్స్ గా ఎదిగారు. ముఖ్యంగా రామ్ చరణ్ అరుదైన గౌరవాలు అందుకున్నారు. హాలీవుడ్ క్రిటిక్స్ అసోసియేషన్ అవార్డ్స్ వేడుకకు ఆయన ముఖ్య అతిథిగా హాజరయ్యారు. స్పాట్ లైట్ అవార్డుతో గౌరవించబడ్డారు. గుడ్ మార్నింగ్ అమెరికా షోలో రామ్ చరణ్ పాల్గొన్నారు.
.@Teslalightshows light sync with the beats of #Oscar Winning Song #NaatuNaatu in New Jersey 🤩😍
Thanks for all the love. #RRRMovie @Tesla @elonmusk pic.twitter.com/wCJIY4sTyr
— RRR Movie (@RRRMovie) March 20, 2023
