Assam Police: గూగుల్ నుంచి ఎన్నో సర్వీసులు ప్రస్తుతం అందుబాటులో ఉన్నాయి. మనం దేనికోసం సెర్చ్ చేయాలన్నా, ఏది చూడాలనుకున్నా, ఎక్కడికైనా వెళ్లాలనుకున్నా, రూట్ మ్యాప్ల కోసం గూగుల్ను ఆశ్రయిస్తాం. అయితే, తరచూ గూగుల్(Google)లో కీలక మార్పులు చోటు చేసుకుంటాయి. ఇది వినియోగదారులకు మరిన్ని ఫీచర్లను అందిస్తుంది. చాలా మంది గూగుల్ మ్యాప్స్ వాడుతున్నారు. ఇది మన సౌలభ్యం కోసం తయారు చేయబడింది. కానీ కొన్నిసార్లు దాని ఉపయోగం కూడా ఇబ్బందులకు గురి చేస్తుంది. అలాంటి ఒక కేసు ఇప్పుడు అస్సాం(Assam) నుండి వెలుగులోకి వచ్చింది. ఇక్కడ అస్సాం పోలీసులు గూగుల్ మ్యాప్స్(Google Maps) ద్వారా ఒక నేరస్థుడిని వెంబడిస్తున్నారు. కానీ పొరపాటున అతను నాగాలాండ్ చేరుకున్నాడు. వారిలో ముగ్గురు మాత్రమే పోలీసు యూనిఫాం ధరించారు. మిగిలిన వారు సాధారణ దుస్తులలో ఉన్నారు. నాగాలాండ్(Nagaland) ప్రజలు నేరస్థులు తమ ప్రాంతంలోకి ప్రవేశించారని అనుకున్నారు. దీంతో ప్రజలు పోలీసులపై దాడి చేసి రాత్రంతా వారిని బందీలుగా ఉంచారు.
‘గూగుల్ మ్యాప్స్’ ద్వారా దాడి సమయంలో అస్సాం పోలీసుల 16 మంది సభ్యుల బృందం అనుకోకుండా నాగాలాండ్లోని మోకోక్చుంగ్ జిల్లాకు చేరుకుంది. ఆ తర్వాత స్థానిక ప్రజలు, పోలీసులను నేరస్థులుగా భావించి వారిపై దాడి చేసి రాత్రంతా బందీలుగా ఉంచారు. అస్సాం సీనియర్ పోలీసు అధికారి ప్రకారం, మంగళవారం రాత్రి జోర్హాట్ జిల్లా పోలీసుల బృందం ఒక నిందితుడిని అరెస్టు చేయడానికి దాడి చేస్తుండగా ఈ సంఘటన జరిగింది. ‘ఇది గూగుల్ మ్యాప్లో అస్సాంలో చూపించబడిన తేయాకు తోటల ప్రాంతం’ అని పోలీసు అధికారి(Police Officer) అన్నారు. అయితే, అది నిజానికి నాగాలాండ్ లోపలే ఉంది. జీపీఎస్ లో గందరగోళం, తప్పుదారి పట్టించే మార్గం చూపిన కారణంగా బృందం నేరస్థుడిని వెతుకుతూ నాగాలాండ్ సరిహద్దులోకి వెళ్లింది. స్థానిక ప్రజలు అస్సాం పోలీసు బృంద సిబ్బందిని అధునాతన ఆయుధాలను కలిగి ఉన్న నేరస్థులుగా తప్పుగా భావించి వారిని అదుపులోకి తీసుకున్నారని ఆయన చెప్పారు.
సాధారణ దుస్తుల్లో పోలీసులు
‘పోలీసు బృందంలోని 16 మంది సిబ్బందిలో ముగ్గురు మాత్రమే యూనిఫాంలో ఉన్నారు. మిగిలిన వారు సాధారణ దుస్తులలో ఉన్నారు’ అని పోలీసు అధికారి అన్నారు. ఇది స్థానిక ప్రజల్లో కూడా గందరగోళాన్ని సృష్టించింది. వారు బృందంపై కూడా దాడి చేశారు. మా సిబ్బందిలో ఒకరు గాయపడ్డారని తెలిపారు. నాగాలాండ్లో ప్రతికూల పరిస్థితి గురించి సమాచారం అందుకున్న జోర్హాట్ పోలీసులు వెంటనే మోకోక్చుంగ్ పోలీసు సూపరింటెండెంట్ను సంప్రదించారు. ఆయన అస్సాం పోలీసు సిబ్బందిని రక్షించడానికి ఒక బృందాన్ని సంఘటన స్థలానికి పంపారు. అప్పుడు స్థానికులు అది అస్సాం నుండి వచ్చిన నిజమైన పోలీసు బృందం అని గ్రహించి, గాయపడిన వ్యక్తితో సహా ఐదుగురు సభ్యులను విడుదల చేశారు. అయితే, వారు మిగిలిన 11 మందిని రాత్రంతా బందీలుగా ఉంచారు. వారిని ఉదయం విడుదల చేసి తరువాత జోర్హాట్ చేరుకున్నారు.
