రోడ్డంతా చెత్తేసి కుక్కలొస్తున్నాయ్ అంటే ఎలా..
‘జీహెచ్ఎంసీలో రోడ్ల పక్కనే చెత్త వేస్తున్నారు. మున్సిపల్ సిబ్బంది కూడా చెత్తను రోడ్డ పక్కనే డంప్ చేస్తున్నారు. జనావాసాల మధ్య గుట్టలుగా చెత్త పేరుకుపోతోంది. దీని కారణంగా కూడా కుక్కలు పెరుగుతున్నాయి’ అని కోర్టు తెలిపింది. పారిశుధ్య నిర్వహణలో పాలకులు విఫలమయ్యారని పరోక్షంగా విమర్శించింది.
వారం క్రితం నోటీసులు..
ఇదిలా ఉంటే హైదరాబాద్లో వీధి కుక్కల బెడదపై వారం క్రితమే విచారణ జరిపిన కోర్టు వీధికుక్కల అంశాన్ని తీవ్రంగా పరిగణించింది. వాటిని నియంత్రిచేందుకు అన్నిరకాల చర్యలు చేపట్టాలని ప్రభుత్వానికి, అధికారులకు ఆదేశాలు జారీ చేసింది. వీధికుక్కల దాడుల్లో చిన్న పిల్లలు మృతిచెందిన ఘటనలను గుర్తుచేసిన హైకోర్టు తీవ్ర అభ్యంతరం వ్యక్తం చేసింది. విధుల్లో ఉదాసీనంగా వ్యవహరించే అధికారులపై చర్యలు తీసుకోవాలని ఆదేశాలు జారీ చేసింది. వీధికుక్కల దాడులు, నియంత్రణకు తీసుకుంటున్న చర్యలపై కౌంటర్ దాఖలు చేయాలని ప్రభుత్వానికి నోటీసులు జారీ చేసింది.
ఆగని దాడులు..
ఒకవైపు కోర్టు మందలిస్తున్నా అధికారుల్లో చలనం కానరావడం లేదు. వారం వ్యవధిలోనే పలుచోట్ల కుక్కల దాడి ఘటనలు వెలుగులోకి వచ్చాయి వారం వ్యవధిలోనే ఇద్దరు చిన్నారులను చంపేశాయి. ఈ తరుణంలో గురువారం(జూలై 18న) విచారణ జరిపిన కోర్టు.. ప్రభుత్వం తీరును తప్పు పట్టింది.
