Irumudi Second Song: మాస్ మహారాజ రవితేజ చాలా కాలం తర్వాత కమర్షియల్ మాస్ ఎలిమెంట్స్ ని పక్కన పెట్టి, పూర్తి స్థాయి కంటెంట్ ఓరియెంటెడ్ సబ్జెట్ తో వస్తున్న చిత్రం ‘ఇరుముడి’. ప్రస్తుత ట్రెండ్ కి ఎలాంటి సినిమా చెయ్యాలో , రవితేజ అలాంటి సినిమానే చేస్తున్నాడని , పైగా అయ్యప్ప స్వామి బ్యాక్ గ్రౌండ్, మైత్రీ మూవీ మేకర్స్ బ్యానర్, శివ నిర్వాణ డైరెక్టర్ కావడంతో మార్కెట్ లో ఈ చిత్రం పై విపరీతమైన అంచనాలు ఏర్పడ్డాయి. ఈమధ్య కాలంలో ఏ రవితేజ సినిమాకు కూడా ఆడియన్స్ లో విడుదలకు ముందు ఇంత హైప్ ఏర్పడలేదు. ఇకపోతే ఇప్పటి వరకు విడుదలైన గ్లింప్స్ వీడియో , మొదటి పాటకు ఆడియన్స్ నుండి మంచి రెస్పాన్స్ వచ్చింది. ఇక నేడు ఈ చిత్రం నుండి రెండవ పాట కాసేపటి క్రితమే విడుదలైంది.
‘యాలల్లో యాలల్లో’ అంటూ సాగే ఈ పాటలో రవితేజ కుటుంబాన్ని చూపించాడు డైరెక్టర్. సరదాగా , సాధారణమైన మధ్య తరగతి కుటుంబం లో బంధాలు , అనుబంధాలు ఎలా ఉంటాయో అద్దం పట్టేలా ఈ పాటతో చూపించాడు డైరెక్టర్. ముఖ్యంగా రవితేజ కి తన కూతురు తో రిలేషన్ ని చూస్తుంటే , సినిమాలో ఎమోషనల్ టచ్ పీక్ రేంజ్ లో ఉండేట్టు అనిపిస్తుంది. ఇక జీవీ ప్రకాష్ కుమార్ అందించిన ట్యూన్ చాలా స్మూత్ గా , వినసొంపుగా ఉంది. అనంత్ శ్రీరామ్ మరోసారి తన సాహిత్యం తో ప్రేక్షకులను కట్టిపారేసాడు. ఇక ఈ పాటలో ప్రియా భవాని శంకర్ చాలా హోమ్లీ గా కనిపించింది. తమిళం లో బాగా పాపులర్ అయినటువంటి ఈ హీరోయిన్ కి , ఇదే మొదటి తెలుగు సినిమా. గతం లో ఈమె అక్కినేని నాగచైతన్య హీరో గా నటించిన ‘దూత’ అనే వెబ్ సిరీస్ తో తెలుగు ఆడియన్స్ కి పరిచయమైంది.
ఓవరాల్ గా ఈ పాటని చూస్తుంటే , రవితేజ కి చాలా రిఫ్రెషింగ్ సినిమా లాగా అనిపిస్తోంది. ఈ ఏడాది మొత్తం ఫ్లాప్స్ లో ఉన్న హీరోలందరూ బాక్స్ ఆఫీస్ వద్ద భారీ కం బ్యాక్స్ ఇస్తూ , బయ్యర్స్ కి కాసుల కనకవర్షం కురిపిస్తున్నారు. ఇప్పుడు రవితేజ వంతు వచ్చేసిందని అంటున్నారు. ఈ నెల 21 వ తారీఖున ప్రపంచవ్యాప్తంగా భారీ అంచనాల నడుమ తెలుగు , తమిళ భాషల్లో విడుదల అవ్వబోతున్న ఈ సినిమా రవితేజ కి కం బ్యాక్ మూవీ గా నిలుస్తుందో లేదో చూడాలి. ఆయన కం బ్యాక్ కోసం కేవలం అభిమానులు మాత్రమే కాదు , టాలీవుడ్ మొత్తం ఎంతో ఆతృతగా ఎదురు చూస్తుంది.
