Producers of ‘Pushpa 2’ and ‘Game Changer’ : టాలీవుడ్ లో త్వరలో విడుదల కాబోతున్న పాన్ ఇండియన్ చిత్రాలు ‘గేమ్ చేంజర్’, ‘పుష్ప 2’ కోసం అభిమానులు, ప్రేక్షకులు ఎంత ఆతృతగా ఎదురు చూస్తున్నారో ప్రత్యేకించి చెప్పనవసరం లేదు. ఈ రెండు సినిమాలు మెగా ఫ్యామిలీ కి సంబంధించినవే. ఎన్నో ఏళ్ళ నుండి ఈ రెండు సినిమాల కోసం అభిమానులు ఆతృతగా ఎదురు చూస్తున్నారు. ఈ రెండు సినిమాల నుండి చిన్న అప్డేట్ వచ్చినా సోషల్ మీడియా మొత్తం మోత మోగిపోయేది. ముందుగా పుష్ప 2 విడుదల కాబోతుంది. వచ్చే నెల 5 వ తారీఖున విడుదల కాబోతున్న ఈ సినిమా థియేట్రికల్ ట్రైలర్ ని ఇటీవలే విడుదల చేయగా, దానికి ఆడియన్స్ నుండి అద్భుతమైన రెస్పాన్స్ వచ్చింది. కేవలం తెలుగు వెర్షన్ ట్రైలర్ కి ఇప్పటి వరకు 60 మిలియన్ వ్యూస్ వచ్చాయంటేనే అర్థం చేసుకోవచ్చు, ఈ సినిమాకి ఎలాంటి క్రేజ్ ఉంది అనేది.
అదే విధంగా ప్రీ రిలీజ్ ఈవెంట్ ని అమరావతి ఈ నెల 28 వ తారీఖున గ్రాండ్ గా ప్లాన్ చేయాలనీ ఆలోచిస్తున్నారట. ఈ ఈవెంట్ కి ఆంధ్ర ప్రదేశ్ ఉప ముఖ్యమంత్రి పవన్ కళ్యాణ్ ని ముఖ్య అతిథి గా పిలవబోతున్నట్టు సమాచారం. అంతే కాదు టికెట్ రేట్స్, అదనపు షోస్, బెన్ఫిట్ షోస్ కి అనుమతిని కోరుతూ మైత్రీ మూవీ మేకర్స్ నిర్మాతలు ఇటీవలే సినిమాటోగ్రఫీ మినిస్టర్ కందుల దుర్గేష్ కి వినతి పత్రం అందచేశారట. వచ్చే వారం ప్రభుత్వం నుండి అనుమతి ఇస్తూ జీవో ని జారీ చేసే అవకాశం ఉంది. ఈ సందర్భంగా మేకర్స్ పవన్ కళ్యాణ్ ని కలిసి కృతఙ్ఞతలు తెలిచేస్తూ, పుష్ప 2 ప్రీ రిలీజ్ ఈవెంట్ కి అతిధిగా రావాలని ఆహ్వానించబోతున్నారట.
మరో పక్క ‘గేమ్ చేంజర్’ నిర్మాత దిల్ రాజు కూడా పవన్ కళ్యాణ్ ని ప్రీ రిలీజ్ ఈవెంట్ కోసం ఆహ్వానించబోతున్నట్టు తెలుస్తుంది. వచ్చే నెల 2వ తేదీన తిరుపతి లో ఈ సినిమా ప్రీ రిలీజ్ ఈవెంట్ ని కనీవినీ ఎరుగని రీతిలో ప్లాన్ చేయబోతున్నారట. మరి ఈ రెండు సినిమా ప్రీ రిలీజ్ ఈవెంట్స్ కి పవన్ కళ్యాణ్ వెళ్తాడా?, లేకపోతే సినిమా ఈవెంట్ కి వెళ్లి, మరో సినిమా ఈవెంట్ ని వదిలేస్తారా అనేది ఇప్పుడు పెద్ద ప్రశ్న. ఎందుకంటే ప్రస్తుతం ఆయన ఎంత బిజీ గా ఉన్నాడో మనమంతా చూస్తూనే ఉన్నాము. ఆంధ్ర ప్రదేశ్ ఉపముఖ్యమంత్రిగా బాధ్యతలు చేపడుతూనే, మరోపక్క ‘హరి హర వీరమల్లు’ మూవీ షూటింగ్ లో బిజీ గా ఉన్నాడు. ప్రస్తుతం అసెంబ్లీ సమావేశాలు జరుగుతున్నా కారణంగా కొన్ని రోజులు జరగాల్సిన షెడ్యూల్ ని వాయిదా వేశారు. ఈ నెల 23 వ తారీఖు నుండి మళ్ళీ షూటింగ్ మొదలయ్యే అవకాశం ఉంది.
